kulhaadi

kulhaadi

kataai ki kulhaadiyaan

kulhaadi ya kulhaada, (anya hindi shabd: farasa ya kuthaar) ek aujaar hai, jisko sadiyon se lakdi ko aakaar dene ya tukade karne, jungle se lakdi kaatne, yuddh me ek hathiyaar ke roop mein aur ek aupachaarik prateek ke roop mein istemaal kiya jaata hai. kulhaadi ko vibhinn kaaryon ke anusaar kai roop diye gaye hain, lekin ek aam kulhaadi ka ek lohe ya ispaat ka sir aur lakdi ka hattha hota hai.

kulhaadiyon ke praacheen prakaaron me inka hattha lakdi ka aur sir aur faal patthar ka hota tha. sabhyata mein pragati aur takaneekon ka vikaas ke saath kulhaadi ka sir taanbe, peetal, lohe aur ispaat se banaaya jaane laga.