krushi vigyaan

makke ke fasal ki vruddhi ankit karta hua krushi vaigyaanik

krushi vigyaan praakrutik, aarthik aur saamaajik vigyaan aadi ko samete hue ek bahuvishyak kshetr hai.

is kshetr mein nimnalikhit par anusandhaan evam vikaas kaarya kiye jaate hain:-

  • utpaadan takaneekein (jaise ki, sinchaai prabandhan, anushansit naaitrojan inputs)
  • gunavatta aur maatra ki drushti se krushi utpaadan mein sudhaar (jaise ki sookha jhelne waali fasalon tatha pashuon ka chayan, nae keetanaashakon ka vikaas, kheti-sanvedan praudyogikiyaan, fasal vrudvi ke simuleshan model, in-vaaitro sail kalchar takaneekein)
  • praathamik utpaadon ka antim-upabhokta utpaadon mein parivartan (jaise ki deri utpaadon ka utpaadan, sanrakshan aur paikejing)
  • vipreet paryaavaraneeya prabhaavon ki rokathaam tatha sudhaar (jaise ki mruda nimneekaran, kachada prabandhan, jaiv-pun: upachaar)
  • saidvaantik utpaadan paaristhitiki,
  • fasal utpaadan modelling se sambandhit paramparaagat krushi pranaaliyaan - kai baar ise 'jeevika krushi' bhi kaha jaata hai, jo vishv ke sarvaadhik gareeb logon ka bharan-poshan karti hai. ye paramparaagat padvatiyaan kaafi ruchikr hain kyonki kai baar ye audyogik krushi ki bajaae jyaada praakrutik paaristhitiki vyavastha ke saath samaakalan ka star kaayam rakhati hain jo ki kuchh aadhunik krushi pranaaliyon ki apeksha jyaada deerghakaalik hoti hain.

krushi utpaadakata ko badhaane tatha kaayam rakhane mein krushi vaigyaaniko dvaara kiye gaye kaaryon ki mahatvapoorn bhoomika hai. krushi vaigyaanik kheti-fasalon tatha pashuon par adhyayan karte hain tatha unki maatra tatha gunavatta mein sudhaar ke liye maarg taiyaar karte hain. ve kam shram ke saath fasalon ki maatra aur gunavatta mein sudhaar, keet tatha kharapatavaaron par surakshit aur prabhaavi tareeke se niyantran aur mruda tatha jal sanrakshan mein sudhaar ke upaayon ke sujhaav dete hain. ve kachche krushi maal ko upabhoktaaon ke liye aakarshak tatha svaasthyakar khaadya utpaadon mein parivrtit karne ki padvatiyon se jude anusandhaan kaarya karte hain.

krushi vigyaan ka jaivikeeya vigyaan se nikat ka sambandh hai, tatha krushi vaigyaanik krushi se judi samasyaaon ko hal karne mein jeevavijnyaaan, rasaayan vigyaan, bhautiki, ganit aur anya vijnyaaanon ke sidvaanton ka prayog karte hain. ve maulik jaivikeeya anusandhaanon tatha jaiv-praudyogiki ke jariye praapt gyaan ko krushi ki unnati ke liye laagoo karne ke liye aksar jaivik vaigyaaniko ke saath milkar kaarya karte hain.

kai krushi vaigyaanik maulik ya anuprayukt anusandhaan tatha vikaas ke kshetr mein kaarya karte hain. anya anusandhaan aur vikaas kaaryon ka prabandhan tatha sanchaalan karte hain athva un companyon mein vipnan ya utpaadan kaaryon ka prabandhan karte hain jo khaadya utpaadon ya krushi rasaayanon ke utpaadan, aapoorti tatha machinery se judi hain. kuchhek krushi vaigyaanik business farmon, niji graahakon ya sarkaar ke paraamarshadaata ke taur par kaarya karte hain. krushi vaigyaaniko ke visheshajnyaata ke kshetr ke anuroop unke dvaara kiye jaane vaale kaaryon ki prakruti mein bhinnata rahati hai.

khaadya vigyaan : khaadya vaigyaanik ya praudyogikeevid saamaanyat: khaadya sansaadhan udyog, vishvavidyaalayon ya sangheeya sarkaar mein niyukt kiye jaate hain. ve svaasthyaparak, surakshit aur suvidhaajanak khaadya utpaadon ki upabhoktaaon ki maang ko poora karne mein madad karte hain.

paadap vigyaan : paadap vigyaan mein krushi vigyaan, fasal vigyaan, keet-vigyaan tatha paadap prajanan ko shaamil kiya gaya hai.

mruda vigyaan : iske antargat kaam karne vaale vyakti paudhein ya fasal vikaas se judi mitti ke raasaayanik, bhautikeeya, jaivikeeya tatha khanijkeeya sanyojan ka adhyayan karte hain. ve urvarakon, jutaai ke tareekon aur pafasal chakrakram ko lekar vibhinn prakaar ki mitti ke pratyuttaron ka adhyayan karte hain.

pashuvijnyaaan : pashu vaigyaaniko ka kaarya hai maans, kukkut, andon tatha doodh ke utpaadan tatha processing ke behtar aur adhik kaaragar tareekon ka vikaas karna. dairy vaigyaanik, pashu prajanak tatha anya sanbadv vaigyaanik ghareloo firm pashuon ke aanuvanshiki, poshan, prajanan, vikaas tatha utpaadan se jude adhyayan karte hain.

baahari kadiyaaain