kamal mandir (bahaai upaasana mandir)

bahaai upaasana sthal
kamal mandir
New Delhi Lotus.jpg
saamaanya vibran
prakaar upaasana sthal
vaastukala shaili abhivyanjanaatmak
sthaan nai Delhi, Bhaarat
nirmaan sampann 1986
suruvaat December, 1986
praavidhik vivran
sanrachanaatmak pranaali kankreet ka dhaancha aur poorv dhali khaanchit chhat flak
yojana evam nirmaan
vaastukaar freebarj sahaba
sanrachanaatmak abhiyaanta flint evam neeyal

kamal mandir, Bhaarat ki rajdhani Delhi ke Nehru place ke paas sthit ek bahaai upaasana sthal hai. yeh apne aap mein ek anootha mandir hai. yahaaain par na koi moorti hai aur na hi kisi prakaar ka koi dhaarmik karm-kaand kiya jaata hai, iske vipreet yahaaain par vibhinn dharmon se sambandhit vibhinn pavitra lekh padhe jaate hain. Bhaarat ke logon ke liye kamal ka fool pavitrata tatha shaanti ka prateek hone ke saath ishvar ke avataar ka sanket chinh bhi hai. yeh fool keechad mein khilne ke baavajood pavitra tatha svachh rahana sikhaata hai, saath hi yeh is baat ka bhi dyotak hai ki kaise dhaarmik pratispardha tatha bhautik poorvaagrahon ke andar rah kar bhi, koi vyakti in sabse anaasakt ho sakta hai. kamal mandir mein pratidin desh aur videsh ke lagbhag aath se das hajaar paryatak aate hain. yahaaain ka shaant vaataavaran praarthana aur dhyaan ke liye sahaayak hai.

kamal mandir, din mein
mandir ka door se liya chitr

mandir ka udghaatan 24 December 1986 ko hua lekin aam janta ke liye yeh mandir 1 January 1987 ko khola gaya. iski kamal sadrush aakruti ke kaaran ise kamal mandir ya lotus teinpal ke naam se hi pukaara jaata hai. bahaai upaasana mandir un mandiron mein se ek hai jo gaurav, shaanti evam utkrushth vaataavaran ko jyotirmaya karta hai, jo kisi bhi shraddhaalu ko aadhyaatmik roop se protsaahit karne ke liye ati aavashyak hai. upaasana mandir media prachaar prasaar aur shravya maadhyamon mein aagantukon ko soochanaaen pradaan karta hai. mandir mein paryatakon ko aarkisht karne ke liye vistrut ghaas ke maidaan, safed vishaal bhavan, oonche gunbad wala praarthanaagaar aur pratimaaon ke bina mandir se aakarshit hokar hajaaron log yahaan maatr darshak ki bhaanti naheen balki praarthana evam dhyaan karne tatha nirdhaarit samay par hone waali praarthana sabha mein bhaag lene bhi aate hain. yeh vishesh praarthana har ghante par paanch minute ke liye aayojit ki jaati hai. garmiyon mein soochana kendra subah 9:30 baje khulata hai, jo shaam ko 6:30 par band hota hai. jabki sardiyon mein iska samay subah das se paanch hota hai. itna hi naheen log upaasana mandir ke pustakaalaya mein baith kar dharm ki kitaabein bhi padhte hain aur unapar shodh bhi karne aate hain.

sthaapatya

mandir ka sthaapatya vaastukaar freebarj sahaba ne taiyaar kiya hai. is mandir ke nirmaan ke baad aisi jagah ki jaroorat mahasoos hui, jahaaain par sabhi jijnyaaasuyon ke prashnon ka sahajata se uttar diya ja sake. tab soochana kendra ke gathan ke baare mein nirnaya liya gaya. soochana kendra ke nirmaan mein kareeb paanch saal ka samay laga. isko March 2003 mein jijnyaaasuon ke liye khola gaya. soochana kendra mein mukhya sabhaagaar hai, jismein kareeb 400 log ek saath baith sakte hain. iske atirikt do chhote sabhaagaar bhi hain, jismein kareeb 70 seatein hai. soochana kendra mein logon ko bahaai dharm ke baare mein jaankaari bhi di jaati hai. iske saath hi aagantukon ko lotus teinpal ki jaankaari di jaati hai. is mandir ke saath vishvabhar mein kul saat bahaai mandir hai. jald hi aathavaaain mandir bhi banane wala hai. bhaarateeya upamahaadveep mein Bhaarat ke kamal mandir ke alaava chhah mandir epiya-pashchimi samoaa, Sydney-Australia, kanpaala-yoogaanda, panaama city-panaama, frainkafart-Germany aur vilmaaaint- sanyukt raajya America mein bhi hain. pratyek upaasana mandir ki kuchh buniyaadi rooparekhaaeain milti julati hai to kuchh apne apne deshon ki saanskrutik pahachaanon ko darshaate hue bhinn bhi hain. is drushti se yeh mandir 'anekata mein ekta' ke siddhaant ko yathaarth roop deta hain. in sabhi mandiron ki saarvalaukik vilkshanata hai - iske nau dwaar aur nau kone hain. maana jaata hai ki nau sabse bada ank hai aur yeh vistaar, ekta evam akhandata ko darshaata hai. upaasana mandir chaaron or se nau bade jalaashayon se ghira hai, jo na sirf bhavan ki sundarata ko badhta hai balki mandir ke praarthanaagaar ko praakrutik roop se thanda rakhane mein bhi mahatvapoorn yogadaan karte hai. bahaai upaasana mandir un mandiron mein se hai jo gaurav shaanti evam utkrusht vaataavaran ko jyotirmaya karta hai. upaasana mandir media prachaar prasaar aur shravya maadhyamon mein aagantukon ko soochanaaeain pradaan karta hai. subah aur shaam ki laalima mein safed rang ki yeh sangamaramari imaarat adbhut lagti hai. kamal ki pankhudiyon ki tarah khadi imaarat ke chaaron taraf lagi doob aur hariyaali ise ise kolaahal bhare ilaake mein shaanti aur taajagi dene wala banaati hain.

sandarbh