laachung

laachung
samay mandal: IST (UTC+5:30)
desh Flag of India.svg Bhaarat
raajya sikkim
jila uttari sikkim
kshetrafal
ooainchaai (AMSL)

• 2,700 meter (8,858 fee॰)

Erioll world.svgnirdeshaank: 27°a37′a00″aN 88°a39′a00″aE / 27.61667°aN 88.65°aE / 27.61667; 88.65 laachung Bhaarat ke sikkim raajya mein ek kasba hai. yeh Tibet (cheen) se lagte uttari sikkim jile mein sthit hai. laachung 9,600 foot ki oonchaai par laachen va laachung nadiyon ke sangam par sthit hai. ye nadiyaan hi aage jaakar teesta nadi mein mil jaati hain. yeh raajya ki rajdhani gangatok se 125 kimi ki doori par sthit hai.

ise sikkim ke sabse sundar gram ke roop mein khyaati praapt hai. ise yeh darja british ghumakkad Joseph daultan hukar ne 1855 mein prakaashit hue the himaalayan journal mein diya tha. lekin Joseph daaltan ke us tamage ke bina bhi yeh gram manohaari hai.

anukram

paryatan

laachung kasba.

laachung lagbhag 3,200 meter ki oonchaai par sthit hai. itni oonchaai par thand to baarahamaasi hoti hai. lekin barf giri ho to yahaan ki sundarata ko naya hi aayaam mil jaata hai, jiski photo utaarakar aap apne draaingaroom mein saja sakte hain. iseeliye log yahaan sardi ke mausam mein bhi khoob aate hain. praakrutik sundarata ke atirikt sikkim ki vishesh baat yeh bhi hai ki barf girne par bhi uttar ka yeh kshetr sugam rahata hai. barf se dhaki chotiyaan, jharane aur chaandi si jhilmilaati nadiyaan yahaan aane vaale paryatakon ko stabdh kar deti hain.

laachung aisi hi jagah hai. aam taur par laachung ko yumathaang ghaati ke liye base ke roop mein prayukt hota hai. yumathaang ghaati ko poorv ka svitjralaind bhi kaha jaata hai.

kya karein

yumathaang jaane ke alaava bhi laachung mein bahut kuchh kiya ja sakta hai. ek alag pahaadee ki choti par laachung math hai. adbhut ghaati mein yahaan dhyaan lagaane baithein to maano swayam ko hi bhool jaaen. lagbhag 12 hajaar foot ki oonchaai par sthit nyingamaapa bauddhon ke is math ki sthaapana 1806 mein hui thi. iske alaava laachung mein hathakaragha kendra hai jahaan sthaaneeya hastashilp ka liya ja sakta hai. paas hi shingaba rododeindran (buraansh) abhayaaranya hai. saat-aath hajaar foot se oopar ki oonchaai vaale himaalayi pedon ko rang dene vaale buraansh ke pedon ko yahaaain bahut nikat se mahasoos kiya ja sakta hai. yahaan rododeindran ki lagbhag 25 tarah ki kismein hain. nepaali, lepacha aur bhootiya yahaan ke mool nivaasi hain. unki sanskruti se mel milaap ka bhi sunahara avsar yahaan milta hai. kanchanajangha raashtreeya udyaan bhi isi kshetr mein hai. yumathaang se aage yume-semadong tak jaaya ja sakta hai. vah sadak ka aakhiri sira hai. vahaan jeero point 15,700 foot se oopar hai. us oonchaai par khade hokar, jahaan hava bhi thodi jheeni ho jaati hai, aage ka najaara dekhna ek durlabh avsar hai.

kab-kaise-kahaan

laachung jaane ka sarvashreshth samay October se May tak hai. April-May mein yeh ghaati foolon se lakadak dikhaai degi to January-February mein barf se aachhaadit. har samay ki alag sundarata hai.

laachung sikkim ki rajdhani gangatok se 117 kilometer door hai. gangatok se yeh raasta jeep mein paanch ghante mein tay kiya ja sakta hai. laachung se yumathaang ghaati 24 kilometer aage hai. yumathaang tak jeepein jaati hain. raasta fodong, mangan, singhik va chungathaang hote hue jaata hai. jeepein gangatok se mil jaati hain. dhyaan rahe ki sikkim mein baahar se aane vaale jeep-car aage ka safar tay naheen kar sakte. isliye vaahan ka jugaad sthaaneeya star par hi karna hoga.

Bhaarat-cheen ke beech seema vyaapaar shuroo hone ke baad se is kshetr mein paryatakon ki aavaajaahi bhi badhi hai. isse pehle 1950 mein Tibet par cheen ke adhikaar se pehle bhi laachung sikkim va Tibet ke beech vyaapaarik chauki ka kaam karta tha. baad mein yeh kshetr lambe samay tak aam logon ke liye band raha. ab seema par sthiti saamaanya hone ke saath hi paryatak yahaan fir se jaane lage hain. parinaamasvarup yahaan kai hotel bhi bane hain. saste va mahange, donon prakaar ke hotel mil jaaenge. hotelon ki booking gangatok se hi kara lena sahi rahata hai.

sardiyon mein sikkim

sikkim baaki himaalayi raajyon ki tulana mein adhik shaant hai. prati varsh gangatok mein December mein food end kalchar utsav hota hai. January mein makar sankraanti ko yahaan maaghe sankraanti ke roop mein manaaya jaata hai. teesta va ringit nadiyon ke sangam par yahaan bada mela lagta hai jismein badi sankhya mein sthaaneeya log va paryatak sammilit hote hain. iske atirikt alag-alag bauddh mathon ke bhi apne-apne aakarshak dhaarmik aayojan hote hain.

chitr deergha

inhein bhi dekhein

baahari kadiyaaain