kaushaambi jila

kaushaambi
jila
samay mandal: IST (UTC+5:30)
desh Flag of India.svg Bhaarat
raajya uttar pradesh
jila kaushaambi
janasankhya 14,150 (2001 tak )
kshetrafal
ooainchaai (AMSL)

• 90 meter (295 fee॰)

Erioll world.svgnirdeshaank: 25°a32′aN 81°a23′aE / 25.53°aN 81.38°aE / 25.53; 81.38 kaushambi bhaarateeya raajya uttar pradesh ka ek jila hai. bauddh bhoomi ke roop mein prasiddh kaushaambi uttar pradesh raajya ka ek jila hai. kaushaanbi, buddh kaal ki param prasiddh nagari, jo vats desh ki rajdhani thi. iska abhigyaan, tahaseel manjhanapur jila Allahabad mein prayaag se 24 meal par sthit kosam naam ke gram se kiya gaya hai. yeh nagari yamuna nadi par basi hui thi. aitihaasik drushti se bhi yeh sthaan kaafi mahatvapoorn hai. yahaan sthit pramukh paryatan sthalon mein sheetala mandir, durga devi mandir, prabhaashagiri aur Ram mandir vishesh roop se prasiddh hai. Allahabad ke dakshin-pashchim se 63 kilometer ki doori par sthit kaushaambi ko pehle kaushaam ke naam se jaana jaata tha. yeh bauddh va jainon ka puraana kendra hai. pehle yeh jagah vats mahaajanapad ke raaja udayan ki rajdhani thi. maana jaata hai ki buddh chhathein va nauvein varsh yahaan ghoomane ke liye aae the. jile ka mukhyaalaya manjhanapur mein hai.


anukram

praacheenata

puraanon ke anusaar hastinaapur naresh nichkshu ne, jo pareekshit ka vanshaj (yudhishthar se saataveen peedhi mein) tha, hastinaapur ke ganga dvaara baha diye jaane par apni rajdhani vats desh ki kaushaanbi nagari mein banaai thee—aaadhiseemakrushnaputro nichkshurbhavita nrup: yo gangayaaऽpahnate hastinaapure kaushanvyaan nivtsyati. isi vansh ki 26veen peedhi mein buddh ke samay mein kaushaanbi ka raaja udayan tha. is nagari ka ullekh mahaabhaarat mein naheen hai, fir bhi iska astitv isa se kai shatiyon poorv tha. Gautam buddh ke samay mein kaushaanbi apne aishvarya ke madhyaahnaakal mein thi. jaatak kathaaon tatha bauddh saahitya mein kaushaanbi ka varnan anek baar aaya hai. kaalidaas, bhaas aur kshemendr kaushaanbi naresh udayan se sambandhit anek lokakathaaon ki poori tarah se jaankaari thi.

aitihaasik tathya

kaushaanbi se ek kos uttar-pashchim mein ek chhoti pahaadi thi, jiski plaksh naamak guha mein buddh kai baar aae the. yaheen shvabhr naamak praakrutik kund tha. jain granthon mein bhi kaushaanbi ka ullekh hai. aavashyak sootr ki ek katha mein jain bhikshuni chandana ka ullekh hai, jo bhikshuni banane se poorv kaushaanbi ke ek vyaapaari dhanaavah ke haathon bech di gayi thi. isi sootr mein kaushaanbi naresh shataaneek ka bhi ullekh hai. iski raani mrugaavati videh ki Rajkumari thi. maurya kaal mein paataliputr ka gaurav adhik badh jaane se kaushaanbi samruddhiviheen ho gayi. fir bhi ashok ne yahaaain prastarastambh par apni dharmalipiyaaain—aasanvat 1 se 6 tak utkeern karavaayeen. isi stambh par ek anya dharmalipi bhi ankit hai, jisse bauddh sangh ke prati anaastha dikhaane vaale bhikshuon ke liye dand niyat kiya gaya hai. isi stambh par ashok ki raani aur teevar ki maata kaaruvaaki ka bhi ek lekh hai.

