kuki janajaati


kuki mangoli nasl ki ek vanavaasi jaati hai jo asam aur araakaan ke beech lushaai aur kaachaar jile mein rahati hai. inko chin, jomi, mijo (mijoram mein) bhi kehte hain. kooki log Bhaarat ke uttarapoorvi raajyon, uttari myaaainaar, bangalaadesh ke chittagraam pahaadiyon par nivaas karte hain. Bhaarat mein arunaachal pradesh ko chhodakar ve sabhi uttarapoorvi raajyon mein paaye jaate hain. antararaashtreeya seema par unka bikhre hona mukhyat: Britain ki aupaniveshik neeti ka parinaam hai.


iske bonjung kuki, baayate kuki, khelama kuki aadi kai kulavaachi bhed hain. ye balishth evam thingane hote hain aur naaga logon ki apeksha adhik khoonkhaar samajhe jaate hain. aaj se lagbhag dedh sau varsh poorv lushaai aur kuki logon mein yuddh hua jismein kuki logon ki haar hui aur ve apna nivaas chhodkar kaachaar mein aa base. unhein tatkaaleen british sarkaar ne prashraya diya aur 200 kukiyon ko seemaant rakshaarth sainik shiksha di.

kuki log apne sardaar ki aajnyaa ka paalan apna dharm samajhte hain. sardaar unka ek prakaar se raaja hota hai aur samjha jaata hai ki vah daivi ansh hai. is kaaran ve log usaka kabhi anaadar karne ka saahas naheen karte varan vah jo aadesh deta hai usaka aaainkh mooaindakar paalan karte hain. vishesh avsar aane par sardaar sanket dvaara aadesh jaari karta hai. yadi koi vyakti sardaar ka bhaala susajjit roop mein lekar gaaainv mein ghoomta hai to usaka arth hota hai ki sardaar ne sab logon ko avilanb bulaaya hai. is varg ka pratyek vyakti apne sardaar ko prati varsh karasvaroop ek tokari chaaval, ek bakari, ek kukkut aur apne shikaar ka chautha bhaag pradaan karta hai aur chaar din ki kamaai deta hai. sardaar ki sahaayata ke liye ek mantrimandal hota hai jiski sahaayata se vah nyaaya karta hai.

kuki logon mein vishvaasaghaat ki saja mrutyu hai. khoon ke aparaadh mein khooni aur uske parivaar ko gulaami karni hoti hai. striyon ko kisi prakaar ki svatantrata naheen hai, unapar sardaar ka aadesh laagoo hota hai. kuki log 'uthen' naamak devata ki pooja karte hain.