karn

jaavaani rangamanch mein karn.

karn mahaabhaarat ke sabse pramukh paatron mein se ek hai. karn ki vaastavik maaain kunti thi. karn ka janm kunti ka paandu ke saath vivaah hone se poorv hua tha. karn duryodhan ka sabse achha mitr tha aur mahaabhaarat ke yuddh mein vah apne bhaaiyon ke viruddh lada. vah soorya putr tha. karn ko ek aadarsh daanaveer maana jaata hai kyonki karn ne kabhi bhi kisi maaaingane vaale ko daan mein kuchh bhi dene se kabhi bhi mana naheen kiya bhale hi iske parinaamasvaroop uske apne hi praan sankat mein kyon na pad gaye hon.

karn ki chhavi aaj bhi bhaarateeya janamaanas mein ek aise mahaayoddha ki hai jo jeevanabhar pratikool paristhitiyon se ladta raha. bahut se logon ka yeh bhi maanana hai ki karn ko kabhi bhi vah sab naheen mila jiska vah vaastavik roop se adhikaari tha.[1] tarkasangat roop se kaha jaae to hastinaapur ke sinhaasan ka vaastavik adhikaari karn hi tha kyonki vah kuru raajaparivaar se hi tha aur yudhishthir aur duryodhan se jyeshth tha, lekin usaki vaastavik pehchaan usaki mrutyu tak agyaat hi rahi.

karn ki chhavi draupadi ka apamaan kiye jaane aur abhimnyu vadh mein usaki nakaaraatmak bhoomika ke kaaran dhoomil bhi hui thi lekin kul milaakar karn ko ek daanaveer aur mahaan yoddha maana jaata hai.

anukram

shuddh sankalp ke parinaam svarup janm

karn ka janm kunti ko mile ek varadaan svarup hua tha. jab vah kuainaari thi, tab ek baar durvaasa rishi uske pita ke mahal mein padhaare. tab kunti ne poore ek varsh tak rishi ki bahut achhe se seva ki. kunti ke sevaabhaav se prasann hokar unhonein apni divyadrushti se ye dekh liya ki paandu se use santaan naheen ho sakti aur use ye varadaan diya ki vah kisi bhi devata ka smaran karke unase santaan utpann kar sakti hai. ek din utsukataavash kuainaarepan mein hi kunti ne soorya Dave ka dhyaan kiya. isse soorya Dave prakat hue aur use ek putr diya jo tej mein soorya ke hi samaan tha aur vah kavach aur kundal lekar utpann hua tha jo janm se hi uske shareer se chipke hue the.

choonki vah abhi bhi avivaahit thi isaliye lok-laaj ke dar se usane us putr ko ek bakse mein rakh kar gangaaji mein baha diya.

laalan-paalan

karn gangaaji mein bahata hua ja raha tha ki mahaaraaj dhrutaraashtr ke saarathi adhirth aur unki patni raadha ne use dekha aur use god le liya aur usaka laalan paalan karne lage. unhonne use vaasusena naam diya. apni paalanakarta maata ke naam par karn ko raadheya ke naam se bhi jaana jaata hai. apne janm ke rahasyodghaatan hone aur ang ka raaja banaae jaane ke pashchaat bhi karn ne sadaiv unheen ko apna maata-pita maana aur apni mrutyu tak sabhi putr dharmon nibhaaya. ang ka raaja banaae jaane ke pashchaat karn ka ek naam angaraaj bhi hua.

prashikshan

Kumar avaastha se hi karn ki ruchi apne pita adhirth ke samaan rath chalaane ki bajaay yuddhakala mein adhik thi. karn aur uske pita adhirth aachaarya dron se mile jo us samay yuddhakala ke sarvashreshth aachaaryon mein se ek the. dronaachaarya us samay kuru raajakumaaron ko shiksha diya karte the. unhone karn ko shiksha dene se mana kar diya kyonki karn ek saarathi putr tha aur dron keval kshatriyon ko hi shiksha diya karte the.

dronaachaarya ki asammati ke uparaant karn ne parashuraam se sampark kiya jo ki keval braahmanon ko hi shiksha diya karte the. karn ne swayam ko braahman bataakar parashuraam se shiksha ka aagrah kiya. parashuraam ne karn ka aagrah sveekaar kiya aur karn ko apne samaan hi yuddhakala aur dhanurvidya mein nishnaat kiya. is prakaar karn parashuraam ka ek atyant parishrami aur nipun shishya bana.

karn ko mile vividh shraap

karn ko uske guru parashuraam aur pruthvi maata se shraap mila tha. iske atirikt bhi karn ko bahut se shraap mile the.

karn ki shiksha apne antim charan par thi. ek dopahar ki baat hai, guru parashuraam karn ki jangha par sir rakhakar vishraam kar rahe the. kuchh der baad kaheen se ek bichhoo aaya aur usaki doosari jangha par kaat kar ghaav banaane laga. guru ka vishraam bhang na ho isliye karn bichhoo ko door na hataakar uske dank ko sahata raha. kuchh der mein guruji ki nidra tooti aur unhonein dekha ki karn ki jaangh se bahut rakt bah raha hai. unhonein kaha ki keval kisi kshatriya mein hi itni sahanasheelata ho sakti hai ki vah bichhu dank ko sah le, na ki kisi braahman mein aur parashuraamaji ne use mithya bhaashan ke kaaran shraap diya ki jab bhi karn ko unki di hui shiksha ki sarvaadhik aavashyakta hogi, us din vah uske kaam naheen aaegi.

