khaaki (2004 film)

khaaki varsh 2009 ki action thriller-drama aadhaarit nirdeshak Rajkumar santoshi ki hindi bhaasha ki film hai. santoshi ji ne shreedhar raaghavan ke saath patakatha ka sah-lekhan bhi kiya hai. film ki kahaani bhaarateeya police team ke us abhiyaan par keindrit hai jahaaain unhein Maharashtra ke ek chhote se shahar se ek giraftaar sandigdh aatankvaadi ko Mumbai vaapis laana hai. film mein kai pratishthit abhineta jaise Amitabh Bachchan, Ajay devagan, Akshay Kumar, prakaash raaj, atul Kulkarni, tushaar kapur, tanuja aur eshvarya rai Bachchan sammilit hai . laara datta film geet 'aisa jaadoo' mein ek baar-daansar ki bhoomika mein hai . film vyaavasaayik evam sameekaakshaatmak roop se kaafi prashansaneeya pradarshan karti hai. varsh 2011 mein satyamev jayate naam se telugu sanskaran ka punarnirmaan hota hai.

Maharashtra ke ek nagar chandanagadh mein hue saampradaayik dangon ki jaanch mein lagi raajya police ko daaai. ikbaal Ansari (atul Kulkarni), naam se ek muslim daaaiktar ke aavaas se bhaari maatra mein avaidh hathiyaaron ki baraamadagi hoti hain. jisse police use ISI agent aur dange ki saajishkarta ka aarop madhti hain. giraftaar Ansari ki peshi ke liye Mumbai vishesh nyaayaalaya bulaaya jaata hain, lekin chandanagadh se police gheraabandi ke beech niklavaane baavajood unapar kisi agyaat dal ka hamla hota hai. police kisi tarah use bacha to leti hain par tab tak kaafi gambhir nuksaan ho chuka hota hai.

police cheef, ACP Naidu (prakaash raaj) ko vishesh nyaayaalaya ki sunavaai par Ansari ko peshi par chandanagadh se laane ke liye paanch policekarmiyon ki niyukti ki jimmedaari milti hai. team pramukh mein DCP anant shreevaastav (Amitabh Bachchan) ko niyukt kiya jaata hai jo ek imaandaar police officer hai par swayam ke kairiyr mein ab tak koi vishesh prabhaav naheen la sake sivaaya bhrasht aacharan ko asveekaar karne se . vah is abhiyaan ko isliye raaji hota hai ki kisi tarah apne kairiyr mein safal hone par use edishnal commissioner ki padonnati mile taaki uske sevaaeain evam prayaason ka uchit sammaan mil sake.

ab usaki team mein sammilit hain varishth inspector shekhar varma (Akshay Kumar) jo ek bhrasht policekarmi hain, sah-inspector Ashwin gupte (tushaar Kapoor) aur do hawaldaar Kamlesh saavant aur gajaanan mhaatre. lekin Mumbai se prasthaan se poorv hi unke haathon ek photographer (abeer Goswami) pakada jaata hain jo gupt roop se unki tasveerein le raha tha par unase ve kuchh ugalava naheen paate . daraasal vah yashavant aangre (Ajay devagan) ke kehne par team ki jaasoosi kar raha tha . lekin police in donon ke beech jude sootr par kuchh kaaryavaai karti aangre us photographer aur uske parivaar ko unke telephone riseevar se jude visfotak ke jariye dhamaaka kar maar daalata hai.

anant apni team saath chandanagadh pahunchata hi hai ki police ko mahaalakshami (eshvarya rai) naam se ek school teacher ki or se uske school sanpada mein kuchh sandigdh gatividhiyon ke khulaase ki khabar milti hai . anant aur usaki team ko sthaaneeya police ke saath jaanch mein aatankiyon ke kamre se shav baraamad hote hain. jab kamre mein chhaapemaari jaari hi rahati hai tabhi phone ki ring baj uthati hai, lekin anant sabhi ko phone riseevar uthaane se pehle saavadhaani se sunishchit karta hai jiske parinaam mein unhein riseevar se jude visfotak ka pata chalta hai, use hataakar phone receive karne par koi javaab naheen milta. anant ka vishvaas pukhta hota hain ki koi aisa giroh hai jinhein unke pratyek gatividhiyon aur is abhiyaan ki jaankaari praapt hai, jismein unhein tatkaal yojana mein badlaav lene ka faisala karna padta hai.

