kashyap

Andhra pradesh mein kashyap pratima
vaaman avataar, rishi kashyap evam aditi ke putr, mahaaraaj bali ke darbaar mein.

kashyap rishi ek vaidik rishi the. inki ganana saptarshi ganon mein ki jaati thi. hindu maanyata anusaar inke vanshaj hi srushti ke prasaar mein sahaayak hue.

parichay

kashyap rishi praacheen vaidik riashiyon mein pramukh riashi hain jinka ullekh ek baar riagved mein hua hai. anya sanhitaaon mein bhi yeh naam bahuprayukt hai. inhein sarvada dhaarmik env rahasyaatmak charitra wala batalaaya gaya hai env ati praacheen kaha gaya hai. aitareya braahman ke anusaar unhonne 'vishvakarmabhauvan' naamak raaja ka Abhishek karaaya tha. aitareya braahmanon ne kashyapon ka sambandh janamejaya se bataaya gaya hai. shatapath braahman mein prajaapati ko kashyap kaha gaya hai:

"s yatkurmo naam. prajaapati: praja asrujat. yadasrujat akarot tad yadakarot tasmaat koorm: kashyapo vai koormstasmaadaahu: sarvaa: prajaa: kashyap:."

mahaabhaarat evam puraanon mein asuron ki utpatti evam vanshaavali ke varnan mein kaha gaya hai ki brahma ke chh: maanas putron mein se ek 'mareechi' the jinhonne apni ichha se kashyap naamak prajaapati putr utpann kiya. kashyap ne daksh prajaapati ki 17 putriyon se vivaah kiya. daksh ki in putriyon se jo santaan utpann hui usaka vivran nimnaankit hai:

  • aditi se aaditya (devata)
  • diti se daitya
  • danu se daanav
  • kaashtha se ashv aadi
  • anishtha se gandharv
  • surasa se raakshas
  • ila se vruksh
  • muni se apsaraagan
  • krodhavasha se sarp
  • surabhi se gau aur mahish
  • sarama se shvaapad (hinstr pashu)
  • taamra se shyen-grudhr aadi
  • timi se yaadogan (jalajantu)
  • vinta se garud aur Arun
  • kadru se naag
  • patangi se patang
  • yaamini se shalabh

Bhagwat puraan, maarkandeya puraan ke anusaar kashyap ki baarah bhaaryaaeain theen. unke naam hain: aditi, danu, vinta, arashtha, kadru, surasha, khasha, surabhi, taamra, krodhavasha, ira aur muni in se sab srushti hui. kashyap ek gotr ka bhi naam hai. yeh bahut vyaapak gotr hai. jiska gotr naheen milta uske liye kashyap gotr ki kalpana kar li jaati hai, kyonki ek parampara ke anusaar sabhi jeevadhaariyon ki utpatti kashyap se hui.

ek baar samast pruthvi par vijay praapt kar parashuraam ne vah kashyap muni ko daan kar di. kashyap muni ne kaha-'ab tum mere desh mein mat raho.' at: guru ki aajnyaa ka paalan karte hue parashuraam ne raat ko pruthvi par na rahane ka sankalp kiya. ve prati raatri mein man ke samaan teevr gamanashakti se Mahendra parvat par jaane lage.

satayug mein daksh prajaapati ki do kanyaaen thi- kadru tatha vinta. un donon ka vivaah maharshi kashyap ke saath hua. ek baar prasann hokar kashyap ne un donon ko manachaaha var maangane ko kaha. kadru ne samaan paraakrami ek sahastr naag-putr maange tatha vinta ne uske putron se adhik tejasvi do putr maange. kaalaantar mein donon ko kramash: ek sahastr, tatha do ande praapt hue. 500 varsh baad kadru ke andon ke naag prakat hue. vinta ne irshyaavash apna ek anda swayam hi tod daala. usamein se ek aviksit baalak nikla jiska oordhvabhaag ban chuka tha, adhobhaag ka vikaas naheen hua thaan usane kruddh hokar maan ko 500 varsh tak kadru ki daasi rahane ka shaap diya tatha kaha ki yadi doosra anda samay se poorv naheen foda to vah poornaviksit baalak maan ko daasitv se mukt karega. pehla baalak Arun bankar aakaash mein soorya ka saarathi ban gaya tatha doosra baalak garud bankar aakaash mein ud gaya.

