kaumaar bhrut‍aaya

kaumaarabhrutya (kaumaar = Kumar ka ; bhrutya = seva ya chikitsa) aayurved chikitsa ke aath angon mein se ek ang (vibhaag) hai jismein bachchon (janm se lekar solah varsh tak ki aayu tak) ki chikitsa ka adhyayan kiya jaata hai.

parichay

aayurved ke antargat kaumaarabhrutya ka bahut mahatva hai kyonki yeh ashtaang aayurved ke anya angon ka aadhaar hai. kaashyapasanhita kaumaarabhrutya ka pramukh granth maana gaya hai kintu yeh poorn roop se upalabdh naheen hai.

atharvaved mein garbhagarbhini, prasav, baalashosh, vamshaanugat rog aadi ke sandarbh mein sthaan-sthaan par varnan milta hai. braahman, aranyak, upanishd, gruhyasootr, smrutiyon tatha puraanon mein kaumaarabhrutya sambandhi varnan milta hai. charakasanhita mein aayurved ke aath angon ke naamollekh maatr hai, parantu pratyek ang ke antargat aane vaale vishyon/upavishyon ka spashteekaran naheen hai. kintu maharshi sushrut ne aayurved ke aath angon mein samaahit vishyon ka spasht roop se varnan kiya hai.

'kaumaarabhrutya' ang vishesh ke liye maharshi charak ne kaumaarabhrutya; sushrut ne kaumaarabhrutya evam kaumaaratantr; ashtaangasangrah, ashtaangahrudaya tatha haareet ne baalachikitsa aur kaumaarabhrutya shabd ka prayog kiya hai. ashtaang aayurved mein kaumaarabhrutya ko charak ne chhathe, sushrut ne paanchavein, vaagbhat ne dviteeya, tatha maharshi kaashyap ne ise pratham sthaan diya hai.

inhein bhi dekhein

  • baalarog vigyaan (Pediatrics)