kshaareeya bhoomi

kshaareeya bhoomi (Alkali soils ya alkaline soils) us mitti ko kehte hain jinka peeech maan 9 se adhik hota hai (pH > 9)

anukram

parichay

kshaareeya aur lavanamaya bhoomi us prakaar ki bhoomi ko kehte hain jismein kshaar tatha lavan vishesh maatra mein paae jaate hain. shushk jalavaayu vaale sthaanon mein yeh lavan shvet ya bhoore shvet rang ke roop mein bhoomi par jama ho jaata hai. yeh bhoomi poornataya anupajaaoo evam oosar hoti hain aur ismein shushk ritu mein kuchh lavanapriya paudhon ke alaava anya kisi prakaar ki vanaspati naheen milti. paani ka nikaas na hone ke kaaran barasaat mein in bhoomikhandon par barasaati paani atyadhik maatra mein bhara rahata hai. yeh paani krutrim naaliyon ke abhaav, praakrutik dhaal ki kami evam neeche ki mitti ke apraveshya hone ke kaaran bhoomikhandon se baahar naheen nikal paata aur garami padne par vaayumandal mein udkar sookh jaata hai. barasaat mein yeh gaindala bana rahata hai aur sookhane par bhoomi ki satah par lavan chhod deta hai tatha saath hi saath ise kshaareeya bana deta hai.

vibhinn praanton mein is bhoomi ko alag alag naamon se pukaarate hain, jaise uttar pradesh mein 'oosar' ya 'rehala', Punjab mein 'thoor', kallar ya baara, Mumbai mein chopan, karal ityaadi. aisi bhoomi adhiktar uttar pradesh, Punjab evam Maharashtra praanton mein pai jaati hai. aandhr pradesh tatha Tamil Nadu mein bhi yeh milti hai.

aisi bhoomi teen mukhya shreniyon ki hoti hai.

  1. pehli vah jismein keval lavan ki maatra adhik ho,
  2. doosari vah jismein lavan tatha kshaar donon vartamaan hon, aur
  3. teesari vah jisme kshaar adhik ho tatha lavan kam ho.

raasaayanik tareekon dvaara is bhoomi ko pahachaana jaata hai. is bhoomi ka punanirmaan karne ke liye adhik maatra mein paani bharakar lavan ko ghul jaane dete hain. fir yeh paani krutrim naaliyon dvaara baahar nikaal dete hain. adhik kshaaravaali bhoomi mein jipsam ka choorn aur vileya kailsiymayukt padaarth ka prayog aavashyak ho jaata hai. praarambh mein keval lavan aur jalapriya paudhe, jaise dhaan va jau, ugaae jaate hain.

inhein bhi dekhiye

baahari kadiyaaain

sandarbh