kannoor

kannoor
shahar
samay mandal: IST (UTC+5:30)
desh Flag of India.svg Bhaarat
raajya Kerala
jila kannoor
janasankhya 63,795 (2001 tak )
aadhikaarik jaalasthal: www.kannur.nic.in

Erioll world.svgnirdeshaank: 11°a52′a08″aN 75°a21′a20″aE / 11.8689°aN 75.35546°aE / 11.8689; 75.35546 kannoor Kerala ke uttari sir mein sthit ek chhota lekin behad khoobsoorat tatavarti nagar hai. shahari bhaagadaud se pareshaan ho chuke paryatakon ko kannoor kaafi raas aata hai. praakrutik sundarata se paripoorn is nagar ke pashchimi tat par faile ret ko lakshadveep saagar choomata hai aur tat ke doosari taraf oonche-oonche taad ke ped vaataavaran ko aur manoram banaate hain. saanskrutik viraasat aur kala se sampann is nagar se anek kisse jude hue hain. maana jaata hai ki raaja soloman ka jahaaj mandir banavaane hetu lakadiyaan ekatrit karne yaheen aaya tha. yahaan ki thayyam nrutya parampara vishv prasiddh hai. ateet ki yaad dilaati yahaan ki anek imaaratein jaise masjid, mandir aur church apni kahaani swayam kehte prateet hote hain.

anukram

aakarshan

sent enjilo fort

kannoor kile ke roop mein vikhyaat is kile ka nirmaan 1505 E. mein pratham purtagaali vaayasaraaya Don fraansisko di alameeda dvaara banavaaya gaya tha. purtagaaliyon ke baad is kile par dachon ko niyantran ho gaya, uske baad angrejon ne is par adhikaar kar liya. maalaabaar mein angrejon ka yeh pramukh sainya thikaana tha. vartamaan mein yeh kila bhaarateeya puraataatvik sarvekshan ke adheen hai aur yahaan se mappila be fishing haarbar ke sundar drushya dekhe ja sakte hain. yeh kila kannoor se 3 kimi. ki doori par hai.

madaayi masjid

Kannur City Centre on Fort Road
Shenoy Centre on Fort Road
Saint Angelo Fort, Kannur.

is khoobsoorat praacheen masjid ka nirmaan 1124 E. mein muslim upadeshak malik iban deenaar ne karavaaya tha. maana jaata hai ki masjid ke safed rang ke block ko iske sansthaapak dvaara makka se laaya gaya tha. malik iban deenaar dhaarmik upadesh dene ke liye Bhaarat aae the. masjid ke nikat hi Mysore ke shaasak teepoo sultaan dvaara banavaaya gaya ek kila hai. yeh kila ab kshatigrast ho chala hai.

payamaballam beech

yeh beech Kerala ke sabse khoobsoorat beechon mein ek hai. svadeshaabhimaani ke raamaakrushn pilla, A ke ji aur chadaayan govindan jaise raashtravaadi netaaon ne yahaan aaraam kiya tha. yeh beech kannoor kile ke sameep sthit hai. is beech ki khoobsoorti deshi paryatakon ke saath videshi sailaaniyon ko bhi aakarshit karti hai. beech ke saath hi ek park bana hua hai jismein 18 feet lambi aur 15 feet oonchi moorti bani hui hai. bachchon ke manoranjan ke liye bhi yahaan ek park bana hua hai.

mujupilangad beech

4.5 kimi. lambe is beech ki sabse badi khaasiyat yeh hai ki yahaan aasaani se draaiving ki ja sakti hai. gaadiyon ke pahiye is beech ke ret mein naheen fansate. yeh beech moitoo brij tak faila hua hai aur ise tairaaki priya logon ka svarg kaha jaata hai. beech kannoor ke dakshin disha se 15 kimi. ki doori par hai. jalakreedaaon ki anek gatividhiyon ka yahaan aanand liya ja sakta hai.

thalassari kila

itihaas ke anek utaar-chadhaav ka gavaah yeh kila paryatakon ko kaafi pasand aata hai. thalassari nagar ke thiroovallapad hil par yeh kila bana hua hai jo dakshini kannoor se 20 kimi. door hai. is kile ka nirmaan british East India company ne 1708 E. mein karavaaya tha. laal iton se bana yeh kila do ekad kshetr mein faila hua hai. angrej is kile ka upayog takasaal aur kaaraagaar ke taur par karte the. haidar Ali ki sena ke anek netaaon ko yahaan kaid kiya gaya tha. kile ke nikat hi sent John church hai, jahaan Edward brennan ne aaraam kiya tha.

ijeemaala

ijeemaala pahaadiyaan aur beech kannoor ki uttari seema par sthit hai. kannoor se 50 kimi. door in pahaadiyon mein durlabh jadi-bootiyaan pai jaati hain. yahaan mount deli laaitahaaus bhi bana hua hai jiski dekhbhaal nausena dvaara ki jaati hai. laaitahaaus pratibandhit kshetr mein hai aur sailaaniyon ko yahaan jaana mana hai. yahaan ke beech ki ret anya beechon se alag hai, saath hi yahaan ka paani anya sthaanon se adhik neela hai. yahaan ki etteekulam khaadi mein daulfinon ko dekha ja sakta hai.

araalam vanya jeev abhyaaranya

yeh shaant aur vishaal abhyaaranya pashchimi ghaat ke dhalaan par sthit hai. ushnakatibandheeya pedon se ghir is abhyaaranya mein jeev jantuon ki anek durlabh prajaatiyon ko dekha ja sakta hai. hirn, haathi, bor aur bisn aadi pashuon ke jhund yahaan saamaanyat: dekhe ja sakte hain. saath hi teindue, jangali billi, gilhariyon ki vividh prajaatiyaan aur lagbhag 160 durlabh pakshiyon ki prajaatiyon yahaan dekhi ja sakti hain. yeh abhyaaranya thalessari railway station se 35 kimi. door hai.

arakkal mahal

yeh mahal kannoor nagar se 2 kimi. door hai. arakkal ki raani ya beebi ko yeh mahal samarpit hai. Kerala ke ekamaatr muslim shaahi parivaar se sambandh rakhane wala yeh kila aitihaasik drushti se kaafi mahatvapoorn hai. is muslim parivaar ke niyantran mein tateeya ilaake aur lakshadveep the.

snek park

yeh park Kerala mein is tarah ka ekamaatr park hai. saanpon ke liye yahaan teen gart hain. 15 sheeshon ka case saanpon ke liye hai aur do vishaal vishaal glaas house King kobara ke liye yahaan hain. har ghante yahaan saapon ki pradarshani lagti hai jise dekhne badi sankhya mein log aate hain. yeh park pratidin subah 9 baje se shaam 5:30 baje tak khula rahata hai.

aavaagaman

vaayu maarg

kojeekod ka kareepur vimaanakshetr yahaan ka najadeeki airport hai. yeh airport dakshini kannoor se 93 kimi. ki doori par hai.

rel maarg

kannoor ka railway station shorapur- mangalaur relalaain par sthit dakshin Bhaarat ka mahatvapoorn railway station hai. yeh railway station desh ke anek bade shaharon se juda hua hai.

sadak maarg

Kerala aur aaspaas ke raajyon ke anek shaharon se sadak maarg ke dvaara aasaani se kannoor pahuncha ja sakta hai. raajya parivhan ki niyamit bas sevaaen ise anya shaharon se jodti hain.

sandarbh

baahari kadiyaaain