vinta tatha kadru ek baar kaheen baahar ghoomane gayeen. vahaaain uchchaishrava naamak ghode ko dekhkar donon ki shart lag gayi ki jo usaka rang galat bataayegi, vah doosari ki daasi banegi. agale din ghode ka rang dekhne ki baat rahi. vinta ne usaka rang safed bataaya tha tatha kadru ne usaka rang safed, par poonchh ka rang kaala bataaya tha. kadru ke man mein kapat tha. usane ghar jaate hi apne putron ko usaki poonchh par liptakar kaale baalon ka roop dhaaran karne ka aadesh diya jisse vah vijayi ho jaaya. jin sarpon ne usaka aadesh naheen maana, unhein usane shaap diya ki ve janamejaya ke yagya mein bhasm ho jaayein. is shaap ka anumodan karte hue brahma ne kashyap ko bulaaya aur kaha-'tumase utpann sarpon ki sankhya bahut badh gayi hai. tumhaari patni ne unhein shaap dekar achha hi kiya, at: tum usase roosht mat hona.' aisa kehkar brahma ne kashyap ko sarpon ka vish utaarane ki vidya pradaan ki. vinta tatha kadru jab uchchaishrava ko dekhne agale din gayeen tab usaki poonchh kaale naagon se dhaki rahane ke kaaran kaali jaan pad rahi thi. vinta atyant dukhi hui tatha usane kadru ki daasi ka sthaan grahan kiya.

garud ne sarpon se poochha ki kaun-sa aisa kaarya hai jisko karne se usaki maata ko daasitv se chhutakaara mil jaayega? uske naag bhaaiyon ne amrut laakar dene ke liye kaha. garud ne amrut ki khoj mein prasthaan kiya. usako samast devataaon se yuddh karna pada. sabse adhik shaktishaali hone ke kaaran garud ne sabhi ko paraast kar diya. tadanantar ve amrut ke paas pahuncha. atyant sookshm roop dhaaran karke vah amrutaghat ke paas nirantar chalne vaale chakr ko paar kar gaya. vahaan do sarp pahara de rahe the. un donon ko maarkar vah amrutaghat uthaakar le uda. usane swayam amrut ka paan naheen kiya tha, yeh dekhkar vishnu ne uske nirlipt bhaav par prasann hokar use varadaan diya ki kah bina amrut peeye bhi ajar-amar hoga tatha vishnu-dhvaja par usaka sthaan rahega. garud ne vishnu ka vaahan banana bhi sveekaar kiya. maarg mein indr mile. indr ne usase amrut-kalash maanga aur kaha ki yadi sarpon ne iska paan kar liya to atyadhik ahit hoga. garud ne indr ko bataaya ki vah kisi uddeshya se amrut le ja raha hai. jab vah amrut-kalash kaheen rakh de, indr use le le. indr ne prasann hokar garud ko varadaan diya ki sarp usaki bhojan saamagri honge. tadanantar garud apni maan ke paas pahuncha. usane sarpon ko soochana di ki vah amrut le aaya hai. sarp vinta ko daasitv se mukt kar dein tatha snaan kar lein. usane kushaasan par amrut-kalash rakh diyaan jab tak sarp snaan karke laute, indr ne amrut chura liya tha. sarpon ne kusha ko hi chaata jisse unki jeebh ke do bhaag ho gaye, at: ve dvijivh kahalaane lage.

indr ko baalakhilya maharshiyon se bahut irshya thi. roosht hokar baalakhilya ne apni tapasya ka bhaag kashyap muni ko diya tatha indr ka mad nasht karne ke liye kaha. kashyap ne suparna tatha kadru se vivaah kiya. donon ke garbhini hone par ve unhein sadaachaar se ghar mein hi rahane ke liye kehkar anyatr chale gaye. unke jaane ke baad donon patniyaan rishiyon ke yajnyaon mein jaane lageen. ve donon rishiyon ke mana karne par bhi havishya ko dooshit kar deti theen. at: unke shaap se ve nadiyaan (apaga) ban gayeen. lautane par kashyap ko gyaat hua. rishiyon ke kehne se unhonne shivaaraadhana ki. Shiv ke prasann hone par unhein aasheervaad mila ki donon nadiyaan ganga se milkar pun: naari-roop dhaaran kareingi. aisa hi hone par prajaapati kashyap ne donon ka seemaantonnayan sanskaar kiya. yagya ke samay kadru ne ek aankh se sanket dvaara rishiyon ka upahaas kiya. at: unke shaap se vah kaani ho gayi. kashyap ne pun: rishiyon ko kisi prakaar prasann kiya. unke kathanaanusaar ganga snaan se usane pun: purvaroop dhaaran kiya.

sandarbh