mukhya aakarshan

sheetala mandir

sheetala mandir aitihaasik aur dhaarmik drushti se kaafi mahatvapoorn mandir hai. yeh mandir Allahabad ke uttar-pashchim se lagbhag 69 kilometer ki doori par sthit hai. is sthaan ka‌aa‌ao kadaa ke naam se jaana jaata hai. iske atirikt, yahaan sthit pramukh mandiron mein hanumaan mandir, chhatrapaal mandir aur kaalesh‍aavar mandir bhi kaafi prasiddh hai. maan sheetala mandir ganga nadi ke tat par sthit hai. is mandir ko devi ke 51 shaktipeethon mein se sabse pramukh shaktipeeth maana jaata hai. sabhi dharmo ke log mandir mein maan ke darshan ke liye aate hain. mandir mein sthit sheetala devi ki moorti sthit hai. is moorti mein maata gardabh par baithi hui hai. aisa maana jaata hai ki chaitr maah mein krushnapaksh ke ashtami par yadi devi sheetala ki pooja ki jaae to buri shaktiyon se peechha chhutaaya ja sakta hai. yeh mandir 1000 E. mein banaaya gaya tha. yeh sthaan prasiddh sant malookadaas ki janmabhoomi bhi hai. yahaan par sant malookadaas ka aashram aur samaadhi bhi sthit hai. iske alaava, sikkh guroo teg bahaadur bhi yahaan aae the.

prabhaashagiri:

prabhaashagiri ek pramukh dhaarmik sthal hai. yamuna nadi ke tat par sthit yeh jagah manjhanapur tahaseel se lagbhag 30 kilometer ki doori par sthit hai. kaha jaata hai ki Bhagwan Krishna ki mrutyu isi sthaan par hui thi. prabhaashagiri mein do parvat hain jo ki yahaan ki samatal evam upajaaoo bhoomi ko dekhte hue bahut ooainche hain. vartamaan samay mein ek oonche parvat par bahut bada jain mandir sthit hai tatha doosare parvat par ek devi ka mandir hai. jain mandir ka nirmaan 1824 E. mein karavaaya gaya tha. yahaan par ek nau feet lambi aur saat feet chaudi gufa sthit hai. is gufa mein doosari shataabdi ki braahmi lipi mein likhi hui mudraapatr praapt hui thi. iske alaava, yeh vahi sthaan hai jahaan chhathe jainateerthankar padamaprabhu ne apna adhikaansh jeevan vyateet kiya tha. vartamaan samay mein prabhaashagiri mein pratyek makar sankraanti ko mela lagta hai aur yahaan aas-paas ke jilon ke log aakar gruhasthi ke liye prastar ke saamaan khareedte hain tatha yahaaain rahane vaale jain sannyaasiyon evam logon ko yathechhaanusaar daan karte hain. kaushaambi ke nivaasiyon ke liye parvataarohan ka yahi sabse achha evam najdeeki srot maana jaata hai.

durga devi mandir:

mandir mein devi durga aur Bhagwan Shiv ki kaale patthar ki bani moorti sthit hai. aisa maana jaata hai ki yeh moortiyaan buddh ke samay ki hai. navaraatron ke avsar par kaafi sankhya mein bhakt devi durga ki upaasana ke liye aate hain.

shri Ram mandir:

yeh sthaan Allahabad se lagbhag tees kilometer ki doori par sthit hai. shri Ram mandir kaafi vishaal mandir hai. is mandir ka nirmaan lagbhag bees varsh poorv kiya gaya tha.

thaharane ke sthaan

kaushaam‍aabi mein thaharane ke ach‍aachhe hotelon ka abhaav hai. isliye yahaan aane vaale paryatak iske najadeeki shahar illaahaabaad mein thaharate hain. illaahaabaad ke pramukh hotelon ki soochi yahaan di ja rahi hai.

pahunchane ke saadhan

vaayu maarg

kaushaam‍aabi ka sabse niktatam havaai adda Varanasi hai. allahabad airport se bhi jaya ja sakta hai

rel maarg

kaushaambi rel maarg dvaara Bhaarat ke kai pramukh shaharon se juda hua hai.

sadak maarg

yeh jagah sadkamaarg dvaara Bhaarat ke kai pramukh sthaanon se judi hui hai. sabse nikt illaahaabaad shahar hai. kaushaambi illaahaabaad ka hi k bhaag tha.


baahari kadiyaan