krushnaavataar

raaja pareekshit ne namrataapoorvak kaha, "he rishidev:koti ! Bhagwan shri krushnachandr ke bhraata balaraam ji rohini tatha devaki do-do maataaon ke putr kyon kahalaate hain? krupa karke meri is utsukata ko shaant keejiye."

shri shukadev muni unke in vachanon ko sun kar prasann huye aur bole, "mathuraapuri yaduvanshi raajaaon ki rajdhani thi tatha vahaaain raaja shoorasen raajya karte the. shoorasen ke putr vasudev huye. vasudev ka vivaah bhojavanshi raaja ugrasen ke bhaai devak ki kanya devaki se hua. raaja devak ne badi dhoomadhaam ke saath devaki ko vida kiya. vasudev aur devaki ke rath ko devaki ka chachera bhaai, ugrasen ka putr, kans haaainkate huye ja raha tha ki maarg mein aakaashavaani hui - re moorkh kans! too jis apni bahan devaki ko pahuainchaane ja raha hai, usi ke aathavein garbh se tera kaal utpann hoga. kans atyant dusht tatha raakshas tha. vah apne pita ugrasen ko kaid karke raaja bana tha. aakaashavaani sunakar usane tatkaal apni bahan devaki ke kesh pakad kar rath se neeche gira diya aur talavaar kheenchakar use maarane ke liye udyat ho gaya.

"is veebhats drushya ko dekh kar vasudev ne kans se kaha ki he Rajkumar! aap [bhojavansh] ke veer shiromani hain. veer purush ke liye stri ka vadh uchit naheen hai. aakaashavaani ne iske aathavein garbh se utpann baalak dvaara hi tumhaari mrutyu bataai hai. main iske jitne baalak utpann honge ve sab tumhein laakar de diya karooainga. aap unka vadh kar sakte hain. vasu sun kar kans ne devaki ko maarane ka vichaar chhod diya.

"jab devaki ke garbh se ek baalak ka janm hua to use apni pratijnyaa ke anusaar vasudev ne us baalak ko kans ko de diya. kans ne vasudev ki satyata ko dekh kar us baalak ko unhein vaapas kar diya aur bola ki aakaashavaani ne to aathavein putr ko mera kaal bataaya hain, fir ise main kyon maarooain. vasudev us baalak ko vaapas apne ghar le aaye. vasudev ke jaane ke baad devarshi naarad ji kans ke paas aaye. unhonne yeh soch kar ki yadi yeh daya karega to iski aayu aur badh jaayegi, kans ko bahaka diya ki na jaane kis garbh mein usaka kaal ho. unhonne kans se yeh bhi kah diya ki devaki ab yaduvanshi ho gayi hai aur ho sakta hai ki yaduvansh mein utpann hone wala koi bhi baalak usaka kaal ho. naarad ji ke bahakaave mein aakar kans ne turant hi vasudev tatha devaki ko hathakadi bedi pahana kar kaaraagaar mein dalava diya aur unke pehle baalak ka vadh kar diya. kans ne yaduvanshiyon par atyaachaar karna aarambh kar diya. vah yaduvanshiyon ke nanhe baalakon ko is bhaya se marava daalata ki kaheen inmein hi mere kaal vishnu ne avataar na le liya ho. kans ke in atyaachaaron se adhikaansh yaduvanshi mathuraamandal chhod kar chale gaye.

"he pareekshit! Mathura ka raaja kans swayam mahaabali tha aur doosare magadh ke raaja jaraasandh ki use sahaayata praapt thi. teesare pralamba, bakaasur, chaanood, trunaavart aghaasur, mushtik, arishtaasur, dvivid, pootana, keshi, dhenuk, vaanaasur, bhaumaasur aadi sabhi daitya tatha raakshas usaki sahaayata ke liye har samay tatpar rahate the. in sabhi ki sahaayata se vah yaduvanshiyon ko maarane laga. yaduvanshi kans ke dar se bhaag kar kuru, paaainchaal, [kaikeya], shaalv, vidhrv, nishdh, videh tatha kaushal aadi deshon mein chhip gaye. jo log uske raajya mein rah gaye ve sabhi ichhaanusaar usaki seva karne lage. shri shukadev ji bole, "he raajan! jab kans ne devaki ke chh: baalakon maar daala tab saatavein garbh mein Bhagwan shesh ji devaki ke garbh mein padhaare. idhar Bhagwan vishnu ne apni yogamaaya se kaha ki he kalyaani! tum braj mein jaao. vahaaain par devaki ke garbh mein mere anshaavataar shesh ji pahuainch chuke hain. tum unhein vasudev ki pehli patni rohini ke garbh mein rakh do aur swayam nand Baba ki patni yashoda ke garbh mein sthit ho jaao. tum vahaaain durga, bhadrakaali, vijaya, vaishnavi, kumuda, chandika, Krishna, maadhavi, kanya, maaya, naaraayani, ishaayini, shaarada, ambika aadi anek naamon se pooji jaaogi. main bhi apne samast gyaan, bal tatha sampoorn kalaaon ke saath devaki ke garbh mein aa raha hooain.