karn, jo ki swayam yeh naheen jaanta tha ki vah kis vansh se hai, ne apne guru se kshama maaaingi aur kaha ki uske sthaan par yadi koi aur shishya bhi hota to vo bhi yahi karta. yadyapi karn ko krodhavash shraap dene par unhein glaani hui par ve apna shraap vaapas naheen le sakte the. tab unhonein karn ko apna vijay naamak dhanush pradaan kiya aur use ye aasheervaad diya ki use vah vastu milegi jise vah sarvaadhik chaahata hai - amit prasiddhi. kuchh lokakathaaon mein maana jaata hai ki bichhoo ke rup mein swayam indr the, jo usaki vaastavik kshatriya pehchaan ko ujaagar karna chaahate the.

parashuraamaji ke aashram se jaane ke pashchaat, karn kuchh samay tak bhatakata raha. is dauraan vah shabdabhedi vidya seekh raha tha. abhyaas ke dauraan usane ek gaaya ke bachhade ko koi vaneeya pashu samajh liya aur us par shabdabhedi baan chala diya aur bachhadaa maara gaya. tab us gaaya ke svaami braahman ne karn ko shraap diya ki jis prakaar usane ek asahaaya pashu ko maara hai, vaise hi ek din vah bhi maara jaaega jab vah sabse adhik asahaaya hoga aur jab usaka saara dhyaan apne shatru se kaheen alag kisi aur kaam par hoga.

aandhr ki lok kathaaon ke anusaar ek baar karn kaheen ja raha tha, tab raaste mein use ek kanya mili jo apne ghade se ghi ke bikhr jaane ke kaaran ro rahi thi. jab karn ne uske santraas ka kaaran jaanana chaaha to usane bataaya ki use bhaya hai ki usaki sauteli maaain usaki is asaavadhaani par rusht hongi. krupaalu karn ne tab usase kaha ki bah use naya ghi laakar dega. tab kanya ne aagrah kiya ki use vahi mitti mein mila hua ghi hi chaahiye aur usane naya ghi lene se mana kar diya. tab kanya par daya karte hue karn ne ghi yukt mitti ko apni muththi mein liya aur nichodne laga taaki mitti se ghi nichudkar ghade mein gir jaae. is prakriya ke dauraan usane apne haath se ek mahila ki peedaayukt dhvani suni. jab usane apni muththi kholi to dharati maata ko paaya. peeda se krodhit dharati maata ne karn ki aalochna ki aur kaha ki usane ek bachchi ke ghi ke liye unhein itni peeda di. aur tab dharati maata ne karn ko shraap diya ki ek din uske jeevan ke kisi nirnaayak yuddh mein vah bhi uske rath ke pahiye ko vaise hi pakad leingi jaise usane unhein apni muththi mein pakada hai, jisse vah us yuddh mein apne shatru ke saamane asurakshit ho jaaega.

is prakaar, karn ko teen pruthak avsaron par teen shraap mile. durbhaagya se ye teenon hi shraap kurukshetr ke nirnaayak yuddh mein faleebhoot hue, jab vah yuddh mein astr viheen, rath viheen aur asahaaya ho gaya tha.

vividh shraapon ke prabhaav

karn ko mile vividh shraapon ka prabhaav is prakaar hua.

do brahmaastron ka takaraana

yadi ek brahmaastr bhi shatru ke khemein par chhoda jaae to na keval vah us kheme ko nasht karta hai balki us poore kshetr mein 12 se bhi adhik varshon tak akaal padta hai. aur yadi do brahmaastr aapas mein takara diye jaaeain tab to maano pralaya hi ho jaata hai. isse samast pruthvi ka vinaash ho jaaega aur is prakaar ek anya bhoomandal aur samast jeevadhaariyon ki rachana karni padegi. mahaabhaarat ke yuddh mein do brahmaastron ke takaraane ki sthiti tab I jab rishi vedavyaasaji ke aashram mein ashvatthaama aur arjun ne apne-apne brahmaastr chala diye. tab vedavyaasaji ne us takaraav ko taala aur apne-apne brahmaastron ko lauta lene ko kaha. arjun ko to brahmaastr lautaana aata tha, lekin ashvatthaama ye naheen jaanta tha aur tab us brahmaastr ke kaaran pareekshit, uttara ke garbh se mrut paida hua.

lekin karn guru parashuraam ke shraap ke kaaran brahmaastr chalaana bhool gaya tha, naheen to vah yuddh mein arjun ka vadh karne ke liye avashya hi apna brahmaastr chalaata aur arjun bhi apne bachaav ke liye apna brahmaastr chalaata aur poori pruthvi ka vinaash ho jaata. is prakaar guru parashuraam ne karn ko shraap dekar pruthvi ka vinaash taal diya.

dharati maata ke shraap ka prabhaav

dharati maata ka shraap yeh tha ki karn ke jeevan ke sabse nirnaayak yuddh mein dharati uske rath ke pahiye ko pakad leingi. us din ke yuddh mein karn ne alag-alag rathon ka upayog kiya, lekin har baar uske rath ka pahiya dharati me dhas jaata. isliye vibhinn rathon ka prayog karke bhi karn dharati maata ke shraap se naheen bach sakta tha, anyatha vah us nirnaayak yuddh mein arjun par bhaari padta.

