kruttivaas ojha

chitr:Krittibas Memorial ver1.jpg
Nadia jile ke fuliya mein bana 'kruttivaas smaarak'

kruttivaas ojha (baangla: কaaৄaaতaa্aaতaaিaaবaaাaaস ওaaঝaaা) ya 'keertivaas ojha'[1] (1381–1461) madhyakaal mein janme baangla bhaasha ke atyant lokapriya kavi the jinhonne bangala bhaasha mein vaalmeeki raamaayan ka sarvapratham padyaanuvaad kiya. unka yeh anuvaad avikl anuvaad naheen hai. unhonne apni kalpanaashakti evam kaavyashakti dvaara charitron evam ghatnaaon ka chitran kaheen-kaheen par bhinn roop mein kiya hai. inke kaavya mein paatron ke bheetar kuchh adhik komalata dikhaai gayi hai. karun ras ki bhi adhik gahari anubhooti hai. baalmeeki ke Ram kshatriya veer hain; jo veeratv, shaurya evam bal mein adviteeya hain, parantu kruttivaas ne Ram ki kusumakomal moorti hi dekh pai hai. unke Ram ka tan navani jiniya ati sukomal hai aur ve haath mein fool dhanu lekar van jaate hain. parantu jahaaain tak baalmeeki raamaayan ke uchch aadarshon ka prashn hain, kruttivaas ne un sabko apni rachana mein akshun rakha hai. pitrubhakti, satyanishtha, tyaag, prajaanuranjan, paativratya ityaadi sab aadarshon ka safalataapoorvak pratipaadan kiya gaya hai.

kavi ne ismein kaheen nae aakhyaan dekar, kaheen Bengal ki reeti neeti, kaheen aamod pramod, kaheen aachaar anushthaan aur kaheen naareeroop dikhaakar is rachana ko apne pradesh ke nivaasiyon ki vastu bana diya hai. inhonne vaalmeeki raamaayan ke goodh daarshanik anshon, vichaaron ke vishleshanaatmak bhaagon evam aalankaarikta ko apni rachana mein sthaan naheen diya hai. rachanaasaushthav aur kaavyagun se yukt yeh rachana Bengal ki nijsv ban gayi hai.

Bengal mein kruttivaas ki raamaayan atyant lokapriya hai. dhani, daridr sabke beech iska aadar aur prachaar hai. log atyant prem aur bhakti se iska paath karte hain. praaya: iska paath gaakar hi kiya jaata hai.

parichay

kruttivaas ke vishay mein adhik dinon tak adhik gyaat naheen tha. raamaayan ke praarambh athva pratyek kaand ke ant mein ek-do panktiyaaain milti theen jinse gyaat hota tha ki raamaayan ke rachayita ka naam kruttivaas hain aur ve vichkshan kavi hain; unhonne puraan sunakar kautuk mein hi geet rach daale. 20veen shataabdi ke kuchh vidvaanon ne, jinmein nageindranaath vasu evam nideshachandr sen pramukh hain, ek hastalikhit pothi praapt ki jo kruttivaas ka aatmacharit bataaya jaata hai. is pothi ko dinshe chandra sen ne 1901 E. mein apne granth 'bangabhaasha va saahitya' ke dviteeya sanskaran mein prakaashit kiya. iske baad nalineekaant bhattashaali ne bhi ek hastalikhit pothi praapt ki. in pothiyon ke anusaar kruttivaas fuliya ke rahanevaale the. inke poorvapurush yavan-upadrav-kaal mein apna sthaan chhodkar chale aae the. inke pitaamah ka naam muraari ojha, pita ka naam vanamaali ev maata ka naam maaniki tha. kruttivaas paaainch bhaai the. ye padma nadi ke paar vaareindrabhoomi mein padhne gaye the. ve apne adhyaapak aachaarya choodaamani ke atyant priya shishya the. adhyayan samaapt karne ke baad ve gaudeshvar ke darbaar mein gaye. yeh kaun se gaudaadhipti the, iska ullekh naheen hai. kuchh vidvaanon ne inhein hindu sulataan raaja ganesh (kans) maanate hain tatha kuchh taahirpur ke raaja kansanaaraayan. anya ek teesare raaja danujamardan ka bhi naam lete hain. janashruti ke anusaar kruttivaas ne gaudeshvar ko paaainch shlok likhkar bheje. unhein padhkar raaja ateev prasann hue aur inhein turant apne samaksh bulaaya. vahaaain jaakar inhonne kuchh aur shlok sunaae. raaja ne inka atyant satkaar kiya aur bhaasha mein raamaayan likhne ka anurodh kiya.

kruttivaas ki nishchit janamatithi is aatmacharit se bhi gyaat naheen hoti. yogeshachandr rai 1433, dineshachandr 1385 se 1400 E. ke beech tatha sukumaar sen 15veen shati ke uttaraardh mein inka janm maanate hain.

sandarbh

  1. Sen, Sukumar (1991, reprint 2007). Bangala Sahityer Itihas, Vol.I, saaaincha:Bn icon, Kolkata: Ananda Publishers, ISBN 81-7066-966-9, pp.105-10

inhein bhi dekhein