kulapati

praacheen Bhaarat mein gurukul aashramon ke pradhaan 'kulapati' kahalaate the. raamaayan kaal mein vashishth ka bruhad aashram tha jahaaain raaja dileep tapashcharya karne gaye the, jahaaain vishvaamitr ko brahmatv praapt hua tha. is prakaar ka ek aur prasiddh aashram prayaag mein Bhardwaj muni ka tha.[1]

kaalidaas ne vasishth tatha kanv rishi ko (raghuvansh, pratham, 95 tatha abhi. sha., pratham ank) 'kulapati' ki sanjnyaa di hai. guptakaal mein sansthaapit tatha harshavardhan ke samay mein apni charamonnati ko praapt honevaale naalanda mahaavihaar naamak vishvavidyaalaya ke kuchh prasiddh tatha vidvaan kulapatiyon ke naam hvensaang ke yaatraavivran se gyaat hota hain. bauddh bhikshu dharmapaal tatha sheelabhadr unamein pramukh the.

praacheen bhaarateeya kaal mein adhyayan adhyaapan ke pradhaan kendra gurukul hua karte the jahaaain door door se brahmachaari vidyaarthi, athva satyaanveshi parivraajak apni apni shikshaaon ko poorn karne jaate the. ve gurukul chhote athva bade sabhi prakaar ke hote the. parantu un sabhi gurukulon ko na to aadhunik shabdaavali mein vishvavidyaalaya hi kaha ja sakta hai aur na un sabke pradhaan guruon ko kulapati hi kaha jaata tha. smrutivchanon ke anusaar

'muneenaan dashasaahasran yoऽnnadaanaadi poshaanaat. adhyaayapati viprarshirsau kulapati: smrut:.'

spasht hai, jo braahman rishi das hajaar muni vidyaarthiyon ko annaadi dvaara poshan karta hua unhein vidya padhaata tha, use hi 'kulapati' kehte the. oopar uddhrut 'smrut:' shabd ke prayog se yeh saaf dikhaai deta hai ki kulapati ke is vishishtaarthagrahan ki parampara badi puraani thi. kulapati ka saadhaaran arth kisi kul ka svaami hota tha. vah kul ya to ek chhota aur avibhkt parivaar ho sakta tha athva ek bada aur kai chhote chhote parivaaron ka samaan udgam vanshakul bhi. antevaasi vidyaarthi kulapati ke mahaan vidyaaparivaar ka sadasya hota tha aur uske maanasik aur bauddhik vikaas ka uttaradaayitv kulapati par hota tha; vah chhaatron ke shaareerik svaasthya aur sukh ki bhi chinta karta tha.

aajkal 'kulapati' shabd ka prayog vishvavidyaalaya ke 'vaaisachaansalar' ke liye kiya jaata hai.

sandarbh

  1. "mahaamana ka svapn". abhyudaya.com.

inhein bhi dekhein