kevali

antim kevali jamboosvaami ji ke charan chinh

jain darshan ke anusaar jeevanmukt purush. keval gyaan se sampann vyakti kevali kahalaata hai. use chaaron prakaar ke pratibandhak karmon ka kshaya hone se kaivalya ki sadya: praapti hoti hai (tattvaarthasootr 10.1). jain darshan ke anusaar kevali jeev ke uchchatam aadarsh tatha unnati ka soochak hai. pratibandhak karmon mein moh ki mukhyata hoti hai aur isaliye kevalajnyaaan hone par moh hi sarvapratham ksheen hota hai aur tadanantar muhoort ke baad hi shesh teenon pratibandh karm-jnyaaanaavaraneeya, darshanavaraneeya tatha antaraaya-ek saath ksheen ho jaate hain. moh gyaan se adhik balavaan hota hai; uske naash ke baad hi anya karmon ka naash hota hai. pratibandhakon ke kshaya se keval upayog ka udaya hota hai. upayog ka arth hai-bodharoop vyaapaar. keval upayog ka aashay hai saamaanya aur vishesh donon prakaar ka sampoorn bodh. isi dasha mein sarvajnyaatv aur sarvadarshitv ka udaya hota hai kevali vyakti mein.

kevali mein darshan tatha gyaan ki utpati ko lekar aachaaryon mein paryaapt matabhed hai. aavashyak niyukti ke anusaar kevali mein darshan (nirviklpak gyaan) tatha (saviklpak gyaan) ka udaya kramash: hota hai. diganbar maanyata ke anusaar kevali mein kevaladarshan yugapad (ek saath) hote hain. is mat ke prakhyaat kundakund svaami ka spasht kathan hai ki jis prakaar soorya mein prakaash tatha taap ek saath rahate hain, usi prakaar kevali ke darshan aur gyaan ek saath rahate hai (niymaanusaar,159). teesari parampara siddhasen divaakar ki hai jiske anusaar kevalajnyaaan mein kisi prakaar ka antar naheen hota, pratyut ye donon abhinn hote hain. kevali hi 'sarvajnya' ke naam se abhihit hota hai, kyonki kevalajnyaaan ka udaya hote hi uske liye koi padaarth agyaat naheen rah jaata. vishv ke samast padaarth kevali ke saamane darpan ke samaan prateet hote hain.

inhein bhi dekhein