kinnaur jila

Himachal pradesh mein kinnaur jila jile ki avasthiti
raajya	Himachal pradesh, Bhaarat
mukhyaalaya	rikaang pio
kshetrafal	6,401 kimi2 (2,471 varg meal)
janasankhya	84298 purush 42,173(2001) striyaan 36,161(2001) (2001)
shahari janasankhya	koi naheen
saaksharata	varsh 2001 ke anusaar purush saaksharata dar 84.3 mahila saaksharata dar 64.4
lingaanupaat	857 (2001)
tahaseelein	5 saangala, pooh, nichr, mooraang kalpa
aadhikaarik jaalasthal

pauraanik kinnauron ki bhoomi kinnaur Himachal pradesh ke uttar poorv mein sthit ek jila hai. kinnaur jile ka mukhyaalya rikaang pio hai^[1]. oonche-oonche pahaadon aur hare-bhare pedon se ghira yeh kshetr oopari, madhya aur nichle kinnaur ke bhaagon mein banta hua hai. yahaan pahunchane ka maarg durgam hone ke kaaran yeh kshetr bahut lambe samay tak paryatakon se achhoota raha hai, lekin ab saahasik aur romaanchapriya paryatak yahaan badi sankhya mein aane lage hain. praakrutik dshyaavali se bharpoor is jile ki seema Tibet se sati hui hai, jo ise saamarik drushti se bhi mahatvapoorn banaati hai. Himachal pradesh ki rajdhani Shimla se lagbhag 250 kimi. door raashtreeya raajamaarg 22 par yeh nagar sthit hai. pahaadon aur jangalon ke beech kalakal dhvani se bahti sataluj aur speeti nadiyon ka sangeet yahaan ki sundarata mein chaar chaand laga deta hai. speeti nadi aage chalakar khaab mein sataluj se mil jaati hai. vishv ki vishaalatam jansakaar aur mahaan himaalaya parvat shrrunkhalaaon ke aakarshak drushya yahaan se dekhe ja sakte hain.

kinnaur raajya Rampur bushahar riyaasat ka ek ang tha. yahaan par bahupati pratha pai jaati hai. yahaan ke prasiddh raaja the—aapratamapaal, chatarasinh tatha kehari Singh, jise 'ajaan baahu' naam se bhi jaana jaata tha. 13 November 1914 ko bushahar riyaasat ka antim shaasak raaja padmasinh gaddi ka baitha tatha usane 1947 tak shaasan kiya. san 1948 mein bushahar raajya kendra shaasit cheef kameeshnar kshetr Himachal pradesh ka hissa bana. 1960 tak vartamaan kinnaur jila, mahaasoo jila ki mini tahaseel bana. 21 apairal, 1960 ko kinnaur Himachal pradesh ka chhatha jila bana.

rikaang pio

samudra tal se 2,670 meter ki oonchaai par sthit rikaang pio kinnaur ka jila mukhyaalaya hai. haal hi mein yahaan ek math banaaya gaya hai. 1992 mein bauddh dharmaguroo dalaai laama ne yahaan kaalachakr naamak samaaroh aayojit kiya tha. rikaang pio ke nikat hi kalpa ki praacheen basti hai, jahaan ki sundarata ko shabdon mein vyakt naheen kiya ja sakta. isi sthaan par hoo-boo-len-kar math sthit hai. kaha jaata hai ki is math ko 950-1055 ke beech rincheingasaan po ne sansthaapit karavaaya tha. kinnaur Kailash ke adbhut drushya yahaan se dekhe ja sakte hain.

kalpa

puraani Bhaarat-Tibet sadak par sthit kalpa kinnaur ka praarambhik jila mukhyaalaya tha. samudra tal se 2,759 meter ki oonchaai par sthit yeh gram Shimla se 260 kimi door hai. heritej vilej ki tamaam khoobiyaan yahaan dekhi ja sakti hain. praat: kaal mein barfeele pahaadon ke beech mein ugate hue soorya ki svarnim aabha yahaan se bahut sundar lagti hai. yahaan ka Narayan naagani mandir sthaaneeya kala ka anupam udaaharan hai. kalpa mein anek praacheen bauddh math banein hue hain. yeh gaanv 6,050 meter oonche kinnaur Kailash ke bahut hi nikat sthit hai. kinnaur Kailash ko Bhagwan Shiv ka sheetakaaleen aavaas maana jaata hai.

