krutavarma

krutavarma yaduvansh ke antargat bhojavansheeya hrudik ka putr^[1] aur vrushnivansh ke saat senaanaayakon mein ek. mahaabhaarat yuddh mein isne ek akshauhini sena ke saath duryodhan ki sahaayata ki thi. yeh kaurav paksh ka atirthi veer tha (mahaabhaarat, udyogaparv, 130-10-11). mahaabhaarat ke yuddh mein isne apne paraakram ka anek baar pradarshan kiya; anek baar paandav sena ko yuddhavimukh kiya tatha bheemasen, yudhishthir, dhrushtadyumn, uttamauja aadi veeron ko paraajit kiya. dvaipaayan sarovar par jaakar isi ne duryodhan ko yuddh ke liye utsaahit kiya tha. nishaakaal ke sauptik yuddh mein isne ashvatthaama ka saath diya tatha shivir se bhaage hue yoddhaaon ka vadh kiya (sauptik parv 5-106-107) aur paandavon ke shivir mein aag lagaai. mausal yuddh mein saatyaki ne iska vadh kiya. mahaabhaarat ke anusaar mrutyu ke pashchaat svarg jaane par iska pravesh marudganon mein ho gaya.

• krutavarma