kamal Hassan

kamal Hassan
Kamal Haasan at Promotions of 'Vishwaroop' with Videocon (03).jpg
janm naam kamal Hassan
janm (1954-11-07) November 7, 1954 (aayu 61 varsh)
भारत Paramakudi, Madras State, India
vyavasaaya abhineta
kaaryakaal 1959 - vartamaan
jeevanasaathi vaani ganapati
(1978-1988)
Sarika
(1988-2002)
Domestic partner(s) Gouthami Tadimalla
(2004-present)

kamal Hassan (janm 7 November 1954 ko paramakudi, Madras raajya, Bhaarat mein) ek bhaarateeya film abhineta, patakatha lekhak aur film nirmaata, bhaarateeya cinema ke pramukh, kirdaar ko jeene vaale abhinetaaon mein se ek maane jaate hain.[1][2] kamal Hassan, raashtreeya film puraskaar aur filmafeyar puraskaar sahit kai bhaarateeya film puraskaaron ke vijeta ke taur par jaane jaate hain aur unhein sarvashreshth videshi bhaasha film ke liye academy puraskaar pratiyogita mein Bhaarat dvaara prastut sarvaadhik filmon vaale abhineta hone ka gaurav praapt hai. abhinay aur nirdeshan ke alaava, ve ek patakatha lekhak, geetkaar, paarshv gaayak aur koriyograafar hain. unki film nirmaan company, Rajkamal international ne unki kai filmon ka nirmaan kiya.


ek baal kalaakaar ke roop mein kai pariyojanaaon ke baad, naayak ke roop mein kamal Hassan ko safalta, 1975 ki naatakeeya film apoorv raagangal se mili, jismein unhonne ek umr mein badi mahila ke saath pyaar karne vaale akkhad yuva ki bhoomika nibhaai thi. 1982 ki film moonraam piri hetu unhonne ek nishkapat school shikshak ke kirdaar mein apne abhinay ke liye pehli baar bhaarateeya raashtreeya film puraskaar praapt kiya, jo apni yaaddaasht khone waali bachchon jaisi yuvati ki dekhbhaal karta hai. mani ratnam ki gaud-faadaranuma naayakan (1987) film mein vishesh roop se unke abhinay ki saraahana hui, jise time patrika ne sadaabahaar sarvashreshth filmon mein se ek hone ka darja diya.[3] tab se unhonne kai ullekhaneeya filmon mein, yatha unheen ki nirmiti he Ram tatha veerumaandi aur saath hi, das vibhinn bhoomikaaon mein abhineet sarvashreshth kruti dashaavataaram mein kaam kiya.


anukram

jeevan-vrutt

praarambhik kairiyr: 1960 dashak - 1970 dashak ka poorvaardh

kamal Hassan ne 6 varsheeya baal kalaakaar ke taur par, A. bheemasinh dvaara nirdeshit kalattoor kannamma se film-jagat mein apna pehla kdam rakha, jo 12, August, 1959 ko pradarshit hui. is film mein unhein diggaj tamil abhineta jemini Ganeshan ke saath abhinay ka mauka mila, jiske liye unhonne sarvashreshth baal kalaakaar ke liye raashtreeya film puraskaar jeeta.[4] iske baad shivaaji Ganeshan aur M.ji. Ramchandran ke saath unhonne baal kalaakaar ke roop mein paanch anya tamil filmon mein kaam kiya.


apni shiksha par dhyaan keindrit karne aur saath hi karaate aur bharatanaatyam seekhane ke liye, filmon se nau saal ke antaraal ke baad, 1972 mein kamal Hassan ne kam bajat ki filmon ki shrrunkhala ke saath vaapasi ki, jahaan sabhi mein unhonne sahaayak bhoomikaaen nibhaain. in filmon mein shaamil hain shivkumaar abhineet arangetram aur sollataan ninikiren . swayam ko ek pramukh abhineta ke roop mein sthaapit karne se poorv ve sahaayak kirdaar mein antim baar naan avanillai mein nazar aae.[5]