duryodhan se mitrata aur angaraaj

karn ka raajyaabhishek

guru dronaachaarya ne apne shishyon ki shiksha poori hone par hastinaapur mein ek rangabhoomi ka aayojan karavaaya. rangabhoomi mein arjun vishesh dhanurvidya yukt shishya pramaanit hua. tabhi karn rangabhoomi mein aaya aur arjun dvaara kiye gaye karatabon ko paar karke use dvandvayuddh ke liye lalkaara. kab krupaachaarya ne karn ke dvandvayuddh ko asveekrut kar diya aur usase uske vansh aur saamraajya ke vishay mein poochha - kyonki dvandvayuddh ke niyamon ke anusaar keval ek Rajkumar hi arjun ko, jo hastinaapur ka Rajkumar tha, dvandvayuddh ke liye lalakaar sakta tha. tab kauravon me sabse jyeshth duryodhan ne karn ko angaraaj ghoshit kiya jisse vah arjun se dvandvayuddh ke yogya ho jaae. jab karn ne duryodhan se poochha ki vah usase iske badle mein kya chaahata hai, tab duryodhan ne kaha ki vah keval ye chaahata hai ki karn usaka mitr ban jaae.

is ghatna ke baad mahaabhaarat ke kuchh mukhya sambandh sthaapit hue, jaise duryodhan aur karn ke beech sudrudh sambandh banein, karn aur arjun ke beech teevr pratidvandvita aur paandavon tatha karn ke beech vaimanasya.

karn, duryodhan ka ek nishthaavaan aur sachcha mitr tha.

yadyapi vah baad mein duryodhan ko prasann karne ke liye dyootakreeda mein bhaageedaari karta hai, lekin vah aarambh se hi iske viruddh tha. karn shakuni ko pasand naheen karta tha aur sadaiv duryodhan ko yahi paramarsh deta ki vah apne shatruon ko paraast karne ke liye apne yuddh kaushal aur baahubal ka prayog kare na ki kutil chaalon ka. jab laakshaagruh mein paandavon ko maarane ka prayaas vifal ho jaata hai, tab karn duryodhan ko usaki kaayarata ke liye daaaintata hai aur kehta hai ki kaayaron ki sabhi chaalein vifal hi hoti hain aur use samajhaata hai ki use ek yoddha ke samaan kaarya karna chaahiye aur use jo kuchh bhi praapt karna hai, use apni veerata dvaara praapt kare. chitraangad ki Rajkumari se vivaah karne mein bhi karn ne duryodhan ki sahaayata ki thi. apne svayanvar mein usane duryodhan ko asveekaar kar diya aur tab duryodhan use balapoorvak utha kar le gaya. tab vahaaain upasthit anya raajaaon ne usaka peechha kiya, lekin karn ne akele hi un sabko paraast kar diya. paraast raajaaon mein jaraasandh, shishupaal, dantavakr, saalv aur rukmi ityaadi the. karn ki prashansa svaroop, jaraasandh ne karn ko magadh ka ek bhaag de diya. bheem ne baad mein shreekrushn ki sahaayata se jaraasandh ko paraast kiya lekin usase bahut pehle karn ne use akele paraast kiya tha. karn hi ne jaraasandh ki is durbalata ko ujaagar kiya tha ki usaki mrutyu keval uske dhad ko pairon se cheer kar do tukado me baaaint kar ho sakti hai.

udaarata aur charitra

hastinaapur sthit daanaveer karn ka mandir.

angaraaj banane ke pashchaat karn ne ye ghoshana curry ki din ke samay jab vah sooryadev ki pooja karta hai, us samay yadi koi usase kuchh bhi maangega to vah mana naheen karega aur maangane wala kabhi khaali haath naheen lautega. karn ki isi daanaveerata ka mahaabhaarat ke yuddh mein indr aur maata kunti ne laabh uthaaya.

mahaabhaarat ke yuddh ke beech mein karn ke senaapati banane se ek din poorv indr ne karn se saadhu ke bhesh mein usase uske kavach-kundal maaaing liye, kyonki yadi ye kavach-kundal karn ke hi paas rahate to use yuddh mein paraast kar paana asambhav tha aur indr ne apne putr arjun ki suraksha ko dhyaan mein rakhate hue karn se itna badee bhiksha maaaing li lekin daanaveer karn ne saadhu bhesh mein devaraaj indr ko bhi mana naheen kiya aur indr dvaara kuchh bhi varadaan maaaing lene par dene ke aashvaasan par bhi indr se ye kehte hue ki "dene ke pashchaat kuchh maaaing lena daan ki garima ke viruddh hai" kuchh naheen maaainga.

isi prakaar maata kunti ko bhi daanaveer karn dvaara yeh vachan diya gaya ki is mahaayuddh mein unke paaainch putr avashya jeevit raheinge aur vah arjun ke atirikt aur kisi paandav ka vadh naheen karega.

draupadi svayanvar

karn, draupadi ke svayanvar mein ek vivaah-prastaavak tha. anya pratidvandiyon ke vipreet, karn dhanush ko modne aur us par pratyanyacha chadha paane mein samarth tha, par jaise hi vah lakshya bhedan ke liye taiyaar hua, tab shreekrushn ke sanket par, draupadi ne karn ko soot-putr bolakar use aisa karne se rok diya. paandav bhi vahaaain braahman ke bhesh mein upasthit the. anya raajakumaaron aur raajaaon ke asafal rahane par arjun aage badha aur safalataapoorvak machhali ki aaainkh ka bhedan kiya aur draupadi ka haath jeet liya.[2] jab baad mein arjun ki pehchaan ujaagar hui to karn ki pratidvandvita ki bhaavana aur gahari ho gayi.

dyootakreedaa

karn kabhi bhi shakuni ki paandavon ko chhl-kapat se haraane ki yojanaaon se sahamat naheen tha. vah sada hi yuddh ke paksh mein tha aur sadaiv hi duryodhan se yuddh ka hi maarg chunane ka aagrah karta. yadyapi vah duryodhan ko prasann karne ke liye dyootakreeda ke khel mein sammilit hua, jo baad mein kukhyaat draupadi cheer haran ki ghatna mein faleebhoot hua.

