laatehaar

laatehar
shahar ity
samay mandal: IST (UTC+5:30)
desh Flag of India.svg Bhaarat
raajya Jharkhand
jila laatehar
janasankhya 19,067 (2001 tak )
kshetrafal
ooainchaai (AMSL)

• 387 meter (1,270 fee॰)

Erioll world.svgnirdeshaank: 23°a45′aN 84°a30′aE / 23.75°aN 84.50°aE / 23.75; 84.50

laatehaar Bhaarat mein Jharkhand praant ke laatehar jila ka mukhyaalaya hai. praakrutik sundarata ka paryaaya laatehaar Jharkhand mein sthit hai. iski sthaapana 4 April 2001 E. ko ki gayi thi. laatehaar manohaari jangalon, khoobsoorat jharanon, vishaal khadaanon aur hare-bhare kheton se bhara pada hai. iske jharanon ke paas piknik manaana paryatakon ko bahut pasand aata hai. paryatak yahaan piknik manaane ke alaava aadivaasiyon ki sanskrutiyon se bhi roobaroo ho sakte hain. yeh aadivaasi varsh mein anek utsav manaate hain jinmein jani shikaar utsav pramukh hain.

anukram

pramukh aakarshan

jani shikaar utsav

laatehaar ka adhiktar bhoo-bhaag jangalon se ghira hua hai. in jangalon mein jo aadivaasi rahate hain unki aajeevika inheen jangalon se chalti hain. apne samaaj ki raksha karne ke liye mahilaaen purush shikaari bhesh mein shikaar karti theen evam ladaai ladaati theen | baad mein parampara ke kaaran baarah varshon ke antaraal par paaramparik purush vastron mein mahilaaen jani shikaar karne lageen | ab yeh paramparaagat parb ke roop mein baarah barshon ke antaraal par mahilaavon dvaara manaaya jaata hai |

kalaakrutiyaan

laatehaar mein udyogon ki kami hai isliye yahaan ke nivaasi aajeevika kamaane ke liye jangalon mein paae jaane vaale fool-patton se khoobsoorat kalaakrutiyaan banaate hain. in kalaakrutiyon mein baans ki tokariyaan pramukh hain jo paryatakon ko bahut pasand aati hain. tokariyon ke alaava vah mahuaa ke foolon aur keindu ke pattiyon se bhi anek kalaakrutiyaan banaate hain. yahaan aane vaale adhiktar paryatak in kalaakrutiyon ko smrutikaaon ke roop mein apne saath le jaate hain.

khadaanein

laatehaar ko iski koyale, bauksaait, leteraait aur dolomaait ki khadaanon ke liye poore vishv mein jaana jaata hai. yeh khadaanein aakaar mein bahut badi hain aur laatehaar ki arthavyavastha ki reedh maani jaati hain. paryatak chaahein to in khadaanon ko dekhne ja sakte hain. in khadaanon mein anek majadoor kaam karte hain. in khadaanon ko dekhne ke baad chiyaanki, koyal vyoo point aur maiganoliya pvaanit ghoomane jaaya ja sakta hai. yeh teenon bahut khoobsoorat hai aur laatehaar ke paryatan udyog ki jaan maane jaate hain.

jharane

prakruti ne laatehaar mein apne saundarya ko khulkar bikhera hai aur jharanon ke roop mein isko anmol upahaar diye hain. yeh sabhi jharane bahut khoobsoorat hain aur paryatakon ko bahut pasand aate hain. jharanon ke paas shahar ki bhaagati-daudti jindagi se door jeevan ke kuchh yaadagaar lamhein bitaae ja sakte hain. yeh sabhi jharane itne khoobsoorat hain ki jo bhi paryatak yahaan aate hain vah inki taareef kiye bina naheen rah paate. kaanti, nichla ghaagari, shaahi, lodh, mirchiya aur oopari ghaagari iske pramukh jharane hain.

aavaagaman

vaayu maarg

raashtreeya aur antarraashtreeya havaai sevaaon dvaara Ranchi havaai adde tak pahuncha ja sakta hai. yahaan se laatehaar tak pahunchana kaafi aasaan hai.

rel maarg

laatehaar mein gadhva-Ranchi laain par tori railway station ka nirmaan kiya gaya hai. palaamu express, hatiya-Delhi express, svarn jayanti express aur shaktipunj express se tori railway station tak pahuncha ja sakta hai.

sadak maarg

Jharkhand ki rajdhani Ranchi se laatehaar ke liye niyamit bas seva hai.