koyala gas

pradeepak gaison mein pehli gas "koyala gas" thi. koyala gas koyale ke bhanjak aasavan ya kaarbaneekaran se praapt hoti hai. ek samay kok banaane mein upajaat ke roop mein yeh praapt hoti thi. peechhe keval gas ki praapti ke liye hi koyale ka kaarbaneekaran hota hai. aaj bhi keval gas ki praapti ke liye koyale ka kaarbaneekaran hota hai.

koyale ka kaarbaneekaran pehle pahal dhaalavaaain lohe ke bhamake mein lagbhag 600 degree sein. par hota tha. isse gas ki upalabdhi yadyapi kam hoti thi, tathaapi usaka pradeepak gun utkrusht hota tha. saamaanya koyale mein ek vishesh prakaar ke koyale, "kainel" koyala, ko mila dene se pradeepak gun unnat ho gaya. peechhe agni-mitti aur silika ke bhabhakon mein uchch taap par kaarbaneekaran se gas ki maatra adhik banane lagi. ab gas ka upayog pradeepan ke sthaan par taapan mein adhikaadhik hone laga. gas ka moolya ooshma utpann karne se aaainka jaane laga aur iske naapane ke liye ek naya maatrak "tharm" nikla, jo ek lakh british ooshma maatrak ke baraabar hai.

gaisanirmaan mein jo bhabhake aaj prayukt hote hain ve kshaitij ho sakte hain, ya urdhvaadhar, ya 30 degree se lekar 35 degree tak nat. in bhabhakon ka varnan "kok" prakaran mein hua hai. gaisanirmaan ke liye vahi koyala uttam samjha jaata hai jismein 30 se lekar 40 pratishat tak vaashpasheel ansh ho tatha koyale ke tukade ek kism ke aur ek vistaar ke hon.

gas ke liye koyale ka kaarbaneekaran pehle 1,000 degree sein. par hota tha, par ab 1,200 degree -1,400 degree sein. par aur kabhi kabhi 1,500 sein. par bhi, hota hai. uchch taap par aur adhik kaal tak kaarbaneekaran se gas adhik banti hai. uchch taap par prati tan koyale se 10,000 se lekar 12,500 ghan foot tak, madhya taap par 6,000 se lekar 10,000 ghan foot tak aur nimn taap par 3,000 se lekar 4,000 ghan foot tak gas banti hai. vibhinn taapon par kaarbaneekaran se gas ke avayavon mein bahut bhinnata aa jaati hai. pramukh gaison, methen, ethen, haaidrojan aur kaarban daaiaaksaaid, ki maatraaon mein antar hota hai.

koyala gas ka sanghatan ek sa naheen hota. koyale ki vibhinn kismein hone ke kaaran aur vibhinn taap par kaarbaneekaran se avayavon mein bahut kuchh bhinnata aa jaati hai, tathaapi saamaanyat: koyala gas ka sanghatan is prakaar diya ja sakta hai: avayav

pratishat aayatan

haaidrojan 57.2

methen 29.2

kaarbanamonoksaaid 5.8

ethen 1.35

ethileen 2.50

kaarban daai-aaksaaid 1.5

naaitrojan 1.0

propen 0.11

propileen 0.29

haaidrojan salfaaid 0.7

byooten 0.04

byootileen 0.18

eseetileen 0.05

halaka tel 0.15

bhabhake se jo gas niklati hai usaka taap ooaincha hota hai. usamein paryaapt alakatara, bhaap, aimoniya, haaidrojan salfaaid, naipatheleen, gond banaanevaale padaarth aur vaashp roop mein gandhak ke kaarbanik yaugik rahate hain. in apadravyon ko gas se nikaalna jaroori hota hai, visheshat: jab gas ka upayog ghareloo indhan ke roop mein hota hai. koyala gas ke nirmaan ke pratyek kaarkhaane mein in apadravyon ko poorn roop se nikaalne athva unki maatra itni kam karne ka prabandh rahata hai ki unase koi kshati na ho. suraksha ki drushti se aisa hona aavashyak bhi hai.

bhabhake se garam gaisein (taap 600 degree -700 degree sein.) nalon ke dvaara baahar niklati hain. ushn, halake aimoniym-draav ke fuhaare se use thanda karte hain. gaisein thandi hokar taap 75 degree -95 degree sein. ho jaata hai. adhikaansh alakatara yaheen sanghanit hokar neeche baith jaata hai. yahaan se gaisein praathamik sheetak, paroksh ya pratyaksh, mein jaati hain, jahaaain taap aur girkar 25 degree se 35 degree sein. ke beech ho jaata hai. yahaaain jal aur alakatara sanghanit hokar neeche baith jaate hain. gas ko sheetak mein laane ke liye rechak panp ka vyavahaar hota hai. sheetak se gas alakatara nishkarshak ya avakshepak mein jaati hai, jahaaain bijli se alakatare ka avakshepan sampann hota hai. yahaaain se gas fir antim sheetak mein jaati hai jahaaain gas ka naipathaleen nikaala jaata hai. halake telon ko nikaalne ke liye gas ko maarjak mein le jaate hain. yahaaain haaidrojan salfaaid ko nikaalne ke liye baks mein lohe ke sakriya jaleeyit aaksaaid rakhe rahate hain.

ek doosari vidhi "seebord vidhi" se bhi haaidrojan salfaaid nikaala jaata hai. yahaaain meenaar mein sodiym kaarbonet ka 3.5 pratishat vilyan rakha rahata hai, jisse dhone se 98 se 99 pratishat haaidrojan salfaaid nikaala ja sakta hai. yeh vidhi apekshataya saral hai.

maarjak mein halake tel se dhone se kaarbanik gandhak yaugik nikal jaate hain. gas mein alp maatra mein naiftheleen rahane se koi haani naheen, par adhik maatra se kathinaai utpann ho sakti hai. ise nikaalne ke liye petrolium ka kam shyaanavaala ansh istemaal hota hai. isse gond bananevaale padaarth bhi kuchh nikal jaate hain, par "korona" visrjan se or fir maarjak mein paarit karne se gond bananevaale padaarth praaya: samast nikal jaate hain. ab gas ko kuchh sukhaane ki aavashyakta padti hai. gas na bilkul sookhi rahani chaahiye aur na bahut bheegi. gas ka anaavashyak jal aardrataagraahi vilyan, ya prasheetan, ya sanpeedan dvaara nikaalkar badi-badi gas-tankiyon mein sangrah karte athva cylinderon mein dabaav se bharakar upabhoktaaon ke paas bhejate hain. tankiyon mein gas naapane ke liye gaisameetar bhi lage hote hain.

inhein bhi dekhein