kendreeya maadhyamik shiksha board

kendreeya maadhyamik shiksha board
sentral board si.bi.S.E'
seebeeesai ka prateek chinh
seebeeesai ka prateek chinh

aadarsh vaakya: asato ma sadagamaya
sthaapit 1952
prakaar: board
adhyaksh: vineet Joshi, (I.A.S)
avasthiti: nai Delhi, Bhaarat
sambandhan: yahaan dekhein
jaalaprushth: www.cbse.nic.in/

kendreeya maadhyamik shiksha board (angreji:Central Board of Secondary Education ya CBSE) Bhaarat ki schooli shiksha ka ek pramukh board hai. Bhaarat ke andar aur baahar ke bahut se niji vidyaalaya isse sambaddh hain. iske pramukh uddeshya hain - shiksha sansthaanon ko adhik prabhaavashaali dhang se laabh pahunchaana, un vidyaarthiyon ki shaikshik aavashyakataaon ke prati uttaradaayi hona jinke maata-pita kendreeya sarkaar ke karmachaari hain aur nirantar sthaanaantaraneeya padon par kaaryarat hon. kendreeya maadhyamik shiksha board mein shiksha ka maadhyam hindi ya angreji ho sakta hai. ismein kul 897 kendreeya vidyaalaya, 1761 sarkaari vidyaalaya, 5827 svatantr vidyaalaya, 480 Jawahar navodaya vidyaalaya aur 14 kendreeya tibbati vidyaalaya sammilit hain.[1] iska dhyeya vaakya hai - asato ma sadgamaya (he prabhu ! hame asatya se satya ki or le chalo.)[2][3]

anukram

sanchaalit pareekshaaeain

yeh pehli kaksha se lekar 12veen kaksha tak ke liye paathyakram taiyaar karta hai evam varsh mein do mukhya pareekshaaen sanchaalit karta hai - 10veen kaksha ke liye akhil bhaarateeya sekendari school pareeksha (AISSE) evam 12veen kaksha ke liye akhil bhaarateeya sineeyar school certificate pareeksha (AISSCE). iske atirikt akhil bhaarateeya injineeyaring pravesh pareeksha (AIEEE) tatha akhil bhaarateeya pre-medical pareeksha (AIPMT) ka bhi sanchaalan karta hai.[1]

itihaas

Bhaarat mein sabse pehle "uttar pradesh board of haai school end intarameediyet education pehla board" ki sthaapana san 1921 mein hui thi. rajputana, madhya Bhaarat tatha gvaaliyr iske adhikaar kshetr mein aate the aur sanyukt praanton ki sarkaar dvaara kiye gaye abhyaavedan ke uttar mein tatkaaleen Bhaarat sarkaar ne sabhi kshetron ke liye varsh 1929 mein ek sanyukt board sthaapit karne ka sujhaav diya jiska naam "board of haai school end intarameediyet education rajputana" rakha gaya. ismein Ajmer, maaravaad, madhya Bhaarat aur gvaaliyr shaamil the.[2]

board dvaara maadhyamik shiksha star par teevr vikaas aur vistaar karne ke falasvaroop iske sansthaanon mein shiksha ke star evam gunata mein sudhaar aaya. parantu ke vibhinn bhaagon mein raajya vishvavidyaalayon aur raajya bordon ke sthaapit ho jaane se keval Ajmer, Bhopal aur tatpashchaat‌ vinya pradesh hi iske adhikaar kshetr mein rah gaye.[3] iske parinaamasvaroop varsh 1952 mein board ka samvidhaan sanshodhit kiya gaya jisse iska kshetraadhikaar bhaag-g aur bhaag-gh ke kshetron tak badha diya gaya aur board ko iska vartamaan naam kendreeya maadhyamik shiksha board diya gaya. antat: 1962 mein board ka punargathan kiya gaya.[1]

pramukh kaaryakalaap evam uddeshya

kendreeya maadhyamik shiksha board ki sthaapana katipya paraspar sambandhit uddeshyon ki poorti ke liye ki gayi thee:

  • kaksha 10veen aur 12veen ke ant mein saarvajanik pareekshaaen aayojit karne evam pareekshaaon se sambandhit shartein nirdhaarit karne hetu. sambaddh vidyaalayon ke safal vidyaarthiyon ko arhata pramaan-patra pradaan karne ke liye.
  • un vidyaarthiyon ki shaikshik aavashyakataaon ko poora karne ke liye jinke maata-pita sthaanaantaraneeya padon par kaaryarat hon.
  • pareekshaaon ke liye anudesh paathyakramon ka nirdhaaran karne tatha in paathyakram ko adyatan banaane ke liye.
  • pareeksha prayojan hetu vidyaalayon ko sanbaddhata pradaan karne tatha desh ke shaikshik pratimaanon ko ooaincha uthaane ke liye.

kshetraadhikaar

board ka adhikaar kshetr vyaapak hai aur raashtra ki bhaugolik seemaaon se baahar bhi faila hua hai. punargathan ke falasvaroop Delhi maadhyamik shiksha board ka kendreeya board mein vilay kar diya gaya aur is prakaar Delhi board dvaara maanyata praapt sabhi shaikshik sansthaaen bhi kendreeya board ka ang ban gayi. tadanantar sangh shaasit pradesh, Chandigarh, aroonaachal pradesh, andamaan aur nikobaar dweep samooh, sikkim raajya aur ab jhaarakhand, uttaraanchal evam Chhattisgarh ke sabhi schoolon ne bhi board ke saath sambaddhata praapt kar li hai. varsh 1962 mein maatr 309 vidyaalayon se 31-03-2007 tak 8979 vidyaalaya board se sambaddh hai jinmein 21 anya deshon mein chal rahe 141 vidyaalaya bhi shaamil hain.[3] ismein kul 897 kendreeya vidyaalaya, 1761 sarkaari vidyaalaya, 5827 svatantr vidyaalaya, 480 Jawahar navodaya vidyaalaya aur 14 kendreeya tibbati vidyaalaya sammilit hain.[2]

vikendreekaran

apne kaaryo ko adhikaadhik prabhaavashaali dhang se nishpaadit karne aur sambaddh vidyaalayon ke prati adhik pratisanvedi hone ke uddeshya se board dvaara desh ke vibhinn bhaagon mein kshetreeya kaaryaalaya sthaapit kiye gaye hain. board ke kshetreeya kaaryaalaya Ajmer, chennai, Allahabad, Guwahati, panchakula aur Delhi mein bhi sthit hain. desh ke baahar sthit vidyaalaya, kshetreeya kaaryaalaya Delhi ke antargat aate hain. mukhyaalaya, kshetreeya kaaryaalayon ke kaaryakalaapon par najar rakhata hai yadyapi kshetreeya kaaryaalayon ko bhi paryaapt adhikaar diye gaye hain tathaapi neetigat maamale mukhyaalaya ko bheje jaate hain. prashaasan sambandhi din pratidin ke maamale, vidyaalayon se sampark, pareeksha poorv aur pareeksha uparaant ki vyavastha aadi sabhi maamalon ki dekh-rekh kshetreeya kaaryaalayon dvaara ki jaati hai.

sandarbh

  1. a aa i seebeeesai. Hindustan live. 18 fravari 2010
  2. a aa i aadhikaarik jaalasthal-ke.ma.shi.board
  3. a aa i kendreeya maadhyamik shiksha board. world press

baahari kadiyaaain