laala laajapat rai

laala laajapat rai
janm 28 January 1865
dudhike, Punjab, bartaanavi Bhaarat (ab Bhaarat mein hai)
mrutyu 17 November 1928 (umr 63)
Lahore, bartaanavi Bhaarat (ab Pakistan mein hai)
sanstha bhaarateeya raashtreeya Congress, aarya samaaj, hindu mahaasabha
raajaneetik aandolan bhaarateeya svatantrata aandolan
dharm hindu dharm
laalaaji (1908 mein)

laala laajapat rai ( punjabi: ਲaaਾaaਲaaਾ ਲaaਾaaਜaaਪaaਤ ਰaaਾaaਏ, janm: 28 January 1865 - mrutyu: 17 November 1928) Bhaarat ke ek pramukh svatantrata senaani the. inhein Punjab kesari bhi kaha jaata hai. inhonne Punjab naishanal bank aur lakshmi beema company ki sthaapana bhi ki thi. ye bhaarateeya raashtreeya Congress mein garam dal ke teen pramukh netaaon laal-baal-paal mein se ek the. san 1928 mein inhonne Simon commission ke viruddh ek pradarshan mein hissa liya, jiske dauraan hue laathi-chaarj mein ye buri tarah se ghaayal ho gaye aur antat: 17 November san 1928 ko inki mahaan aatma ne paarthiv deh tyaag di.

anukram

jeevan vrutt

laala laajapat rai ka janm Punjab ke moga jile mein ek Agrawal baniya parivaar mein hua tha. inhonne kuchh samay Haryana ke Rohtak aur hisaar shaharon mein vakaalat ki. ye bhaarateeya raashtreeya Congress ke garam dal ke pramukh neta the. baal gangaadhar tilk aur bipin chandra paal ke saath is trimoorti ko laal-baal-paal ke naam se jaana jaata tha. inheen teenon netaaon ne sabse pehle Bhaarat mein poorn svatantrata ki maaaing ki thi baad mein samoocha desh inke saath ho gaya. inhonne svaami dayaanand sarasvati ke saath milkar aarya samaaj ko Punjab mein lokapriya banaaya. laala hansaraaj ke saath dayaanand englo vaidik vidyaalayon ka prasaar kiya bhaag jinhein aajkal deeevi skools va kaalej ke naam se jaana jaata hai. laalaaji ne anek sthaanon par akaal mein shivir lagaakar logon ki seva bhi ki thi. 30 October 1928 ko inhonne Lahore mein Simon commission ke viruddh aayojit ek vishaal pradarshan mein hissa liya, jiske dauraan hue laathi-chaarj mein ye buri tarah se ghaayal ho gaye. us samay inhonne kaha tha: "mere shareer par padi ek-ek laathi british sarkaar ke taaboot mein ek-ek keel ka kaam karegi." aur vahi hua bhi; laalaaji ke balidaan ke 20 saal ke bheetar hi british saamraajya ka soorya ast ho gaya. 17 November 1928 ko inheen choton ki vajah se inka dehaant ho gaya.

laalaaji ki maut ka badla

laala ji ki mrutyu se saara desh uttejit ho utha aur chandrashekhar aajaad, bhagatasinh, raajaguru, sukhadev va anya kraantikaariyon ne laalaaji ki maut ka badla lene ka nirnaya kiya. in jaaainbaaj deshabhakton ne laalaaji ki maut ke theek ek maheene baad apni pratijnyaa poori kar li aur 17 December 1928 ko british police ke afsar saandars ko goli se uda diya. laalaaji ki maut ke badle saandars ki hatya ke maamale mein hi raajaguru, sukhadev aur bhagatasinh ko faaainsi ki saja sunaai gayi.

hindi seva

laalaaji ne hindi mein shivaaji, shreekrushn aur kai mahaapurushon ki jeevaniyaaain likheen. unhone desh mein aur visheshat: Punjab mein hindi ke prachaar-prasaar mein bahut sahayog diya. desh mein hindi laagoo karne ke liye unhone hastaakshar abhiyaan bhi chalaaya tha.

rachanaaeain

  • Young India
  • England's Debt to India
  • The Political Future of India
  • Unhappy India
  • The Story of My Life - aatmakatha

inhein bhi dekhein

baahari kadiyaaain