laal-baal-paal

teen neta jinhonne bhaarateeya svaadheenata sangraam ki disha hi badal di.

laala laajapat rai, baal gangaadhar tilk aur bipin chandra paal ko sammilit roop se laal-baal-paal ke naam se jaana jaata tha. bhaarateeya svatantrata ke sangharsh mein 1905 se 19018 tak ki avadhi mein ve garam raashtravaadi vichaaron ke pakshadhar aur prateek bane rahe. ve svadeshi ke pakshadhar the aur sabhi aayaatit vastuon ke bahishkaar ke samarthak the. 1905 ke bang bhang aandolan mein unhone jamkar bhaag liya. laal-baal-paal ki trimoorti ne poore Bhaarat mein Bengal ke vibhaajan ke viruddh logon ko aandolit kiya. Bengal mein shuroo hua dharana, pradarshan, hadtaal, aur videshi vastuon ka bahishkaar desh ke anya bhaagon mein bhi fail gaya.

1907 mein bhaarateeya raashtreeya Congress garam dal aur naram dal mein vibhaajit ho gayi. 1908 mein tilk ne kraantikaari prafull chaaki aur khudeeraam Bose ke bam hamle ka samarthan kiya jiske kaaran unhein barma (ab myaanmaar) sthit maandale ki jail bhej diya gaya. baal gangaadhar tilk ki giraftaari, bipin chandr paal tatha aravind ghosh ki sakriya raajaneeti se sanyaas lene ke kaaran bhaarateeya svatantrata ka yeh ka ugr raashtravaadi aandolan kamjor pad gaya. antat: 1928 mein laala laajapat rai ki bhi angrejon ke laatheechaarj ke kaaran mrutyu ho gayi.