kevat (raamaayan)

kevat raamaayan ka ek paatr hai jisne vanagaman ke samay Ram, seeta aur Lakshman ko apne naav mein bitha kar ganga paar karavaaya tha. is katha ka varnan raamaayan ke ayodhyaakaand mein kiya gaya hai. kevat bhoivansh ka tha. kevat shri raamachandr ka ananya bhakt tha. kaha jaata hai ki shrrushti ke aarambh mein jab sampoorn jagat jalamagn tha kevat ka janm kachhuve ki yoni mein hua. us yoni mein bhi usaka Bhagwan ke prati atyadhik prem tha. apne moksh ke liye usane shesh shaiya par shayan karte huye Bhagwan vishnu ke aaingoothe ka sparsh karne ka asafal prayaas kiya tha. uske baad ek yug se bhi adhik kaal tak anek janm lekar usane Bhagwan ki tapasya ki aur ant mein treta yug mein kevat ke roop mein janm lekar Bhagwan vishnu, jo ki Ram ke roop mein avatarit huye the.