jab shakuni chhl-kapat dvaara dyootakreeda mein yudhishthir se sab kuchh jeet gaya, to paandavon ki pataraani draupadi ko du:shaasan dvaara ghaseet kar raajasabha mein laaya gaya aur karn ke ukasaane par, duryodhan aur uske bhaaiyon ne draupadi ke vastr haran ka prayaas kiya. karn draupadi ka apamaan yeh kehkar karta hai ki jiske stri ka ek se adhik pati ho vah aur kuchh naheen balki veshya hoti hai.

usi sthaan par, bheem dvaara yeh pratijnyaa li jaati hai ki vah akele hi yuddh mein duryodhan aur uske sabhi bhaaiyon ka vadh karega. aur fir arjun, karn ka vadh karne ki pratijnyaa leta hai.

sainya abhiyaan

paandavon ke vanavaas ke dauraan, karn, duryodhan ko pruthvi ka samraat banaane ka kaarya apne haathon mein leta hai. karn dvaara deshbhar mein sainya abhiyaan chhede gaye aur usane raajaaon ko paraast kar unase ye vachan liye ki vah hastinaapur mahaaraaj duryodhan ke prati nishthaavaan raheinge anyatha yuddhon mein maare jaaegein. karn sabhi ladaaiyon mein safal raha. mahaabhaarat mein varnan kiya gaya hai ki apne sainya abhiyaanon mein karn ne kai yuddh chhede aur asankhya raajyon aur saamraajyon ko aajnyaaapaalan ke liye vivsh kar diya jinmein hain - kamboj, shak, keka‍aaya, avantaya, gandhaar, maadr, trigt, tangan, paanchaal, videh, suhmas, ang, vaang, nishaad, kaling, vats, ashamak, rishik aur bahut se anya jinmein mlechh aur vanavaasi log bhi hain.[3]

shreekrushn aur karn

shreekrushn karn ko samajhaate hue

duryodhan ke saath shaanti vaarta ke vifal hone ke pashchaat, shreekrushn, karn ke paas jaate hain, jo duryodhan ka sarvashreshth yoddha hai. vah karn ka vaastavik parichay use bataatein hai, ki vah sabse jyeshth paandav hai aur use paandavon ki or aane ka paraamarsh dete hain. Krishna use yeh vishvaas dilaate hain ki chuainki vah sabse jyeshth paandav hai, isliye yudhishthir uske liye raajasinhaasan chhod deinge aur vah ek chakravati samraat banega.

par karn in sabke baad bhi paandav paksh mein yuddh karne se mana kar deta hai, kyonki vah apne aap ko duryodhan ka rini samajhta tha aur use ye vachan de chuka tha ki vah marate dam tak duryodhan ke paksh mein hi yuddh karega. vah Krishna ko yeh bhi kehta hai ki jab tak ve paandavon ke paksh mein hain jo ki satya ke paksh mein hain, tab tak usaki haar bhi nishchit hai. tab Krishna kuchh udaas ho jaate hain, lekin karn ki nishtha aur mitrata ki prashansa karte hain aur usaka yeh nirnaya sveekaar karte hain aur use ye vachan dete hain ki usaki mrutyu tak vah usaki vaastavik pehchaan gupt rakheinge.

kavach-kundal ki kshati

devaraaj Indra karn ko apna shakti astr dete hue

arjun ke pita aur devaraaj indr ko is baat ka gyaan hota hai ki karn yuddhakshetr mein tab tak aparaajeya aur amar rahega jab tak uske paas uske kavach aur kundal raheinge, jo janm se hi uske shareer par the. isliye jab kurukshetr ka yuddh aasann tha, tab indr ne yeh thaani ki vah kavach aur kundal ke saath to karn ko yuddhakshetr mein naheen jaane deinge. unhonein ye yojana banaai ki vah madhyaahn mein jab karn soorya Dave ki pooja kar raha hota hai tab vah ek bhikshuk bankar usase uske kavach-kundal maaaing leingein. sooryadev indr ki is yojana ke prati karn ko saavdhaan bhi karte hain, lekin vah unhein dhanyavaad dekar kehta hai ki us samay yadi koi usase uske praan bhi maaaing le to vah mana naheen karega. tab sooryadev kehte hai ki yadi vah svavachanabaddh hai, to vah indr se unka amoghaastr maaaing le.

tab apni yojanaanusaar indradev ek bhikshuk ka bhesh banaakar karn se usaka kavach aur kundal maaaing lete hain. chetaae jaane ke baad bhi karn mana naheen karta aur harshapoorvak apna kavach-kundal daan kar deta hai. tab karn ki is daanapriyta par prasann hokar vah use kuchh maaaing lene ke liye kehte hain, lekin karn yeh kehte hue ki "daan dene ke baad kuchh maaaing lena daan ki garima ke viruddh he", mana kar deta hai. tab indr use apna shaktishaali astr vaasavi pradaan karte hai jiska prayog vah keval ek baar hi kar sakta tha. iske baad se karn ka ek aur naam vaikartan, pada, kyonki usane bina sankuchit hue apne shareer se apne kavach-kundal kaat kar daan de diye.

