kustuntuniya

baaijeintaain kustuntuniya

kustuntuniya (Constantinople/kaanstaintinopul ; aadhunik Turkey : Istanbul) Turkey desh ka prasiddh nagar hai. yeh baasaforas jalasanyojak aur maaramara saagar ke sangam par sthit hai. yeh ek aitihaasik nagar hai jo roman, baaijeintaain, laitin, evam aatomaan saamraajya ki rajdhani thi. isko lekar isaaiyon evam musalmaanon mein bhayankar sangharsh hua.

parichay

is nagar ki sthaapana roman samraat kaanstaintaain mahaan ne 328 E. mein praacheen nagar baaijaintiym ko vistrut roop dekar ki thi. naveen roman saamraajya ki rajdhani ke roop mein iska aarambh 11 May 330 E. ko hua tha. yeh nagar bhi rom ke samaan hi saat pahaadiyon ke beech ek tribhujaakaar pahaadi praayadveep par sthit hai aur pashchimi bhaag ko chhodkar lagbhag sab or jal se ghira hai. room saagar aur kaala saagar ke madhya sthit bruhat jalamaarg par hone ke kaaran is nagar ki sthiti badi mahatvapoorn rahi hai. prakruti ne durg ka roop dekar use vyaapaarik, raajaneetik aur yuddhakaalik drushtikon se ek mahaan saamraajya ki sudrudh aur shaktishaali rajdhani ke anuroop banane mein poorn yog diya tha aur nirantar solah shataabdiyon tak ek mahaan saamraajya ki rajdhani ke roop mein iski khyaati bani hui thi. san 1930 mein iska naya Turkey naam Istanbul rakha gaya. ab yeh nagar prashaasan ki drushti se teen bhaagon mein vibhkt ho gaya hai istaanbul, pera-galaata aur skootaari. ismein se pratham do Europeeya bhaag mein sthit hain jinhein baasaforas ki 500 gaj chaudi golden haurn naamak sainkari shaakha pruthak karti hai. skootaari Turkey ke Asiaee bhaag par baasaforas ke poorvi tat par sthit hai.

yahaaain ke udyogon mein chamada, shastr, itr aur sonaachaaaindi ka kaam mahatvapoorn hai. samudri vyaapaar ki drushti se yeh atyuttam bandargaah maana jaata hai. golden haurn ki gaharaai bade jahaajon ke aavaagaman ke liye bhi upayukt hai aur yeh aaaindhi, toofaan ityaadi se poornataya surakshit hai. aayaat ki jaanevaali vastueain makka, loha, lakdi, sooti, ooni aur reshami kapde, ghadiyaaain, kahava, cheeni, mirch, masaale ityaadi hain; aur niryaat ki vastuon mein resham ka saamaan, dariyaaain, chamada, oon aadi mukhya hain.

inhein bhi dekhein

baahari kadiyaaain