1970 dashak ka uttaraardh - 1980 dashak

kamal Hassan ne malayalam film kanyaakumaari (1974) mein apni bhoomika ke liye, pehli baar abhinay hetu kshetreeya filmafeyar puraskaar haasil kiya. agale chaar varshon mein, unhonne sarvashreshth abhineta ke taur par chhah kshetreeya filmafeyar puraskaar jeete, jinmein lagaataar chaar baar haasil sarvashreshth tamil abhineta puraskaar shaamil hain. unhonne nirdeshak ke. baalachandar ki film apoorv raagangal mein abhinay kiya, jismein rishte mein shaamil umr ke antar ki gaveshana ki gayi thi. 1970 dashak ke uttaraardh mein kamal Hassan lagaataar ke. baalachandar ki filmon se jude, jinhonne unako avaragal (1977) jaise saamaajik-prakaranon par aadhaarit filmon mein kaam karne ka mauka diya.[6] is film ke liye kamal Hassan ne apna pehla filmafeyar sarvashreshth tamil abhineta puraskaar jeeta.[7] 1976 mein, kamal Hassan ne Rajnikant aur shreedevi ke saath ke. baalachandar ki ek aur film moonru mudichu, tatha manamad leelai evam oru ootappu kan simitukirudu mein kaam kiya, jiske liye unhonne lagaataar doosari baar sarvashreshth abhineta ka puraskaar jeeta. 16 vayadinile ke liye kram se unhein teesari baar puraskaar mila, jahaan ve ek maanasik roop se beemaar graameen ki bhoomika mein nazar aae aur jismein ek baar fir unke saath Rajnikant aur shreedevi the.[7] unhein lagaataar chautha puraskaar sigppu rojaakal ke liye mila, jismein unhonne ek khlanaayak ki bhoomika nibhaai, jo ek manorogi yaun hatyaara hai. sattar ke dashak ke uttaraardh mein, kamal Hassan ne ninaittaale inikkum jaisi haasya aur neeya jaisi daraavani filmon mein nazar aae.

abhinetri shreedevi ke saath kamal Hassan ki jodi 1980 mein guru aur varumayin nirm sigppu ke saath jaari rahi. kamal Hassan ne Rajnikant ki film tillu mullu jaisi filmon mein chhoti-si atithi bhoomikaaen bhi nibhaain; Rajnikant isse pehle kamal Hassan ki kuchh filmon mein nazar aae the. kamal Hassan ke kairiyr ki 100 film 1981 ki raaja paaravai thi, jisne film nirmaan ki disha mein unka pehla kdam ankit kiya. cinemagharon mein is film ke apekshaakrut thande svaagat ke baavajood, ek andhe vaayalin vaadak ki bhoomika mein apne behatareen abhinay se unhonne filmafeyar puraskaar arjit kiya.[8] bataur naayak unki agali bhoomika thi, hindi bhaasha ki unki pehli film ek dooje ke liye mein. yeh ke. baalachandar dvaara nirdeshit unki pichhli telugu bhaasha ki film maro charitra ka roopaantaran tha. vaanijyik pradhaan filmon mein abhinay ke ek saal baad, kamal Hassan ne baaloo Mahendra ki moonraam piri mein maanasik beemaari se grast baalika ki dekhbhaal karne vaale school shikshak ki bhoomika ke liye apne teen sarvashreshth abhineta ke liye raashtreeya puraskaaron mein se pehla puraskaar jeeta, jis kirdaar ko uske hindi roopaantaran sadama mein unhonne doharaaya.[7] 1983 mein, kamal Hassan ne toongaade tanbi toongaade mein dohari bhoomika nibhaai.

1985 tak, kamal Hassan ne kai hindi bhaasha ki filmon mein abhinay kiya, jinmein saagar bhi shaamil hai, jiske liye unhein filmafeyar sarvashreshth abhineta puraskaar aur sarvashreshth sahaayak abhineta puraskaar, donon se sammaanit kiya gaya aur ve ek hi film ke liye donon puraskaar jeetne vaale pehle abhineta bane. saagar mein unhonne rishi Kapoor ke saath aisa kirdaar nibhaaya, jahaan donon ek hi yuvati ko chaahate hain, par antat: kamal Hassan use kho baithate hain. kamal Hassan girftaar mein bhi dikhaai diye. unhonne tamil cinema ki pehli shrrunkhala jaapaanil kalyaanaraaman mein kaam kiya, jo unki pichhli film kalyaanaraaman ke baad bani aur saath hi shivaaji Ganeshan tatha Rajnikant ke saath uruvangal maaralaam mein bhi sah-bhoomika nibhaai.