kunti aur karn

jab mahaabhaarat ka yuddh nikat tha, tab maata kunti, karn se bheint karne gayi aur use usaki vaastavik pehchaan ka gyaan karaaya. vah use bataati hain ki vah unka putr hai aur jyeshth paandav hai. vah usase kehti hain ki vah swayam ko 'kaunteya' (kunti putr) kahe naaki 'raadheya' (raadha putr) aur tab karn uttar deta hai ki vah chaahata hai ki saara sansaar use raadheya ke naam se jaane naaki kaunteya ke naam se.[4] kunti use kehti hain ki vah paandavon ki or ho jaae aur vah use raaja banaaegein. tab karn kehta hai ki bahut varsh poorv us rangabhoomi mein yadi unhonein use kaunteya kaha hota to aaj sthiti bahut bhinn hoti. par ab kisi bhi parivartan ke liye bahut der ho chuki hai aur ab ye sambhav naheen hai. vah aage kehta hai ki duryodhan usaka mitr hai aur us par bahut vishvaas karta hai aur vah uske vishvaas ko dhokha naheen de sakta. lekin vah maata kunti ko ye vachan deta hai ki vah arjun ke atirikt kisi aur paandav ka vadh naheen karega. karn aur arjun donon ne hi ek doosare ka vadh karne ka pran liya hota hai aur isliye donon mein se kisi ek ki mrutyu to nishchit hai. vah kehta hai ki unke koi bhi paaainch putr jeevit raheinge - chaar anya paandav aur usamein ya arjun mein se koi ek. karn apni maata se nivedan karta hai ki vah unke sambandh aur uske janm ki baat ko usaki mrutyu tak rahasya rakhe.

kunti, karn se ek aur vachan maaaingati hai ki vah naagaastr ka upayog keval ek baar kare. karn yeh vachan bhi kunti ko deta hai. parinaamasvaroop baad mein kurukshetr ke yuddh mein karn ek baar se adhik naagaastr ka prayog naheen kar paata.

mahaabhaarat ka yuddh

kurukshetr yuddh ko chitrit karti mahaabhaarat ki ek paandulipi.

mahaabhaarat ka yuddh aarambh hone se poorv, bheeshm ne, jo kaurav sena ke pradhaan senaapati the, karn ko apne netrutv mein yuddhakshetr mein bhaageedaari karne se mana kar diya. yadyapi duryodhan unase nivedan karta hai, lekin ve naheen maanate. aur fir karn dasvein din unke ghaayal hone ke pashchaat gyaarahavein din hi yuddhabhoomi mein aa paata hai.

terahave din ka yuddh

terahave din ke yuddh mein, kaurav sena ke pradhaan senaapati, guru dronaachaarya dvaara, yudhishthir ko bandi banaane ke liye chakravyooh/padmavyooh ki rachana ki gayi. paandav paksh mein keval Krishna aur arjun hi chakravyooh bhedan jaante the. lekin us din unhein trigt naresh-bandhu yuddh karte-karte chakravyooh sthal se bahut door le gaye. trigt, duryodhan ke shaasanaadheen ek raajya tha. arjun-putr abhimnyu ko chakravyooh mein keval pravesh karna aata tha, usase niklana naheen, jise usane tab suna tha jab vah apni maata ke garbh mein tha aur uske pita arjun usaki maata ko yeh vidhi samjha rahe the aur beech mein hi unhein neend aa gayi.

lekin jaise hi abhimnyu ne chakravyooh mein pravesh kiya, sindhu naresh - jayadrath ne pravesh maarg rok liya aur anya paandavon ko bheetar pravesh naheen karne diya. tab shatruchakr mein abhimnyu akela pad gaya. akela hone par bhi vah veerata se lada aur usane akele hi kaurav sena ke bade-bade yoddhaaon ko paraast kiya jinmein swayam karn, dron aur duryodhan bhi the. karn aur duryodhan ne guru dron ke nirdeshaanusaar abhimnyu ka vadh karne ka nirnaya liya. karn ne baan chalaakar abhimnyu ka dhanush aur rath ka ek pahiya tod diya jisse vah bhoomi par gir pada aur anya kauravon ne usapar aakraman kar diya. is yuddh mein abhimnyu maara gaya. yuddh samaapti par jab arjun ko ye pata lagta hai ki abhimnyu ke maare jaane mein jayadrath ka sabse bada haath hai to vah pratijnyaa leta hai ki agale din ka sooryaast hone se poorv vah jayadrath ka vadh kar dega anyatha agni samaadhi le lega.

chaudahavein din ki raatri

karn dvaara shakti astr se ghatotkach vadh

chaudahavein din ka yuddh avilkshan roop se sooryaast ke baad tak chalta raha aur bheemaputr ghatotkach, jo ardh-asur tha, kaurav senaaon ka bade paimaane par sanhaar karta raha. aamtaur par, asur raatri ke samay bahut adhik shaktishaali ho jaate hain. duryodhan aur karn ne veerata se usaka saamana kiya aur usase yuddh kiya. antat: jab yeh lagne laga ki usi raat ghatotkach saari kaurav sena ka sanhaar kar dega to, duryodhan ne karn se ye nivedan kiya ki vah kisi bhi prakaar se is samasya se chhutakaara dilaae. karn ko vivsh hokar shakti astr ghatotkach par chalaana pada. yeh astr devaraaj indr dvaara karn ko usaki daanaparaayanta ke sammaan svaroop diya gaya tha (jab karn ne apne kavach-kundal indr ko daan de diye the). lekin karn is astr ka prayog keval ek baar kar sakta tha, jiske baad yeh astr indr ke paas laut jaaega. is prakaar, shakti astr ka prayog ghatotkach par karne ke baad vah ise baad mein arjun par na kar saka.

satrahavaaain din

satrahavein din se pehle tak, karn ka yuddh arjun ke atirikt sabhi paandavon se hua. usane mahaabali bheem sahit in paandavon ko ek-par-ek ran mein paraast bhi kiya tha. par maata kunti ko diye vachanaanusaar usane kisi bhi paandav ka vadh naheen kiya.