saangala

kinnaur ka yeh lokapriya gram baaspa nadi ke daayein tat par sthit hai. samudra tal se 2,621 meter oonchaai par sthit yeh gram apni ati upajaaoo bhoomi ke liye lokapriya hai. yeh gram dhalaan par basa hua hai jiske peechhe raaladaang parvat ki vishaal chotiyaan dekhi ja sakti hain. yahaan ke jangalon aur sadaiv barf se achhaadit parvat chotiyon ki sundarata ise anya sthaanon se alag banaati hai. baaspa nadi ke bahne ke kaaran is sthaan ko bas‍aapa ghaati bhi kaha jaata hai. yeh ghaati kinnaur jile ki sabse sundar ghaatiyon mein ek hai.

chhitkul

samudra tal se 3,450 meter ki oonchaai par sthit yeh baaspa ghaati ka antim aur sabse ooncha gram hai. baaspa nadi ke daahine tat par sthit is gram mein ‍asthaaneeya devi maathi ke teen mandir bane hue hain. kaha jaata hai ki maathi ke sabse pramukh mandir ko 500 varsh pehle gadhvaal ke ek nivaasi ne banavaaya gaya tha.

kothi

kaalpa tahaseel ke is vishaal praacheen gram ko koshtaanpi ke naam se bhi jaana jaata hai. is gram ke khet aur falon ke ped iski sundarata ko aur badhaa dete hain. devi suaang chandrika mandir yahaan bana hua hai. yahaan ke sthaaneeya nivaasi is devi ka bahut sammaan karte hain aur ise bahut shaktishaali maanate hain. bhairon ko samarpit yahaan ek anya mandir bhi vishesh lokapriya hai.

nichaar

yeh gram taraanga aur vaangatoo ke beech sataluj nadi ke baaen tat par basa hua hai. samudra tal se 2,150 meter ki oonchaai par sthit yeh gram praakrutik drushyaavali se bharpoor hai. yadi is gram se oopar ki or jaaya jaae to ghoral, enteelops, kaale aur laal bhaaluon ko dekha ja sakta hai.

naako

kalpa se 117 ki0mee0 ki doori par naako sthit hai. hangaraang ghaati mein sthit yeh gaanv samudra tal se 3,600 meter ki oonchaai par sthit hai. yeh gaanv yahaan ki naako jheel ke kaaran bhi lokapriya hai jismein garmiyon ke dauraan naukaayaan ki suvidha upalabdh hai. sardiyon mein is jheel ka paani jam jaata hai aur usame sketing ki jaati hai. bauddh math bhi yahaan dekhe ja sakte hain.

pooh

yeh kinnaur jile ka ek sundar gaaainv hai.

ropa

yeh kinnaur jile ka antim gaaainv hai jo savase ooainchaai par sthit hai. yeh gaaainv sev, akharot, khurmaani, badaam aadi ke liye prasiddh hai. yahaaain se paidal speeti ko bhi ja sakte hain, jo paidal raasta 3 din ka hai.

kaaja

ek jamaane mein kaaja speeti ke pramukh ki rajdhani thi. speeti nadi ke baaen kinaare par sthit yeh nagar samudra tal se 3,600 meter ki oonchaai par hai. vartamaan mein kaaja speeti sab diveejan ka mukhyaalaya hai

vaayu maarg-

kinnaur ka niktatam havaai adda Shimla mein hai. Delhi se Shimla ke liye seedhi udaan upalabdh hai.

rel maarg-

Shimla ka railway station kinnaur ka niktatam railway station hai jo kaalaka se nero gaij line se juda hua hai. Shimla se kaalaka ki doori 96 kimi hai.

sadak maarg-

sadak maarg se kinnaur pahunchane ke liye raashtreeya raajamaarg 22 ka prayog kiya jaata hai. Delhi, Chandigarh, Shimla, Manali aur kulloo se kinnaur ke liye tai‍aaksi bhi ki ja sakti hai.

kinnaur haindaloom aur hastashilp ke saamaanon ke liye prasiddh hai. yahaan se shawl, topiyaan, mafalar, lakdi ki moortiya aur dhaatuon se bana bahut-sa saamaan khareeda ja sakta hai. iske atirikt kinnaur falon aur draai foodas ke utpaadan ke liye bhi bahut jaana jaata hai. seb, baadaam, chilgoja, ogala, angoor aur akharot aadi bhi yahaan se khareede ja sakte hain. kaal‍aapa, rikaang pioo, karacham taapri aadi sthaanon mein anek dukaanein hai, jahaan se inki khareedaari ki ja sakti hai.

• kinnaur va iske logon par ek pustak
• sarkaari website
• the himaalayaaj- kinnaur
• laahaul-spiti
• 24 prushth soochana
• praacheen kinnar desh aur vartamaan kinnaur
• About the 'Nako Research and Preservation Project (NRPP)' of the Vienna University, Austria [1]

nirdeshaank: 31°a35′aN 78°a25′aE / 31.583°aN 78.417°aE / 31.583; 78.417