kumaarasambhav

kumaarasanbhavam mahaakavi kaalidaas virchit kaartikeya ke janm se sambandhit mahaakaavya hai jiski ganana sanskrut ke 'panch mahaakaavyon' mein ki jaati hai.

yeh mahaakaavya 17 sargon mein samaapt hua hai, kintu lok dhaarana hai ki keval pratham sarg hi kaalidaas rachit hai. baad ke anya nau sarg anya kavi ki rachana hai. kuchh logon ki dhaarana hai ki kaavya aath sargon mein hi shivpaarvati samaagam ke saath Kumar ke janm ki poorvasoochana ke saath hi samaapt ho jaata hai. kuchh log kehte hain ki aathavein sarg me shivpaarvati ke sanbhog ka varnan karne ke kaaran kaalidaas ko kushth ho gaya aur ve likh na sake. ek mat yeh bhi hai ki unka sanbhogavarnan janamaanas ko ruchi naheen isliye unhonne aage naheen likha.

katha

ismein varnit katha sankshep mein is prakaar hai-

parvataraaj himaalaya ke mainaak naamak putr aur Gauri naamak kanya hui. kanya paarvati aur uma naam se bhi vikhyaat hui. jab kanya hui to ek din uske ghar naarad aae aur bhavishyavaani ki ki kanya ka vivaah Shiv se hoga. yeh bhavishyavaani sunakar himaalaya niÏashchat ho gaye. udhar Shiv himaalaya ke shikhar par tap kar rahe the. himaalaya ne ek sakhi ke saath uma ko unki parichrya ke liye bhej diya aur uma bhaktibhaav se Shiv ki seva karne lagi.

unheen dinon taarakaasur se yuddh mein devata log paraajit ho gaye. daitya anek prakaar ke chhal karne laga. tab Indra sahit saare devata braahrua ke paas aae. taarakaasur ke nimit yogya senaapati ki maaaing ki. tab braahrua ne kaha ki shankar ke veerya se utpann puroosh hi tumhaara yogya senaapati ho sakta hai. isliye tum log prayaas karo jisse Shiv paarvati ke prati aasakt hon. yadi Shiv ne paarvati ko sveekaar kar liya to paarvati se jo putr hoga to uske senaapati banane par tumhaari vijay hogi. tatpashchaat indraadi devata Shiv ke virkt bhaav ko hataane ke upaaya par vichaar karne ke liye ekatr hue. jab madan us sabha me aae to Indra ne unase ananurodh kiya ki ve apne mitr vasant ke saath Shiv ke tapasya sthaan par jaayain aur Shiv ko paarvati ke prati aasakt karein. tadanusaar madan apni patni rati aur mitr vasant ko lekar shankar ke aashram mein pahuaincha. jab paarvati kamalabeej ki maala arpan karne Shiv ke nikat pahuainchi aur Shiv ne use lene ke liye haath badhaaya, tab madan ne apne dhanush par mohanaastr chadhaaya. tatkshan Shiv ka man vichlit hua. shankar ne is prakaar man ke akasmaat vikrut hone ka kaaran jaanane ke liye chaaron or drushti daudaai. unhein sharasandhaan karta madan dikhaai pada. use dekhte hi Shiv aag baboola ho gaye; unke truteeya netr se agnijvaala prakat hui aur madan usamein bhasm ho gaya.

rati apne pati ko is prakaar bhasm hote dekh vilaap karne lagi aur vasant se chita taiyaar karne ko kaha aur swayam praan tyaagane ko taiyaar hui. tab aakaashavaani hui ki thoda sabra karo tumhe tumhaara pati pun: praapt hoga.

udhar Shiv naareesanpark se bachane ke liye antardhaan ho gaye. madan ke bhasm hone aur Shiv ke antardhaan ho jaane se paarvati ne apna saara manorath vifal hote dekha aur yeh sochakar ki yeh roopasaundarya vyarth hai, ve Shiv ko prasann karne ke liye ek parvat shikhar par ja kar ugr tap karne lagi. kuchh kaal ke anantar Shiv ka man pighla unhonne paarvati ko sveekaar karne ka vichaar kiya. kintu isse poorv unhonne paarvati ki pareeksha karne ka nishchaya kiya aur ve ek tapasvi ke aashram mein pahuainche. paarvati ne atithi ke roop mein unka samuchit satkaar kiya. tadantar us tarun tapasvi ne paarvati se jijnyaaasa ki ki kiski praapti ke liye itni ugr tapasya kar rahi ho. atithi ke prashn ko sunakar paarvati lajjit hui aur apne manobhaav prakat karne me sankoch karne lagi tab unki sakhi ne Shiv ki praapti ki ichha ki baat kahi. yeh sunakar tapasvi veshadhaari Shiv, Shiv ke durgunon aur kuroopata aadi ka ullekh kar unki ninda karne lage. paarvati ko yeh Shiv ninda nahi hui aur unhe daaaintane lagi. tab Shiv apne svaroop me prakat hue aur unka haath pakad liya.

tatpashchaat Shiv ne saptarshi ke bulaakar himaalaya ke paas bheja. unhonne unase jaakar bataaya ki Shiv ne paarvati ka paanigrahan karne ki ichha prakat ki hai. tab vivaah ka nishchaya hua aur vivaah ki taiyaari hone lagi. saptamaatrukaaeain doolhe ke yogya vastr lekar I par Shiv ne un sab ko sveekaar naheen kiya aur nandi par savaar hokar hi chale. pashchaat vivaah ki saari kriyaaeain hui. vivaah sampann hone par Shiv sahit paarvati ne braahrua ko pranaam kiya. braahrua ne aasheervaad diya. tumhein veer putr ho. apsaraaon ne aakar var-vadhu ke sammukh ek naatak prasttut kiya. naatak samaapt hone ke baad Indra ne Shiv se madan ko jeevit karne ka anurodh kiya. ant mein Shiv aur paarvati ke ekaant milan ki charcha vistaar se ki gayi hai. is mahaakaavya mein anek sthalon par smaraneeya aur manoram varnan hua hai. himaalayavarnan, paarvati ki tapasya, braahruchaari ki shivninda, vasant aagaman, shivpaarvati vivaah aur ratikriya varnan adbhut anubhooti utpann karte hain. kaalidaas ka baala paarvati, tapasvini paarvati, vinyavati paarvati aur pragalbh paarvati aadi roopon naari ka chitran adbhut hai.