satrahavein din ke yuddh mein aakhirkaar vah ghadi aa hi gayi, jab karn aur arjun aamne-saamane aa gaye. is shaanadaar sangraam mein donon hi baraabar the. karn ko uske guroo parashuraam dvaara vijay naamak dhanush bheint svaroop diya gaya tha, jiska pratiroop swayam vishvakarma ne banaaya tha. duryodhan ke nivedan par paandavon ke maama shalya, karn ke saarathi banane ke liye taiyaar hue. darasal arjun ke saarathi swayam shreekrushn the aur karn kisi bhi maamale mein arjun se kam na ho iske liye shalya se saarathi banane ka nivedan kiya gaya, kyonki unke andar ve sabhi gun the jo ek yogya saarathi mein hone chaahiye.

ran ke dauraan, arjun ke baan karn ke rath par lage aur usaka rath kai gaj peechhe khisak gaya. lekin, jab karn ke baan arjun ke rath par lage to usaka rath keval kuchh hi baalisht (hatheli jitni doori) door khiska. ispar shreekrushn ne karn ki prashansa ki. is baat par chakit hokar arjun ne karn ki is prashansa ka kaaran poochha, kyonki uske baan rath ko peechhe khiskaane mein adhik prabhaavashaali the. tab Krishna ne kaha ki karn ke rath par keval karn aur shalya ka bhaar hai, lekin arjun ke rath par to swayam ve aur hanumaan viraajamaan hai aur tab bhi karn ne unke rath ko kuchh baalisht peechhe khiska diya.

isi prakaar karn ne kai baar arjun ke dhanush ki pratyanyacha kaat di. lekin har baar arjun palak jhapakte hi dhanush par pratyanyacha chadha leta. iske liye karn arjun ki prashansa karta hai aur shalya se kehta hai ki vah ab samjha ki kyon arjun ko sarvashreshth dhanurdhar kaha jaata hai.

karn aur arjun ne daiveeya astron ko chalaane ke apne-apne gyaan ka poorn upayog karte hue bahut lamba aur ghamaasaan yuddh kiya. karn dvaara arjun ka sir dhad se alag karne ke liye "naagaastr" ka prayog kiya gaya. lekin shreekrushn dvaara sahi samay par rath ko bhoomi mein thoda sa dhainsa liya gaya jisse arjun bach gaya. isse "naagaastr" arjun ke sir ke theek oopar se uske mukut ko chhedata hua nikal gaya. naagaastr par upasthit ashvasena naag ne karn se nivedan kiya ki vah us astr ka dobaara upayog kare taaki is baar vah arjun ke shareer ko bedhata hua nikal jaae, lekin karn maata kunti ko diye vachan ka paalan karte hue us astr ke pun: prayog se mana kar deta hai.

dharati mein dhainse apne rath ke pahiye ko nikaalata karn.
arjun dvaara karnavadh

yadyapi yuddh gatirodhapoorn ho raha tha lekin karn tab ulajh gaya jab uske rath ka ek pahiya dharati mein dhains gaya (dharati maata ke shraap ke kaaran). vah apne ko daiveeya astron ke prayog mein bhi asamarth paata hai, jaisa ki uske guru parashuraam ka shraap tha. tab karn apne rath ke pahiye ko nikaalne ke liye neeche utarata hai aur arjun se nivedan karta hai ki vah yuddh ke niyamon ka paalan karte hue kuchh der ke liye usapar baan chalaana band kar de. tab shreekrushn, arjun se kehte hain ki karn ko koi adhikaar naheen hai ki vah ab yuddh niyamon aur dharm ki baat kare, jabki swayam usane bhi abhimnyu vadh ke samay kisi bhi yuddh niyam aur dharm ka paalan naheen kiya tha. unhonne aage kaha ki tab usaka dharm kahaaain gaya tha jab usane divya-janma (draupadi ka janm havanakund se hua tha) draupadi ko poori kuru raajasabha ke samaksh vaishya kaha tha. dyut-kreeda bhavan mein usaka dharm kahaaain gaya tha. isliye ab use koi adhikaar naheen ki vah kisi dharm ya yuddh niyam ki baat kare aur unhonne arjun se kaha ki abhi karn asahaaya hai (braahman ka shraap faleebhoot hua) isliye vah usaka vadh kare. shreekrushn kehte hain ki yadi arjun ne is nirnaayak mod par abhi karn ko naheen maara to sambhavat: paandav use kabhi bhi naheen maar sakeinge aur yeh yuddh kabhi bhi naheen jeeta ja sakega. tab, arjun ne ek daiveeya astr ka upayog karte hue karn ka sir dhad se alag kar diya. karn ke shareer ke bhoomi par girne ke baad ek jyoti karn ke shareer se nikli aur soorya mein samaahit ho gayi.

karn ki mrutyu ke pashchaat

yuddh samaapti ke pashchaat, mrutak logon ke liye antyeshti sanskaar kiye ja rahe the. tab maata kunti ne apne putron se nivedan kiya ki ve karn ke liye bhi saare mrutak sanskaaron ko karein. jab unhonne yeh kehkar iska virodh kiya ki karn ek sood putr hai, tab kunti ne karn ke janm ka rahasya khola. tab sabhi paandav bhaaiyon ko [[bhraatruhatya ke paap ke kaaran jhatka lagta hai. yudhishthir vishesh roop se apni maata par rusht hote hain aur unhein aur samast naari jaati ko ye shraap dete hain ki us samay ke baad se striyaaain kisi bhi bhed ko chhupa naheen paaengi.

