krupaachaarya

krupaachaarya kauravon aur paandavon ke guroo the. saat chiranjeeviyon mein ve bhi ek hain.

krupaachaarya maharshi Gautam sharadvaan‌ ke putr. sharadvaan ki tapasya bhang karne ke liye Indra ne jaanapadi naamak ek devakanya bheji thi, jiske garbh se do yamaj bhaai-bahan hue. pita-maata donon ne inhein jungle mein chhod diya jahaaain mahaaraaj shaantanu ne inko dekha. inapar krupa karke donon ko paala posa jisse inke naam krup tatha krupi pad gaye. inki bahan krupi ka vivaah dronaachaarya se hua aur unke putr ashvatthaama hue. apne pita ke hi sadrush krupaachaarya bhi param dhanurdhar hue. kurukshetr ke yuddh mein ye kauravon ke saath the aur unke nasht ho jaane par paandavon ke paas aa gaye. baad mein inhonne pareekshit ko astravidya sikhaai. Bhagwat ke anusaar saavarni manu ke samay krupaachaarya ki ganana saptarshiyon mein hoti thi.

janm ki katha

Gautam rishi ke putr ka naam sharadvaan tha. unka janm baanon ke saath hua tha. unhein vedaabhyaas mein thodaa bhi ruchi naheen thi aur dhanurvidya se unhein atyadhik lagaav tha. ve dhanurvidya mein itne nipun ho gaye ki devaraaj indr unase bhayabheet rahane lage. indr ne unhein saadhana se digaane ke liye naamapadi naamak ek devakanya ko unke paas bhej diya. us devakanya ke saundarya ke prabhaav se sharadvaan itne kaamapeedit huye ki unka veerya skhalit ho kar ek sarakande par aa gira. vah sarakanda do bhaagon mein vibhkt ho gaya jismein se ek bhaag se krup naamak baalak utpann hua aur doosare bhaag se krupi naamak kanya utpann hui. krup bhi dhanurvidya mein apne pita ke samaan hi paarangat huye. bheeshm ji ne inheen krup ko paandavon aur kauravon ki shiksha-deeksha ke liye niyukt kiya aur ve krupaachaarya ke naam se vikhyaat huye.

sandarbh

baahari sampark

sukhasaagar ke saujanya se