1980 ke madhya mein, kamal Hassan ne nirdeshak kaasheenaathuni vishvanaath ke saath do telugu bhaasha ki filmein, saagar sangamam aur svaati mutyam mein kaam kiya. inmein baad ki film ne, 1986 mein sarvashreshth videshi bhaasha film ke liye academy puraskaar hetu Bhaarat ka pratinidhitv kiya.[7] jahaan pehli waali film mein kamal Hassan ne ek sharaabi shaastreeya nartak ki bhoomika nibhaai, vaheen svaati mutyam mein ek svaleen vyakti ka kirdaar nibhaaya, jo samaaj ko badalne ka prayaas karta hai. punnagai mannan, jismein unhonne Charlie chaipalin par ek vyangya sahit dohari bhoomikaaen nibhaain aur yaaddaasht khone vaale kirdaar mein vetri vila ke baad kamal Hassan mani ratnam ki 1987 ki film naayakan mein dikhaai diye. naayakan mein Mumbai ke aparaadh jagat ke ek Don ka jeevan ka chitrit kiya gaya. kahaani aparaadh jagat ke varadaraajan mudaliyaar naamak Don ke vaastavik jeevan ke aas-paas ghoomti hai, jismein Mumbai mein base dakshin bhaarateeya logon ke sangharsh ka sahaanubhootipoorn chitran kiya gaya.[7] kamal Hassan ko unke abhinay ke liye bhaarateeya raashtreeya puraskaar mila tatha 1987 mein naayakan sarvashreshth videshi bhaasha film ke liye academy puraskaar hetu Bhaarat ki pravishti ke roop mein naamit ki gayi aur saath hi, time ke sheersh 100 filmon ki soochi mein bhi shaamil hui. 1988 mein, kamal Hassan ab tak ki unki ekamaatr mook film pushpak mein dikhaai diye, jo ek black kaumadi hai.[7] 1989 mein, apoorv sahodarangal mein kamal Hassan ne ek saath teen bhoomikaaen nibhaain. is vyaavasaayik film mein ve ek bauna ke kirdaar mein nazar aae.[7] baad mein unhonne indrudu chandrudu aur usaki tamil mein punarnirmit film mein dohari bhoomikaaen nibhaane ka prayaas kiya, jismein apne behatareen abhinay ke liye kshetreeya sarvashreshth abhineta puraskaar jeeta.

1990 dashak

1991 mein, Michael madan kaamaraajan ke saath kamal Hassan ek kdam aage badhe, jismein unhonne chaar ek saath janm lene vaale bachchon ki alag bhoomikaaen nibhaain, tatha is film ke saath hi kamal Hassan aur samvaad lekhak kreji mohan ke beech Comedy filmon ke liye satat sahayog shuroo ho gaya.[9] kamal Hassan ne guna aur tevar magan mein apne abhinay ke liye lagaataar sarvashreshth abhineta puraskaar jeete, jismein unhonne abhineta shivaaji Ganeshan ke bete ki bhoomika nibhaai. singaaravelan, mahaaraasan aur kalaijnyaaan jaisi filmon ke baad, kamal Hassan ne angreji film shi devil par aadhaarit sati leelaavati jaisi haasya filmon mein aur saath hi, kaasheenaathuni vishvanaath ke saath unki ab tak ki telugu bhaasha ki antim film shubh sankalpam mein kaam kiya. 1996 mein, kamal Hassan ne police ki kahaani, kurutipunal mein abhinay kiya. kurutipunal ki safalta ke baad, unhonne Indian film ke liye bataur sarvashreshth abhineta, apna teesara raashtreeya film puraskaar jeeta. ek svatantrata senaani aur unke beimaan bete ki dohari bhoomikaaon ko nibhaate hue, film mein apne behatareen abhinay ke liye kamal Hassan ne kshetreeya puraskaar jeete aur saraahana pai.[10]


