katyoori raajavansh

katyoori raajavansh Bhaarat ke uttaraakhand raajya ka ek madhyayugeen raajavansh tha jinke baare mein mein maana jaata hai ki ve ayodhya ke shaalivaahan shaasak ke vanshaj hain aur isliye ve sooryavanshi hain. tathaapi, bahut se itihaasakaar unhein kuninda shaasakon se jodte hain aur khas mool se bhi, jinka kumaaooain kshetr par 6theen se 11veen sadi tak shaasan tha.

katyoori raajavansh bhi shak vanshaavali ke maane jaate hain, jaise raaja shaalivaahan, ko bhi shak vansh se maana jaata hai. tathaapi, badri datt paande jaise itihaasakaaron ka maanana hai ki katyoori, ayodhya se aae the.

unhonne apne raajya ko koormaanyachal kaha, arthaat kootm ki bhoomi, ko Bhagwan vishnu ka doosra avataar tha, jisse is sthaan ko iska vartamaan naam, kumaaooain mila.

inhein bhi dekhein

goloo chanpaavat ke katyuri vansh ke raaja jhaaluraai ke putr the. raaja jhaaluraai apne raajya ke nyaaya priya, udaar tatha praja sevak the. unki 7 raaniyaan theen, lekin putr ek bhi naheen. ab ve apne uttaraadhikaari ko lekar pareshaan rahane lage. jyotishiyon ke kehne ke anusaar unhonne Bhagwan bhairav ki aaraadhana ki aur unhein prasann karne ke baad unase santaan sukh ka var maanga. jis par bhairav ne kaha ki tumhaare naseeb mein santaan ka sukh hai hi naheen. choonki tumane mujhe prasann kiya hai to main hi putr roop mein janm loonga lekin ab tumhein aathaveen shaadi karni hogi.

ek din raaja shikaar karne nikle aur bhatak gaye. unhein pyaas lagi aur tab unhonne apne sainikon ko kaha ki ve kaheen se bhi paani dhoondh kar laaen. jab kaafi der tak sainik naheen laute to vah khud dhoondhane nikal pade. aakhir unhein ek taalaab dikha, lekin dekha to vahaan unke sainik behosh pade the. lekin pyaas se bechain raaja paani peene ki koshish karne lage aur tabhi ek aurat ki aavaaj I. usane rukane ke liye kaha aur kaha ki yeh taalaab mera hai, meri haami ke bagair yahaan se koi paani naheen pi sakta. tumhaare sainikon ne yahi galati ki, parinaam dekh lo.

raaj us aurat ki khoobsoorti ke kaayal ho gaye. unhonne apna parichay diya aur bataaya ki ye mere sainik hain. tum kaun ho? aur mere saunikon ka yeh haal kaise? us aurat ne bataaya ki main panchadev devataaon ki bahan kalinga hun. aap yadi raaja hain to un ladte hue do bhainson ko alag kar dikhaao tab main maanoongi ki aap raaja hain. raaja ko samajh naheen aaya ki inhein kaise chhudaaya jaae. aakhirkaar kalinga ne unhein alag kar diya. raaj hairaan the aur itne prabhaavit ki unase shaadi ka man bana liya. panchadevon ne mil kar raaja se kalinga ki shaadi kar diya.

jab baaki raaniyon ne use dekha to sabhi dvesh karne lageen. fir ek din vah garbhavati huin. saaton se yeh bardaasht kar paana mushkil tha aur uske garbh ko khatm karne ki yojana banaai. kalinga ko daraaya ki ek jyotishi ne kaha hai ki tumhein apne bachche ko paida hote hi dekhna achha naheen hai. isliye prasav ke dauraan sauton ne uske aakhon par kaali patti baandh di. jab kalinga ka bachcha hua tab use gaayon ke gaushaale mein feink diya, taaki gaayon ke pairon tale dab jaae aur kalinga ko bataaya gaya ki usane patthar ko janm diya. udhar goshaale mein bachche ko kharoch tak naheen I aur gaayon ne us bachche ko apna doodh pilaakar jinda rakha. fir bichhoo se bhare ghaas ke khet mein daal diya gaya, namak ke dher mein dabaaya gaya, lekin yeh cheeni ke dher mein badal gaya. aakhirkaar lohe ke sanduk mein bachche ko daalkar kaali nadi mein baha diya. saat din tatha saat raat ke baad vah sanduk Gauri ghaat par panhucha. jahaan bhaana naamak machhuaare ke jaal mein vah fans gaya. usane aur usaki patni ne bachche ko dekha tab uske aakhon mein khushi ki chamak dikhi, kyonki unhein bhi koi bachcha naheen tha. dheere-dheere bachche ke andar adbhut shaktiyaan viksit hone lageen. ek din bachche ne sapane mein dekha ki usaki maan kalinga rote-bilkhate kah rahi hai ki too mera putr hai. aaja mere paas bete auऱ isi ke saath janm ki saari ghatnaaen svapn ke jariye dikhaai de gayi. ek din us baalak ne apne pita se kaha ki mujhe ek ghoda chaahiye. gareeb machhuaare ke paas ghoda kahaan se khareed paata, isliye usane badhi se kaath ka ghod banavaakar bachche ko de diya. bachche ne apne chamatkaarik shakti se us ghode mein praan daal diye. ek din vah raaja jhaaluraai ki rajdhani dhoomaakot panhucha, vahaan ek taalaab ke paas pahunchakar apne ghode ko baandh kar aaraam karne laga. usi jalaashaya ke paas hi saaton raaniyaan baat kar rahi theen ki kis tarah raani kalinga ke saath shadyantr kar uske bachche ko maarane ki koshish ki thi unhonne aur kalinga ko khoon se lipta silbatta dikhaakar use dhokha diya tha. kuchh der baad vah apne ghode ko jalaashaya ke paas le gaya aur raaniyon ko usane kinaare hatne ko kaha aur kehne laga ki mere ghode ko paani peena hai. ve usaki baate sun kar hansane lageen aur kehne lageen ki too bevakoof hai. kaath ka ghoda bhi bhala paani pi sakta hai? javaab mein bachche ne kaha agar koi stri silbatte ko janm de sakti hai to kaath ka ghoda paani kyon naheen pi sakta? yeh sunakar sabhi raaniyaan hairaan theen aur raaja ke paas jaakar us bachche ki shikaayatein karne lageen. sainikon se us bachche ko pakadvaaya gaya auऱ raaja ke saamane laaya gaya. raaja ne poochha yeh kya bevakoofi hai. kaath ka ghoda paani kaise pi sakta hai? baalak ne javaab diya- mahaaraaj jis raaja ke raajya mein stri silbatte ko janm de sakti hai to yeh kaath ka ghoda bhi paani pi sakta hai. tab us bachche ne raaja ko apne janm ki ghatnaaon ka varnan kiya aur kaha ki meri maan kalinga ke saath ghor anyaaya hua hai aur aap bhi thage gaye hain. gusse se aag baboole hue raaja ne saaton raaniyon ko bandeegruh mein daal diya. tab saaton raaniyaan pashchaataap karte hue kalinga se maafi maangane lageen. tab us baalak ne apne pita ko samjha-bujhaakar unhein maaf kar dene ka anurodh kiya. ant mein raaja ne unhein daasiyon ke samaan jeevan gujaarne ke liye chhod diya. yahi baalak bada hokar gvel, golajoo, baala goriya gaur bhairav goloo ityaadi naamon se prasiddh hua.