kaurav

kaurav mahaabhaarat ke vishisht paatr hain. kauravon ki sankhya 100 thi tatha ve sabhi sahodar the. yudhishthir ke putr lachhaman Kumar ki patni garbhavati thi usaka maayaka Mathura mein tha seereepat ji ki putri thi mahaabhaarat yuddh samaapt hone ke baad vo apne maayake chali gayi vahaan kulaguru krupaachaarya ke vanshaj rahate the unhonne us ladki ki raksha ki kaanaavati se putr kaanakunvar hua nau peedhi tak Mathura mein rahane ke baad vijay paal ne Bihar state mein vaishaali ka raaj kiya jo ab madhya pradesh ke narasinhapur-gvaaliyr-bhind-datiya aadi jila mein rahate hai.

kauravon ke maata pita

kauravon ke maata pita ka naam gaandhaari tatha dhrutaraashtr tha.

kauravon ka janm

kunti ke putr yudhishthir ke janm hone par dhrutaraashtr ki patni gaandhaari ke hrudaya mein bhi putravati hone ki laalasa jaagi. gaandhaari ne ved vyaas ji se putravati hone ka varadaan praapt kar liya. garbh dhaaran ke pashchaat do varsh vyateet ho jaane par bhi jab putr ka janm nahi hua to kshobhavash gaandhaari ne apne pet mein mukka maar kar apna garbh gira diya. yogabal se ved vyaas ko is ghatna ko tatkaal jaan liya. ve gaandhaari ke paas aakar bole, "gaandhaari toone bahut galat kiya. mera diya hua var kabhi mithya naheen jaata. ab tum sheegra sau kund taiyaar kar ke unamein ghrut bharava do." gaandhaari ne unki aajnyaaanusaar sau kund banava diye. vedavyaas ne gaandhaari ke garbh se nikle maansapind par abhimntrit jal chhidka jise us pind ke aaingoothe ke poruye ke baraabar sau tukade ho gaye. vedavyaas ne un tukadon ko gaandhaari ke banavaaye sau kundon mein rakhava diya aur un kundon ko do varsh pashchaat kholne ka aadesh de apne aashram chale gaye. do varsh baad sabse pehle kund se duryodhan ki utpatti hui. duryodhan ke janm ke din hi kunti ka putr bheem ka bhi janm hua. duryodhan janm lete hi gadhe ki tarah reinkane laga. jyotishiyon se iska lakshan poochhe jaane par un logon ne dhrutaraashtr ko bataaya, "raajan! aapka yeh putr kul ka naash karne wala hoga. ise tyaag dena hi uchit hai. kintu putramoh ke kaaran dhrutaraashtr usaka tyaag naheen kar sake. fir un kundon se dhrutaraashtr ke shesh 99 putr evam dushshala naamak ek kanya ka janm hua. gaandhaari garbh ke samay dhrutaraashtr ki seva mein asamarth ho gayi thi ataev unki seva ke liye ek daasi rakhi gayi. dhrutaraashtr ke sahavaas se us daasi ka bhi yuyuts naamak ek putr hua. yuva hone par sabhi raajakumaaron ka vivaah yathaayogya kanyaaon se kar diya gaya. dushshala ka vivaah jayadrath ke saath hua.