police station mein vaapasi dauraan anant se milne Ansari ki maan (tanuja) yeh fariyaad lekar aati hain ki use beech raah mein na maarkar seedhe adaalat le jaae aur sahi nyaaya karaae. anant use aashvast karaata hai use uske bete se jaroor milvaayega. vaheen aangre ki or se anant ko anjaan kaaail milti hai, lekin vah pehchaan naheen paata aur kaaail tres karne ki koshish bhi naakaam rahati hai. par tabhi usi laain par usaki patni aur beti ki aavaaj sunaai padti hain. anant fauran ghar ko phone kaaail lagaata hain lekin sthiti saamaanya paakar samajh jaata hai ki aangre ne mahaj use daraane ke liye rikaaairding tape ka istemaal kiya tha.

anant apni team mein mahaalakshami ko saath lekar Mumbai ko ravaana hi hote hain ki haaive par lagi lambe jaam par unako rukana padta hai. is jaam se pare nikalkar ek kachche raaste dvaara chalte hi hai ki unka saamana pashu-mele ke taur par bhaari bheed ka saamana hota hain. raaste se maveshiyon aur logon ko hataate hue anant ko tabhi aangre ka phone aata hain joki ki usi ke aas-paas hone ka ehsaas karaata hain. par anant use khoj hi leta hai aur Ashwin ke saath peechha karta hain. shekhar varma, jipsi se utar Ansari ki badi vain par chadh jaata hai taaki donon or se suraksha ki ja sake. aangre mele mein jabaradast bhagadad machaakar anant ke pakad se bach jaata hain.

jaise hi anant apni team ke saath aage badhta hai ki shekhar ko ehsaas hota hai ki vain ke dekharekh ki hadbadi mein jeep asurakshit rah gayi thi. jeep rokakar shekhar fauran gaadi neeche jhaankata hai aur tab use visfotak dikhaai padta hai. fir vah sabhi ko peechhe hatne ko kehte hue bhaagata hi hain ki jeep dhamaake se dhavast ho jaati hai lekin uske jabaradast dhakke se vain ki engine par bura asar padta hai.

anant tab team ke saath haaive se alag vain ko dhakke lagaata sunasaan raaste hote hue ek makaan par pahuainch vain marammat kar rukane aur fir aage kaaryavaai karne ka faisala karti hain. anant ab maujooda sthiti ke baare bataane Naidu ko phone karta hai aur sthaanaadi ka pata dekar atirikt police sahaayata bhejane ko kehti hai. anant us ghar par mele mein dikhe anjaan vyakti ko pahachaanane ki koshish karta hai, use tab aangre ki yaad aati hai jo uske vibhaag ka hi ghor bhrasht aur nirmam poorv-officer hain . jise paaainch nirdoshon ki hatya karne ke aparaadh mein anant use jail bhejkar police vibhaag se barkhaast karta hain.

fir tab team ko police vain najar aati hai, par jise vo apni sahayog team maan rahi thi asal mein ve aangre ke hatyaare saabit hote hain. chand minton mein bhaari goleebaari chalti hai aur javaabi bachaav mein anant ki team ke saare goli-kaaratoos kam pad jaate hain. vaheen aangre ke aadmi police ke hawaldaar driver ko feink Ansari ko riha karne ko kehte hain. shekhar ko aur koi vikalp samajh na aane par Ansari ko kheench baahar karne ki cheshta hi karta ki anant usaki raah rokata hain. aur tab donon ke beech takaraar machati hain, jismein shekhar ke anusaar uske pramukh anant ek mahatvaheen policekarmi hain jo sabki jeevan ki upeksha kar apne naitik aadarshon ko bachaane ka hi paksh lega.

bahas ko ulajhate dekh antat: anant aur Ashwin apni pistaulein shekhar par taan dete hain lekin tab Ansari bifrate hue kah deta hai ki yahaan aatankvaadi usaki rihaai ke liye naheen balki maarane aae hain.

