laama (pashu)

laama
एक बैठा हुआ लामा।
ek baitha hua laama.
sanrakshan sthiti
Domesticated
vaigyaanik vargeekaran
jagat: jantu
sangh: rajjuki
varg: stanadhaari
gan: aartiodaiktaaila
kul: kaimelidi
prajaati: laama
jaati: L. glama
dvipd naam
Lama glama
(leeniys, 1758)

laama (Lama glama), ek kaimilid pashu hai jo dakshin America mein paaya jaata hai. ise ek paalatoo pashu ke roop mein endiyn logon dvaara praagaitihaasik kaal se bhi pehle se paala jaata hai aur yeh unki bojha dhone, oon aur maans ki aavashyakataaon ko poora karta hai.

poorn viksit laama ki ooainchaai 1.7 meter (5.5 foot) se 1.8 meter (6 foot) tak hoti hai. inka vajan 130 kigra (280 pound) and 200 kigra (450 pound) ke beech hota hai. janm ke samay ek laama chhaune, jise kriaa kehte hain ka vajan 9.1 kigra (20 pound) and 14 kigra (30 pound) ke beech ho sakta hai. laama ek saamaajik pashu hai aur yeh doosare laamaaon ke saath jhund mein rahana pasand karte hain. inse praapt oon atyant mulaayam aur lainolin (angreji: Lanolin; oon ka mom) se mukt hota hai. laama ek buddhimaan praani hai jo kisi saral kaam ko kuchh prayaason ke baad karna seekh sakta hai. yadi kisi laam ko bojha dhone ke kaam mein lagaaya jaaye to yeh apne vajan ka 25% se 30% tak vajan kuchh meelon tak dho sakte hain.[1]

laamaaon ka praadurbhaav uttari America ke maidaanon mein lagbhag 4 karod varsh pehle hua tha. jahaan se pravaas kar dakshin America mein aaye. pichhle himyug ke ant mein (10,000–12,000 varsh pehle) uttari America se kaimelid vilupt ho gaye.[1] 2007 tak dakshin America mein lagbhag 70 lakh laama aur alapaaka the aur 20 veen sadi ke ant mein aayaat hone ke kaaran sanyukt raajya America aur Canada mein inki sankhya kramash: 158000 aur 100000 ke kareeb hai.[2]

sandarbh

  1. a aa "Llama". Oklahoma State University. 2007-06-25. http://www.ansi.okstate.edu/breeds/other/llama/.
  2. South Central Llama Association (2009-01-22). "Llama Facts". http://www.scla.us/llamafacts.html.