he pareekshit! is tarah shesh Bhagwan ke avataar balaraam ji pehle devaki ke garbh mein aaye aur fir unako yogamaaya ne devaki ke garbh se nikaal kar rohini ke garbh mein rakh diya. iseeliye balaraam ji ki do maataaeain huin aur ve 'sankarshan' kahalaae. iske pashchaat Bhagwan vishnu swayam devaki ke garbh mein aa pahuainche.

janm

bhaadon maah ki ashtami tithi thi. rohini nakshatr tha. arddharaatri ka samay tha. baadal garaj rahe the aur ghanaghor varsha ho rahi thi. usi kaal mein devaki ke garbh se Bhagwan prakat huye. unki chaar bhujaaeain theen jinmein ve shankh, chakr, gada evam padm dhaaran kiye huye the. vakshasthal par shri vats (bhrrugulata) ka chinh tha. kanth mein kaustubh mani jagamaga rahi thi. unka sundar shyaam shareer tha jis par ve peetaambar dhaaran kiye huye the. kamar mein kardhani, bhujaaon mein baajooband tatha kalaaiyon mein kankan shobhaayamaan the. ang pratyang se apoorv chhata chhalak rahi thi jiske prakaash se sampoorn bandeegruh jagamaga utha. vasudev aur devaki vismaya aur harsh se ot-prot hone lage. yeh jaan kar ki swayam Bhagwan unke putr ke roop mein padhaare hain unke aanand ki seema naheen rahi. buddhi ko sthir kar donon ne Bhagwan ko pranaam kiya aur unki stuti karne lage.

stuti karke devaki boleen ki he prabhu! aapne apne darshan dekar hamein krutaarth kar diya. ab main aapse praarthana karti hooain ki aap apne alaukik roop ko tyaag kar saamaanya baalak ka roop dhaaran kar leejiye. Bhagwan ne devaki se kaha, "he devi! apne poorv janm mein aap donon ne ghor tapasya ki thi aur brahma ji se varadaan mein mujhe putr roop mein maaainga tha. at: brahma ji ke varadaan ko satya siddh karne ke liye mainne aap logon ke putr ke roop mein avataar liya hai." fir ve vasudev se bole, "he taat! main ab baalak roop ho jaata hooain. aap mujhe gokul mein nand Baba ke yahaaain pahuaincha deejiye. vahaaain par meri yogamaaya ne kanya ke roop mein yashoda ke garbh se janm liya hai. aap use yahaaain le aaiye. itna kehkar unhonne baalak roop dhaaran kar liya.

Bhagwan ki maaya se vasudev ki hathakadi-bedi khul gain, paharedaaron ko gahan nidra vyaapt gayi aur kapaat bhi khul gaye. vasudev baalak ko lekar gokul ki or chale. baadal dheere-dheere garaj rahe the. jal ki fuhaarein pad raheen theen. shesh ji apna fan faila kar chhatari bane huye baalak ko dhainke huye the. vasudev ji yamuna paar karne ke liye nirbhaya hokar jal mein ghus pade. Bhagwan ke charan ko sparsh karne ke liye yamuna ji ka jal chadhne lag gaya. jyon-jyon vasudev baalak ko oopar uthaate, tyon-tyon jal aur bhi oopar chadhta jaata. is par vasudev ke kasht ko jaan kar Bhagwan ne apne charan badha kar yamuna ji ko use chhoo lene diya aur jalastar neeche aa gaya.

yashoda

yashoda ji achet hokar apni shaiya par so raheen theen unhein navajaat kanya ke janm ka kuchh bhi pata naheen tha. vasudev ne apne putr ko yashoda ki shaiya par sula diya aur unki kanya ko apne saath bandeegruh le aaye. kanya ko devaki ki shaiya par sulaate hi hathakadi-bedi apne aap lag gaye, kapaat band ho gaye aur paharedaaron ko chet aa gaya. shishu ke rone ki aavaaj sun kar paharedaaron ne raaja kans ko devaki ke garbh se kanya hone ka samaachaar diya. kans usi kshan ati vyaakul hokar haath mein nangi talavaar lekar bandeegruh ki or dauda. bandeegruh pahuainchate hi usane tatkaal us kanya ko devaki ke haath se chheen liya. devaki ati kaatar hokar kans ke saamane gidgidaane lagi, "he bhaai! tumane mere chh: baalakon ka vadh kar diya hai. is baar to kanya ka janm hua hai. tumhaare kaal ki aakaashavaani to putr ke dvaara hone ki hui thi. is kanya ko mat maaro."