yudhishthir aur duryodhan, donon karn ka antim sanskaar karna chaahate the. yudhishthir ka daava yeh tha ki chooainki ve karn ke kanisht bhraata hain isliye yeh adhikaar unka hai. duryodhan ka daava yeh tha ki yudhishthir aur anya paandavon ne karn ke saath kabhi bhi bhraatruvat vyavahaar naheen kiya isliye ab is samay is adhikaar ko jataane ka koi auchitya naheen hai. tab shreekrushn madhyasthata karatein hai aur yudhishthir ko yeh samajhaate hain ki duryodhan ki mitrata ka bandhan adhik sudrudh hai isliye duryodhan ko karn ka antim sanskaar karne diya jaae.

jab 18-din ka yuddh samaapt ho jaata hai, to shreekrushn, arjun ko uske rath se neeche utar jaane ke liye kehte hain. jab arjun utar jaata hai to ve use kuchh doori par le jaate hain. tab ve hanumaanaji ko rath ke dhvaj se utar aane ka sanket karte hain. jaise hi shri hanumaan us rath se utarate hain, arjun ke rath ke ashv jeevit hi jal jaate hain aur rath mein visfot ho jaata hai. yeh dekhkar arjun dahal uthata hai. tab shreekrushn use bataate hain ki pitaamah bheeshm, guru dron, karn aur ashvatthaama ke dhaatak astron ke kaaran arjun ke rath mein yeh visfot hua hai. yeh ab tak isliye surakshit tha kyonki us par swayam unki krupa thi aur shri hanumaan ki shakti thi jo rath ab tak in vinaashakaari astron ke prabhaav ko sahan kiye hue tha.

mahaayoddha

aaj bhi laakhon hinduon ke liye karn ek aisa yoddha hai jo jeevan bhar dukhad jeevan jeeta raha. use ek mahaan yoddha maana jaata hai, jo saahasik aatmabal yukt ek aisa mahaanaayak tha jo apne jeevan ki pratikool sthitiyon se joojhata raha.

vishesh roop se karn apni daanapriyta ke liye prasiddh hai. vah is baat ka udaaharan bhi hai ki kis prakaar anuchit nirnaya kisi vyakti ke shreshth vyaktitv aur uttam gunon ke rahate hue bhi kisi kaam ke naheen hote. karn ko kabhi bhi vah naheen mila jiska vah adhikaari tha, par usane kabhi bhi prayaas karna naheen chhoda. bheeshm aur Bhagwan Krishna sahit karn ke samakaaleenon ne yeh sveekaar kiya hai ki karn ek punyaatma hai jo bahut virle hi maanav jaati mein prakat hote hain. vah sangharsharat maanavata ke liye ek aadarsh hai ki maanav jaati kabhi bhi haar na maane aur prayaasarat rahe.

arjun se tulana

karn aur arjun mein bahut si samaanataaeain hain.[5] donon hi apne samay ke sarvashreshth dhanurdhar the, donon ne hi draupadi ka haath jeetne ke liye pratiyogita mein bhaageedaari ki aur donon ko apne bhaaiyon ke viruddh yuddh mein ladna pada. ek aur gahra sanyojan yeh ki donon hi kauravon se niktata se jude hue the, karn mitrataavat aur arjun raktarat. unke nirnaya aur tadnuroop iske un par aur unke parivaaon par padne vaale parinaamon par is baat ke liye bal diya jaata hai ki apne kartavyon ka paalan karne ka kya mahatva hai, jaisa ki bhagavad geeta mein Bhagwan Krishna dvaara bataaya gaya hai.

karn ek aise vyaktitv ka udaaharan hai jo guni, daanaveer, nyaayapriya aur saahasi tha lekin fir bhi usaka patan hua kyonki vah adharmi duryodhan ke prati nishthaavaan tha. karn mein ve paaaincho gun the jo draupadi ne apne var ke roop mein mahaadev se maaainge the, keval ek ko chhodkar aur vah tha duryodhan se ghanishth mitrata.

arjun va karn me samaanataaeain aur vishmataaeain dono hi thi. arjun ko aarambh se hi sukh, sampati aur maatruprem mil jabaaki karn ko har vastu praapt karni padi. arjun ke paas har vo vastu thi jo uske viji banaati lekin karn sarvatha akela tha. apni sachchaai ke kaaran hi use saare abhishaap mile jise usane natmastak ho kar sveekaar kiya.

karn ki chhavi par prashvachihn

duryodhan ke prati karn ke sneh ke kaaran, yadyapi anichhuk roop se, usane apne priya mitr ke paandavon ke prati sabhi kukarmon mein usaka saath diya. karn ko paandavon ke prati duryodhan ki durbhaavanaapoorn yojanaaon ka gyaan tha. use yeh bhi gyaan tha ki asat ke liye sat se takaraane ke kaaran usaka patan bhi nishchit hai. jabki kuchh logon ka yeh maanana hai ki kuru raajasabha mein draupadi ke liye 'vaishya' shabd ka upayog karke karn ne apne naam par swayam kaalikh pot li thi, vaheen kuchh anya logon ka maanana hai ki vah apne is krutya mein sahi tha, kyonki pehle draupadi ne use apne svayanvar mein 'soot putr' kehkar usaka apamaan kiya tha taaki vah uske svayanvar mein pratiyogi na ban sake. fir bhi, abhimnyu ke maare jaane mein karn ki bhoomika aur ek yoddha se anek yoddhaaon ke ladne ke kaaran uske ek mahaayoddha hone ki chhavi ko kaheen adhik kshati pahuainchi aur fir usi yuddh mein usaki bhi vahi gati hui. mahaabhaarat ki kuchh vyaakhyaayon ke anusaar, yahi vah krutya tha jisne bhali prakaar se ye pramaanit kar diya ki karn yuddh mein adharm ke paksh mein lad raha hai aur is krutya ke kaaran uske is durbhaagya ka bhi nirdhaaran ho gaya ki vah bhi arjun dvaara isi prakaar maara jaaega jab vah shastraastr heen aur rathaheen ho aur usaki peeth arjun ki or ho. karn ke paas satrahavein din ke yuddh mein arjun ka vadh karne ka poora avsar tha lekin yuddh niyamon ka paalan karte hue usane arjun par baan naheen chalaaya kyonki tab tak sooryadev ast ho chuke the.