uske mutaabik vah to mahaj chandanagadh ka saadhaaran daaaiktar hai jo imaandaari se apne peshe aur parivaar ke beech saamanjasya bithaae tha . unheen dinon danga peediton ki ilaaj ke dauraan bhaaskar Joshi naam ke patrakaar se mulaakaat hoti hai jise pata hai ki is saampradaayik dangon ka asal jimmevaar vidhaayak devadhar hi hai jo apne khilaaf khade in saamaajik kaaryakarta ko maar apne jurm chhipaana chaahata hain. bhaaskar isi pukhta saboot ki taiyaari mein daaaiktar Ansari ke paas aata hai kyonki jin mrutakon ki vah jaanch kar raha hai usaka nishkarsh devadhar ke virodh hi jaaega. Ansari vah report bhaaskar ko saunpata hai lekin uske prakaashit hone ke pehle hi bhaaskar ghaatak hamle mein maara jaata hai aur phone par devadhar ki file dene ki dhamakiyaaain di jaati hai. Ansari file dene se inkaar karta hai aur nateejatan dangaai aur bhrasht police ki mileebhagat se usaka ghar tabaah karne saath samooche parivaar ko bhi maar diya jaata hai aur jhoothe sabooton ki bina par aatankvaadi ghoshit kiya jaata hain.

isi beech, aangre aur uske aadmi ghar andar pahuainchakar anant aur baakiyon par bandook taan hi dete hain sivaaya shekhar aur Ashwin ke jo andhere ka laabh uthaakar fauran Ansari ko ghar peechhe ke veyarahaaoos mein chhip jaate hain. jab tak aangre ke aadmi ghar ki talaashi karte, aangre anant se uske haathon bejjati ka badla lene ke tareeke bataata hain kyonki uske mutaabik anant ko apni jaan se jyaada apne kartavya aur aadarshon ki hi paravaah hain. vaheen aangre ke aadmi ghar ki chhaanabeen karte hooe veyarahaaoos pahuainchate hain. aangre unke saath pravesh hi kar paata ki vahaan rakhe jvalanasheel gas se bhare silindaron par baahar khada Ashwin us par goli daag ek jaanleva dhamaaka karta hai jisse kuchh gunde maare jaate hain. is afraatafri mein team police vain par jald savaar hokar bhaagati hi hain ki aangre ki chalaai goli se Ansari buri tarah ghaayal hota hai. tabhi anant ko Naidu se Ansari ko goli lagne ki khabar puchha jaata hain. anant samajh jaata hai ki Naidu bhi ek bhrasht policekarmi hain jo devadhar ka kaam karta hain aur anant ki har gatividhiyon ki jaankaari aangre ko deta hain.

anant apni team ke saath ghaayal Ansari ko sthaaneeya aspataal mein bharati karaate hain, daaaiktar usaki jaan to bacha lete hain magar usaki sthiti aur bigadne ki bhi andesha karte hain. anant apni team ke sadasyon ko is abhiyaan se mukt hone ko kehte hai kyonki jin logon ne is mission par jaane ko kaha ve swayam ise safal naheen hone dena chaahate . ve bataate hain ki ve aakhir tak ise anjaam dekar raheinge. tab shekhar beeti raat ko hui badatameeji ki maafi maangata hai aur vah bhi unke saath aakhir tak chalne ki jid karta hai taaki ek baar khud ko imaandaar police saabit kar sakein. aur fir anya sadasya bhi apni yahi rai dete hain.

vaheen sthaaneeya police anant ki team ko police thaane le jaati hai jahaan unhein kaha jaata hai ki unako vishraam dene aur Ansari ki jimmedaari se mukt karaae jaane ka aadesh praapt hai. officer ko mile is jimmevaari par anant apna rosh jaahir karta hain ki kis kadar bhrashtaachaar mein dubi policekarmi devadhar jaise beimaan raajaneetijnya logon ki unheen ke vibhaag ka afsar Naidu hukmaudooli karta hai. officer unhein gaur karte hue unki madad ka aashvaasan deta hai aur Naidu se mile kaaail par galat logon ko giraftaar kiye jaane ki galatafahami jataata hai.

vaheen aangre aur Naidu ki naakaami par mantri devadhar anant ki team ke khilaaf samaachaar-samooh ki mantrana par janta ko prachaarit karta hai ki yeh team bik chuki hain aur ISI ke sambandh se jud chuki hain. dooradarshan aur anya samaachaar maadhyamon se gumaraah ek jan-samooh usi aspataal ke yahaan pahuainch Ansari ko unke supurd karne ke liye patharaav karti hai. anant bina virodh kiye unke madhya jaakar kehta hai ki jo log sachchaai se avagat naheen hote to aise hi bhrasht raajaneta unako bhramit kar apna hit saadhate hain.

yahaan anant ki team ko Mumbai ravaana hone ke liye ek kaaryavaahak rel suvidha milti hai. lekin unki saavadhaani baratne se pehle hi usi train par aangre apne hathiyaarband aadamiyon ke saath station pahuainchata hai . par tabhi hawaldaar Kamlesh ko station baahar police vain bhagaate dekh aangre va uske aadmi goliyaaain barasaane ke jhaanse mein fansate hain aur unheen ke peeth peechhe shekhar train par kabja jamaate hue vaheen chhipe anya sadasyon ko bachaate hue anant baaki aatankiyon par goleebaari karta hai. Kamlesh patariyon ke sameep vain rok train pakadne ki koshish karta hai par antat: aangre ke chalaai goli se vah maara jaata.

