keval gyaan
 |
is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (sitmbar 2015) |
jain darshan ke anusaar keval vishuddhatam gyaan ko kehte hain. is gyaan ke chaar pratibandhak karm hote hain- mohaneeya, jnyaaanaavaran, darshanavaran tatha antaraaya. in chaaron karmon ka kshaya hone se kevalajnyaaan ka udaya hota hain. in karmon mein sarvapratham mohakar ka, tadanantar itar teenon karmon ka ek saath hi kshaya hota hai. kevalajnyaaan ka vishay hai- sarvadravya aur sarvaparyaaya (sarvadravya paryaayeshu kevalasya-tatvaarthasootr, 1.30). iska taatparya yeh hai ki aisi koi bhi vastu naheen, aisa koi paryaaya naheen jise kevalajnyaaan se sampann vyakti naheen jaanta. falat: aatma ki jnyaaanashakti ka poornatam vikaas ya aavirbhaav kevalajnyaaan mein lakshit hota hain. yeh poornata ka soochak gyaan hai. iska udaya hote hi apoornata se yukt, mati, shrut aadi gyaan sarvada ke liye nasht ho jaate hain. us poornata ki sthiti mein yeh akele hi sthit rahata hai aur isi liye iska yeh vishesh abhidhaan hai.
jain darshan ke anusaar jeev 13vein gunasthaan mein keval gyaan ki praapti karta hai . 14 gunasthaan is prakaar hai.
- mithya drushti
- saasaadan samyak-drushti
- mishr drushti
- avirt samyak-drushti
- desh-virt
- pramatt samyak
- apramatt samyak
- apoorvakaran
- anivrutikran
- sookshm-saamparaaya
- upashaantamoh
- ksheenamoh
- sayogakevali- yog sahit keval gyaan. is gunasthaan mein anantajnyaaan, anantadarshan, anantasukh aur anant aatmashakti praapt ho jaate hai.
- ayogakevali - yog rahit keval gyaan
anya darshanon mein
keval ka arth vah gyaan jo bhraantishoonya aur vishuddh ho. saankhyadarshan ke anusaar is prakaar ka gyaan tatvaabhyaas se praapt hota hai. yeh gyaan moksh ka saadhak hota hain. is prakaar ka gyaan hone par yeh bodh ho jaata hai ki na to main karta hooain, aur na kisi se mera koi sambandh hai aur na main swayam pruthak kuchh hooain.