devaki ke rone gidgidaane par bhi dusht kans ka hrudaya naheen pighla aur usane kanya ko bhoomi par patak daalne ke liye jyonhi oopar uchhaala ki kanya uske haath se chhoot kar aakaash mein ud gayi. vah aakaash mein sthit hokar asht bhuja dhaaran kar ke aayudhon se yukt ho gayi aur boli, "re dusht kans! tujhe maarane wala tera kaal kaheen aur utpann ho chuka hai. too vyarth nirdosh baalakon ki hatya na kar." itna kah kar yogamaaya antardhyaan ho gayi. yogamaaya ki baaton ko sun kar kans ko ati aashcharya hua aur usane devaki tatha vasudev ko kaaraagaar se mukt kar diya.

tatpashchaat kans ne apne mantriyon ko bula kar yogamaaya dvaara kahi gayi baaton par mantrana karne laga. kans ke moorkh mantriyon ne kaha, "he raajan! devataaon ne yeh dhokha diya hai isaliye devataaon ka hi naash karna chaahiye. braahmanon ke yajnyaaadi ko band karva dena chaahiye. indr ko to aap kai baar paraast kar hi chuke hain is baar aapke dar se chhipe huye vishnu ko bhi dhoondh kar usase yuddh karna chaahiye aur pichhle das dinon ke bheetar utpann huye sabhi baalakon ko bhi maar daalna chaahiye."

idhar gokul mein nand Baba ne putr ka janmotsav bade dhoom-dhaam se manaaya. braahmanon aur yaachakon ko yathochit gauon tatha svarn, ratn, dhanaadi ka daan kiya. karmakaandi braahmanon ko bula kar baalak ka jaati karm sanskaar karavaaya. pitron aur devataaon ki anek bhaaainti se pooja-archana ki. poore gokul mein utsav manaaya gaya.

idhar kans dhoondh-dhoondh kar navajaat shishuon ka vadh karavaane laga. usane pootana naam ki ek kroor raakshasi ko braj mein bheja. pootana ne raakshasi vesh taj kar ati manohar naari ka roop dhaaran kiya aur aakaash maarg se gokul pahuainch gayi. gokul mein pahuainch kar vah seedhe nand Baba ke mahal mein gayi aur shishu ke roop mein sote huye shri Krishna ko god mein utha kar apna doodh pilaane lagi. usaki manoharata aur sundarata ne yashoda aur rohini ko bhi mohit kar liya isaliye unhonne baalak ko uthaane aur doodh pilaane se naheen roka. pootana ke stanon mein halaahal vish laga hua tha. antaryaami shri Krishna sab jaan gaye aur ve krodh karke apne donon haathon se usaka kuch thaam kar uske praan sahit dugdhapaan karne lage. unke dugdhapaan se pootana ke marm sthalon mein ati peeda hone lagi aur uske praan nikalne lage. vah cheekh-cheekh kar kehne lagi, "are chhod de! chhod de! bas kar! bas kar!" vah baar-baar apne haath pair patakane lagi aur usaki aaainkhein fat gain. usaka saara shareer paseene mein lathapath hokar vyaakul ho gaya. vah bade bhayankar svar mein chillaane lagi. usaki bhayankar garjana se pruthvi, aakaash tatha antariksh gooainj uthe. bahut se log bajrapaat samajh kar pruthvi par gir pade. pootana apne raakshasi svaroop ko prakat kar dhadaam se bhoomi par bajr ke samaan giri, usaka sir fat gaya aur uske praan nikal gaye.

jab yashoda, rohini aur gopiyon ne uske girne ki bhayankar aavaaj ko suna tab ve daudi-daudi uske paas gain. unhonne dekha ki baalak Krishna pootana ki chhaati par leta hua stanapaan kar raha hai tatha ek bhayankar raakshasi mari hui padi hai. unhonne baalak ko tatkaal utha liya aur puchakaar kar chhaati se laga liya. ve kehne lageen, "Bhagwan chakradhar ne teri raksha ki. Bhagwan gadaadhar teri aage bhi raksha karein."

iske pashchaat gop gvaalon ne pootana ke angon ko kaat-kaat kar gokul se baahar la kar lakadiyon mein rakh kar jala diya.

srot

sukhasaagar ke saujanya se