Mumbai pahuainchakar jab Ansari ko aspataal mein ilaaj ke liye laaya jaata hai daaaiktar uske gambhir sthiti ko dekhte hue mrut ghoshit karte hain. vaheen Ansari ki maan ko lagta hain ki anant ne jaanboojhkar unki praarthana ki upeksha ki hain aur usaki javaabadehi se pehle hi gusse mein patrakaaron ke beech unhein tamaacha maarati hain . baavajood agali subah anant apni team ke saath Ansari ka sammaan sahit antim sanskaar karaati hai, aur midiya ke samaksh is case ki dubaara kaaryavaai ka ailaan karti hain.

midiya mein anant ke diye bayaan se baukhalaaya devar use apni seema mein rahane ki dhamaki deta hain lekin anant uske bahakaave mein naheen aate. yahaan anant apni team ko patrakaar bhaaskar ke bete ke jariye us ke thikaane ko kisi prakaar dhundh nikaalati hain. shekhar aur mahaalakshami us faail ko talaashane greind post-office pahuainchate hain jahaan pehle hi ghaat lagaae aangre se unka saamana hota hai. sthiti bigadne se pehle shekhar vah faail mahaalakshami ko dekar anant ko saunpane ka jimma deta hai aur shekhar tab aangre ke aadamiyon se bhid jaata hai.

kisi tarah shekhar ko najadeeki stadium tak pahuainchaane baad vah samajh jaata hain ki mahaalakshami aangre ki hi garlafraind hai jo unki hi soochana par is faail ko kabja chuki hai. shekhar marne se pehle hi anant ko kaaail karta hai jisse maaloom ho jaata hai ki mahaalakshami aangre ki jaasoos hai aur fir shekhar aangre ke hatyaaron ke chalaai goleebaari mein shaheed hota hai.

agale din anant aur Ashwin mahaalakshami ka peechha karte hue aangre ko dhundh nikaalate hain. lekin goleebaari ki muthabhed mein aangre mahaalakshami ko apni aad mein lekar use bhi maar deta hain.

anant tab aangre ka peechha karte hooe anya policekarmiyon ke sahaare use gher leta hai aur giraftaari se pehle anant aaveg mein Andre ki khoob pitaai kar use bedam kar police ke havaale karta hai.

baraamad file ki pukhta sabooton ke maddenajar nyaayaalaya aangre, devadhar aur Naidu par vibhinn sangeen aparaadhon mein sanlipt hone ka dand karaar deti hain. kaaraavaas ko le jaane dauraan aangre ko jis vain se le jaaya gaya usaki hathakadi fansaane waali frem ko vah dheela paata hai. khud ko fauran chhudaate hue, aangre hawaldaar par hamla kar, raayafal chheente hue vain ko rokata hai. tab tak Ashwin ke vain se baahar aate hi aangre usapar raayafal taanata hain. aangre trigr kheenchata hai, lekin goli na hone par chala naheen paata. bandook rakhakar jaise hi aangre samarpan kar usaki bevakoofi samajh hansata Ashwin do goliyaaain aangre par daag deta hain aur unheen bolts ko dikhaate hue pehle se hi jaanboojhkar khole jaane ka ujaagar karta hai. Ashwin tab hawaldaar ko poore ghatnaakram ke jaroori nirdesh deta hain aur apne varishth afsar ko phone par aangre ke hiraasat se bhaagane aur aatmaraksha mein goli chalaane ki durghatana mein buri tarah ghaayal hone ki soochana deta hai.

• Amitabh Bachchan - di si pi anant Kumar shreevaastav
• Akshay Kumar - inspector shekhar varma
• Aishwarya rai - mahaalakshmi
• Ajay devagan - yashavant angre
• tushaar Kapoor - sab inspector Ashwin gupte
• tanuja - Doctor Iqbal Ansari ki maaain
• laara datta - 'aisa jaadoo' mein vishesh bhoomika
• jayaaprada - jaya shreevaastav (vishesh bhoomika)
• abeer Goswami - photographer

bauks office

sameekshaaeain

• khaaki Internet moovi detaabes par