keraleeya ganit sampradaaya

keraleeya ganit sampradaaya Kerala ke ganitjnyaon aur khagolashaastriyon ka ek ke baad ek aane wala kram tha jisne ganit aur khagol ke kshetr mein bahut unnat kaarya kiya. iski sthaapana sangamagraam ke maadhav dvaara ki gayi thi. parameshvar, neelakanth somajaajin, jyeshthadev, achyut pishaarati, melaapatur Narayan bhattatiri tatha achyut paannikr iske anya sadasya the. yeh sampradaaya 14veen shadi se lekar 16veen shadi tak fala-foola. khagoleeya samasyaaon ke samaadhaan ke khoj ke chakkar mein is sampradaaya ne svatantr roop se anekon mahatvapoorn ganiteeya sankalpanaaeain srujit ki. inmein neelakanth dvaara tantrasangrah naamak granth mein diya gaya trikonamiteeya falanon ka shreni ke roop mein prasaar sabse mahatvapoorn hai.

keraleeya ganit sampradaaya maadhavan ke baad kam se kam do shataabdiyon tak falata-foolata raha. jyeshthadev se hamein samaakalan ka vichaar mila, jise sankalitm kaha gaya tha, (hindi arth sangrah), jaisa ki is kathan mein hai:

ekaadyekothar pad sankalitm saman padavargathinte pakuti

jo samaakalan ko ek aise char (pad) ke roop mein anuvaadit karta hai jo char ke varg ke aadhe ke baraabar hoga; arthaat x dx ka samaakalan x2 / 2 ke baraabar hoga. yeh spasht roop se samaakalan ki shuruaat hai. isse sambandhit ek anya parinaam kehta hai ki kisi vakr ke andar ka kshetrafal uske samaakal ke baraabar hota hai. ismein se adhikaansh parinaam Europe mein aise hi parinaamon ke astitv se kai shataabdiyon poorv ke hain. anek prakaar se, jyeshthadev ki yuktibhaasha kalan par vishv ki pehli pustak maani ja sakti hai.

is samooh ne khagol vigyaan mein anya kai kaarya bhi kiye; vaastav mein khagoleeya pariklanon par vishleshan sambandhi parinaamon ki tulana mein kaheen adhik prushth likhe gaye hain.

Kerala school ne bhaashaavijnyaaan (bhaasha aur ganit ke madhya sambandh ek praacheen bhaarateeya parampara hai, dekhein, kaatyaayan) mein bhi yogadaan diya hai. Kerala ki ayurvedik aur kaavyamaya parampara ki jadein bhi is school mein khoji ja sakti hain. prasiddh kavita, naaraayaneeyam, ki rachana Narayan bhaattaathiri dvaara ki gayi thi.

anukram

parichay

yadyapi aisa lagta hai ki islaami fatah ke baad uttari Bhaarat ke adhikaansh bhaagon mein ganit mein maulik kaarya ruk gaye, banaaras ganit adhyayan kendra ke roop mein bacha raha aur Kerala mein ganit ka ek mahatvapoorn school pallavit hua.

14veen sadi mein kochchi mein maadhav ne ganit mein mahatvapoorn anusandhaan kiye jise Europeeya ganitjnya kam se kam do sadiyon baad hi jaan paaye. unke jya aur kojya falan ke shredhi vistaaran ko jaanane mein nyootan ko iske baad 300 varsh aur lage the. ganit ke itihaasakaar Rajgopal, rangaachaari aur Joseph ka maanana hai ki ganit mein unki den ise agale sopaan par - aadhunik shaastreeya vishleshan par - le jaane mein bahut sahaayak thi.

15veen sadi mein tiroor, Kerala ke neelakanth ne maadhav dvaara praapt parinaamon ko vistrut kiya aur vyaakhya ki. 16 veen sadi mein Kerala ke jyeshthadev ne maadhav aur neelakanth ki krutiyon mein shaamil prameyon ke vistrut pramaan aur niyamon ke deriveshans diye. yeh bhi dhyaan dene yogya hai ki jyeshthadev ki pustak ''yuktibhaasha'' mein neelakanth ki pustak ''tantr sangrah'' par tippaniyaan to hain hi iske alaava usamein graheeya siddhaant ki bhi vyaakhya hai jise taaiko vraahe ne bahut baad mein apnaaya; iske alaava paravarti Europeeya vidvaanon dvaara kalpit ganit ki bhi unhonne poorv mein vyaakhya ki thi. chitrabhaanu, 16 veen sadi, Kerala ne parinaam haasil karne ke liye beejaganiteeya aur jyaamiteeya donon reetiyon ka prayog kiya aur iske dvaara do beejaganiteeya sameekaranon ki 21 prakaar ki pranaaliyon ke raashi hal diye. Kerala ke ganitjnyaon dvaara kiye gaye mahatvapoorn anusandhaanon mein nyootan-gaus ka prakshep sootr, ek aseem shreni ke yogafal ka sootr aur paai ka maan ek shredhi ke roop mein bhi shaamil hain. chaalrs vhish 1835 mein ''traansaikshans of di royal eshiyaatik society of great Britain end Ireland'' mein prakaashit un pratham pashchimi vidvaanon mein se ek the jinhonne is tathya ko sveekaar kiya ki is kshetr mein hue Europeeya vikaas ko Kerala school ne 300 varsh pehle hi kalpit kar liya tha.

keraleeya ganit sampradaaya ka prabhaav

''krest of peekauk'' ke lekhak Joseph kehte hain ki ganit ki bhaarateeya paandulipiyaan Europe mein sanbhavataya jesuit paadariyon dvaara laai gayi jaise ki maattio riksi jisne 1580 mein church dvaara nirdesh praapt hone ke baad goaa se kocheen jaakar vahaan do saal bitaaye. kocheen trichoor se keval 70 kimi door sthit hai. trichoor us samay jyotirvidya ke abhilekhon ka sabse bada sangrahaalaya tha. vhish aur haain, do Europeeya ganitjnyaon ne trichoor ke keraleeya ganitjnyaon ki krutiyon ki nakal praapt ki thi aur yeh bada svaabhaavik lagta hai ki jesuit paadariyon ne in krutiyon ki nakal peesa ya padaau ya peris mein pahunchaai. peesa mein gaililiyo, kaiveliyri aur vaalis, padaau mein James gregari aur peris mein marasen jo farmat aur paaskal ke sampark mein the, in ganiteeya avadhaaranaaon ke prasaar ke abhikrta bane.

sandarbh


inhein bhi dekhein

baahari kadiyaaain