karpooramanjari

karpooramanjari sanskrut ke prasiddh naatakakaar evam kaavyameemaansak raajashekhar dvaara rachit praakrut ka naatak (sattak) hai. praakrut bhaasha ki vishuddh saahityik rachanaaon mein is kruti ka vishisht sthaan hai.

sattak

karpooramanjari (1.6) mein kaha gaya hai - naatika mein bahut si baaton mein milti-julati naatyarachana ko sattak kehte hain. parantu usamein praveshak, vishkanbhak aur ank naheen hote. saahityadarpan ke anusaar sattak aadi se ant tak praakrut bhaasha mein rachit hota hai, na ki sanskrut naatakon ke samaan jismein keval kuchh paatr hi praakrut bhaasha mein rachit hota hai. usamein adbhut ras ka vaishishtya hota hai. ank ke liye javanikaantar shabd ka prayog hota hai. shesh baaton mein sattak praaya: naatika ke samaan hota hai. donon mein sheershak naayika ke naam par hota hai.

granth parichay

praakrut bhaasha mein paaainch sattakon (1. vilaasavati, 2. chandaleha, 3. aanandasundari, 4. singaaramanjari aur 5. karpooramanjari) ki prasiddhi hai jinmein vilaasavati ke atirikt sabhi upalabdh hain. in sabamein karpooramanjari sarvotkrusht aur praudh rachana hai. raajashekhar ka sanskrut aur praakrut bhaashaaon par asaadhaaran adhikaar tha. ve sarvabhaashaanishnan kahe jaate the. karpooramanjari ki praakrut praudh evam praanjal hai. pehle kaha jaata tha ki iska padyabhaag shauraseni praakrut mein hain. par dau॰ Manmohan ghosh ne is mat ko amaanya siddh kiya hai. ismein mukhyat: shauraseni ka hi prayog hai. ismein kavi ne sragdhara, shaardoolavikreedit, basantatilka aadi sanskrut ke chhandon ka praudh evam safal prayog kiya hai. praakrut ke chhand bhi ismein hain. praakrut mein is satt ke likhne ka kaaran karpooramanjari (1.7) mein kavi ne bataaya hai ki sanskrut bandh purush hote hain aur praakrut bhaasha ke bandh sukumaar. donon mein purush aur lalana ke samaan antar hai. praakrut bhaasha ke praudh aadyant prayog ke kaaran is sattak mein dikhaaya gaya hai ki raaja chandrapaal ne kuntalaraajaputri karpooramanjari se vivaah karke chakravarteepad praapt kiya. aindrajaalik bhairavaanand ne indrajaal dvaara ismein adbhut ras ki yojana ki gayi hai.

baahari kadiyaaain