koorm puraan

koorm puraan
कूर्म पुराण.gif
geetaapres Gorakhpur ka aavaran prushth
lekhak vedavyaas
desh Bhaarat
bhaasha sanskrut
shrrunkhala puraan
vishay Shiv evam vishnu bhakti
prakaar hindu dhaarmik granth
prushth 17,000 shlok

mahaapuraanon ki soochi mein pandrahavein puraan ke roop mein parignit koormapuraan ka vishesh mahattv hai. sarvapratham Bhagwan vishnu ne koorm avataar dhaaran karke is puraan ko raaja indradyumn ko sunaaya tha, pun: Bhagwan koorm ne usi kathaanak ko samudra-manthan ke samay indraadi devataaon tatha naarad aadi rishignon se kaha. teesari baar naimishaaranya ke dvaadashavarsheeya mahaasatr ke avsar par romaharshan soot ke dvaara is pavitra puraan ko sunane ka saibhaagya atthaasi hajaar rishiyon ko praapt hua. Bhagwan koorm dvaara kathit hone ke kaaran hi is puraan ka naam koorm puraan vikhyaat hua. satrah shlokon ka yeh puraan vishnu ji ne koorm avataar se raaja indradyumn ko diya tha. ismein vishnu aur Shiv ki abhinnata kahi gayi hai. paarvati ke aath sahasr naam bhi kahe gaye hain. kaashi va prayaag kshetr ka mahaatmya, ishvar geeta, vyaas geeta aadi bhi ismein samaavisht hain.[1] yadyapi koorm puraan ek vaishnav pradhaan puraan hai, tathaapi ismein shaiv tatha shaakt mat ki bhi vistrut charcha ki gayi hai. is puraan mein puraanon mein paanchon pramukh lakshanon-sarg, pratisrg, vansh, manvantar evam vanshaanucharit ka kramabaddh tatha vistrut vivechan kiya gaya hai.

anukram

vistaar

is puraan mein 17,000 shlok hai, is puraan mein puraanon mein paanchon pramukh lakshanon-sarg, pratisrg, vansh, manvantar evam vanshaanucharit ka kramabaddh tatha vistrut vivechan kiya gaya hai evam sabhi vishyon ka saanupaatik ullekh kiya gaya hai. beech-beech mein adhyaatm-vivechan, kalikrm aur sadaachaar aadi par bhi prakaash daala gaya hai.

sankshipt katha

romaharshan soot tatha shaunakaadi rishiyon ke samvaad ke roop mein aarambh honevaale is puraan mein sarvapratham sootaji ne puraan-lakshan evam atthaarah mahaapuraanon tatha upapuraanon ke naamon ka parignan karte hue Bhagwan ke koormaavataar ki katha ka saras vivechan kiya hai. koormaavataar ke hi prasang mein lakshmi ki utpatti aur mahaatmya, lakshmi tatha indradyumn ka vruttaant, indradyumn ke dvaara Bhagwan vishnu ki stuti, varn, aashram aur unke kartavya varnan tatha parabrahm ke roop mein shivtattv ka pratipaadan kiya gaya hai. tadanantar srushtivrnan, kalp, manvantar tatha yugon ki kaal-ganana, varaahaavataaraki katha, shivpaarvati-charitra, yogashaastr, vaamanavataar ki katha, soorya-chandravanshavarnan, anusooya ki santati-varnan tatha yaduvansh ke varnan mein Bhagwan shreekrushn ke mangal maya charitra ka sundar niroopan kiya gaya hai. iske atirikt ismein shreekrushn dvaara Shiv ki tapasya tatha unki krupa se saambanaamak putr ki praapti, lingamaahaatmya, chaaron yugon ka svabhaav tatha yugadharm-varnan, mokshake saadhan, grah-nakshatron ka varnan, teerth-mahaatmya, vishnu-mahaatmya, vaivastav manvatarake 28 dvaaparayugon ke 28 vyaason ka ullekh, Shiv ke avataaron ka varnan, bhaavi manvantaron ke naam, ishvarageeta tatha koormapuraan ke falashruti ki saras prastuti hai. hindudharm ke teen mukhya sampradaayon—aavaishnav, shaiv, evam shaakt ke adbhut samanvaya ke saath is puraan mein tridevonki ekta, shakti-shaktimaanamein abhed tatha vishnu evam shivmein paramaikyaka sundar pratipaadan kiya gaya hai.[2]

sandarbh

  1. geetaapres daat kaam, koorm puraan
  2. koorm puraan, geetaapres Gorakhpur

baahari kadiyaaain