khadiya vidroh

telanga khadiya ke netrutv mein khadiya vidroh 1880 mein hua. yeh aandolan apni maati ki raksha ke liye shuroo hua. jungle ki jameen se angrejon ko hataane ke liye yuva varg ko gadaka, teer aur talavaar chalaane ki shiksha di gayi.

telanga ki patni ratni khadiya ne har morche par pati ka saath diya. ratni ne kai jagah akele hi netrutv sanbhaalate hue angrejon se loha liya. 23 April 1880 ko angrejon ke dalaal bodhan Singh ne goli maarkar telanga khadiya ki hatya kar di. unki hatya ke baad ratni khadiya ne pati ke adhoore kaaryaan ko poora kiya. vah apni saadagi, imaandaari aur satyavaadita se logon mein jeevan ka sanchaar karti raheen.[1]

anukram

parichay

telanga khadiya ne angreji hukoomat ko nakaar diya tha. usane kaha- jameen hamaari, jungle hamaare, mehnat hamaari, fasalein hamaari, to fir jameendaar aur angrej kaun hote hain hamse lagaan aur maalagujaari vasoolane vaale. angrejon ke paas agar goli-baarood hain, to hamaare paas bhi teer-dhanush, kulhaadi, farase hain. bas kya tha, aadivaasiyon ki tej hunkaar se aasmaan tak kaanp utha. telanga ne jodi panchait sangathan ki sthaapana ki. yeh ek aisa sangathan tha, jismein vidrohiyon ko tamaam tarah ki yuddh vidyaaon samet rananeeti banaane ka prashikshan diya jaata tha. rananeetik dasta yuddh ki yojanaaen banaata aur ladaake jangalon, ghaatiyon mein chhipkar gurilla yuddh karte.

ab har gaanv mein jodi panchait banane lage. akhaade mein yuva yuddh ka abhyaas karne lage. har jodi panchait ek doosare se rananeetik taur par jude the. samvaad aur taalamel behad sulajha hua tha. jameendaaron ke lathaiton aur angreji sena ke aane ke pehle hi usaki soochana mil jaati thi. vidrohi sena pehle se hi taiyaar rahati aur dushmanon ki jamkar dhunaai karti. telanga ne chhote star par hi sahi, magar angrejon ke saamaanaantar satta ka vikalp khol diya tha. telanga ne ladaai ki shurooaat mooragoo gaanv se ki, jahaan 09 February 1806 E. ko usaka janm hua tha. adhiktar gaanv jameendaari aur angreji shoshan se peedit the. isliye vidrohiyon ko graameenon ka bhaari samarthan mil raha tha. gurilla yuddh mein dushmanon ko pachhaadne ke baad vidrohi jangalon mein bhoomigat ho jaate. telanga jameendaaron aur angreji shaasan ke liye khauf ban chuka tha. use pakadne ke liye inaam ka jaal feinka gaya. kai log laalach mein pad gaye aur gupt soochana par telanga ko kumhaari gaanv mein baithak karte hue bandi bana liya gaya. loharadaga mein mukadama chala aur telanga ko chaidah saal kaid ki saja sunaai gayi.

chaidah saal baad jab telanga jail se chhoota, to uske vidrohi tevar aur bhi talkh ho gaye. vidrohiyon ki dahaad se jameendaaron ke bangale kaanp uthe. jodi panchait fir se jinda ho utha aur yuddh prashikshanon ka daur shuroo ho gaya. basiya se kolebira tak vidroh ki lapatein fail gain. bachche, boodhe, mahilaaen, har koi us vidroh mein bhaag le raha tha. telanga jameendaaron aur sarkaar ke liye ek bhookha boodha sher ban chuka tha. dushman ke paas ek hi raasta tha- telanga ko maar giraaya jaae. 23 April 1880 ko telanga samet kai pramukh vidrohiyon ko angreji sena ne gher liya. telanga garaja- himmat hai to saamane aakar lado. kehte hain telanga ki us dahaad se ilaaka tharra gaya tha. yuddh kaushal se prashikshit vidrohiyon se seedhi takkar lene ki himmat dushman mein naheen thi. sipaahi bedhan Singh ne jhaadiyon mein chhipkar telanga ki peeth par goli chala di. behosh telanga ke paas aane ki bhi himmat dushmanon mein naheen thi. mauke ka faayda uthaakar vidrohi telanga ko le jungle mein gaayab ho gaye. telanga fir kabhi najar naheen aae. khadiya lokageeton mein aaj bhi telanga jeevit hain.

sandarbh

inhein bhi dekhein

baahari kadiyaaain