karn ki mrutyu ke kaarak

karn ki mrutyu ke sambandh mein nimnalikhit kaarak ginaae ja sakte hain:
1. karn ki mrutyu ka sarvapratham kaarak to swayam rishi durvaasa hi hain. kunti ko yeh varadaan dete samay ki vah kisi bhi Dave ka aahvaan karke unase santaan praapt kar sakti hai, is varadaan ke parinaam ke baare mein naheen bataaya. isliye, kunti utsukata vash sooryadev ka aahvaan karti hai aur yeh dhyaan naheen rakhateen ki vivaahapoorv iske kya parinaam ho sakte hain aur varadaanaanusaar sooryadev kunti ko ek putr dete hain. lekin lok-laaj ke bhaya se kunti is shishu ko gangaaji mein baha deteen hai. tab karn, mahaaraaj dhrutaraashtr ke saarathi adhirth aur unki patni raadha ko milta hai ve usaka laalan-paalan karte hai aur is prakaar karn ki kshatriya pehchaan nishedh kar di jaati hai. karn, na ki yudhishthir ya duryodhan, hastinaapur ke sinhaasan ka vaastavik adhikaari tha, lekin yeh kabhi ho na saka kyonki usaka janm aur pehchaan gupt rakhe gaye.

2. devaraaj indr jinhonne bichhoo ke roop mein karn ki kshatriya pehchaan uske guru ke saamane la di aur apni pehchaan ke sambandh mein apne guru se mithyaabhaashan ke kaaran (jiske liye karn swayam doshi naheen tha kyonki use swayam apni pehchaan ka gyaan naheen tha) uske guru ne use sahi samay par usaka shastraastr gyaan bhool jaane ka shraap de diya.

3. gaaya vaale braahman ka shraap ki jis prakaar usane ek asahaaya aur nirdosh pashu ko maara hai usi prakaar vah bhi tab maara jaaega jab vah sarvaadhik asahaaya hoga aur usaka dhyaan apne shatru se alag kisi anya vastu par hoga. isi shraap ke kaaran arjun use tab maarta hai jab uske rath ka pahiya dharati mein dhains jaata hai aur usaka dhyaan apne rath ke pahiye ko nikaalne mein laga hota hai.

4. dharati maata ka shraap ki vah niyat samay par uske rath ke pahiye ko kha jaaegeen aur vah apne shatruon ke saamane sarvaadhik vivsh ho jaaega.

5. bhikshuk ke bhesh mein devaraaj indr ko, karn dvaara apni lokaprasiddh daanapriyta ke kaaran apne shareer par chipke kavach kundal daan mein de dena.

6. 'shakti astr' ka ghatotkach par chalaana, jiske kaaran vah vachanaanusaar doosari baar is astr ka upayog naheen kar sakta tha.

7. maata kunti ko diye vachanaanusaar 'naagaastr' ka doosari baar prayog na karna.
8. maata kunti ko diye do vachan.
9. mahaaraaj aur karn ke saarathi paandavon ke maama shalya, jinhonne satrahavein din ke yuddh mein arjun ki yuddh kala ki prashansa karke karn ka manobal gira diya.

10. yuddh se kuchh din poorv jab karn ko yeh gyaat hota hai ki paandav uske bhaai hain to unke prati usaki saari durbhaavana samaapt ho gayi, par duryodhan ke prati nishth hone ke kaaran vah paandavon (arthaat apne bhaaiyon) ke viruddh lada. jabki karn ki mrutyu hone tak paandavon ko yeh naheen pata tha ki karn unka jyeshth bhaai hai.

11. abhimnyu vadh mein karn ki nakaaraatmak bhoomika.

12. draupadi ka apamaan karna.

13. shreekrushn dvaara arjun ko yeh aadesh dena ki vah karn ka vadh kare jabki vah apne rath ke dhainse pahiye ko nikaal raha hota hai.

14. bheeshm pitaamah, kyonki unhonne apne senaapatitv mein karn ko ladne ki aajnyaa naheen di.

15. guru dron, kyonki unhonne karn ko apna shishya sveekaar naheen kiya.

16. sooryadev jo satrahavein din ke yuddh mein tab ast ho gaye jab karn ke paas arjun ko maarane ka poora avsar tha.

17. daiveeya astron se yukt arjun.

18. kulaguru krupaachaarya, jinhonne karn ko arjun se yuddh bhoomi mein kamtar hone ki anubhooti karaai.

19. devendr, jinhonne arjun ko bahut se divyaastr diye the.

20. vishvakarma ka arjun ko diya gaya 'gaandeev'.

21. Bhagwan Shiv ka arjun ko diya gaya pashupati astr.

22. duryodhan ki maata gaandhaari ka karn ko yuddh ke liye vijyashri ka aasheervaad na dena.

inhein bhi dekhein

pauraanik-chirkaalik sandarbh

sandarbh

baahari kadiyaaain