Hollywood nirmiti, misej daautafaayar se prerit avvai shanmughi mein kamal Hassan ne ek mahila ki bhoomika nibhaai.[11] 1997 mein, kamal Hassan ne bataur nirdeshak apni pehli film, mohammad yoosuf Khan ke jeevan-charitra par aadhaarit marudhanaayagam ki shurooaat ki, jiski keval aadhe ghante ki shooting aur ek trailer ki rikaurding ho saki aur ve nirdhaarit filmaankan poora karne mein asafal rahe.[12] marudhanaayagam ke baare mein anumaan lagaaya ja raha tha ki yeh bhaarateeya cinema ki sabse bhaari aur kaafi mahangi film hogi, jiske saath kai oonche darje ke abhineta aur takaneeshiyn jude hue the. iske alaava, 1997 mein Britain ki Elizabeth dviteeya dvaara Bhaarat yaatra ke dauraan, vyaapak prachaar paane vaale ek bhavya samaaroh mein film ki shurooaat ki gayi thi.[13][14] bajat ki kami ke kaaran, film poori naheen ban pai, lekin kathit roop se kamal Hassan tab se hi is pariyojana ke liye nidhi sangrahit karne mein dilchaspi dikha rahe hain.[15] jald hi kamal Hassan ne bataur nirdeshak, hindi mein avvai shanmughi ke punarnirmaan chaachi 420 ke saath shurooaat ki.[16]

2000 ka dashak: he Ram aur uske aage

bhaarateeya cinema mein do saal ke antaraal ke baad, kamal Hassan ne apni prasiddh rachana, marudhanaayagam ko punarjeevit karne ke khilaaf faisala liya aur apni doosari nirdeshit film he Ram ko filmaaya, jo ki ek yugeen naatak hai, jismein Bhaarat ke vibhaajan aur mahaatma Gandhi ki hatya par keindrit arddh-kaalpanik kathaanak ko flaishabaik mein prastut kiya gaya hai. apne khud ke banner tale film ka nirmaan karne ke alaava, kamal Hassan ne lekhak, geetkaar aur koriyograafar ke roop mein vibhinn bhoomikaaen nibhaain. is film mein Shahrukh Khan bhi shaamil the aur us varsh academy puraskaaron ke liye yeh Bhaarat ki prastuti bani.[17] uske baad ki unki film thi aalavandaan, jismein unhonne do alag bhoomikaaen nibhaain, jinmein se ek ke liye unhonne apna sir mundavaaya aur vajn mein das kilogram ki badhotri ki. pradarshan se poorv adhik prachaar ke baavajood, film vyaavasaayik taur par vifal rahi, jiske liye kamal Hassan ne is film ki vajah se nuksaan uthaane vaale vitrakon ko usaki bharpaai karna pasand kiya.[18]


tenaali, panchatantram aur pammaal ke. sanbandam jaisi safal haasya filmein aur kuchh atithi bhoomikaaon ke baad, kamal Hassan ne maut ki saja se judi apni teesari feechar film veerumaandi ka nirdeshan kiya.[19] kamal Hassan ne maadhavan ke saath anabe shivm mein nazar aae. is film ko shuroo karne vaale priydarshan, vigyaapan nirdeshak sundar si. ko film poori karne ki anumati dekar door hat gaye. anabe shivm, ek aadarshavaadi, saamaajik kaaryakarta aur communist nallashivm ki kahaani hai. kamal Hassan ke abhinay ki aalochakon ne bharpoor saraahana ki, jabki the hindu ne likha ki kamal Hassan ne "dubaara tamil cinema ko gauravaanvit kiya."[20]


iske baad kamal Hassan punarnirmit film vasool raaja mein sneha ke saath nazar aae. 2006 mein, kamal Hassan ki vilanbit pariyojana, vetaiyaadu vilyaadu shaanadaar safal film ke roop mein ubhari.[21] Gautam Menon ki vetaiyaadu vilyaadu kamal Hassan ki kurutipunal ke baad pehli police film thi. 2008 mein, kamal Hassan ne ke. S. ravikumaar ki dashaavataaram mein das alag bhoomikaaen nibhaain, jo ab tak nirmit sabse mahangi bhaarateeya film hai.[22] aasin tottumakal ke saath bataur naayak abhineet yeh film tamil cinema ki doosari sarvaadhik munaafa kamaane waali film ban gayi aur kamal Hassan ko unke abhinay ke liye aalochanaatmak prashansaaen mileen.[23][24] is pariyojana mein unhonne kahaani aur patakatha lekhak ka jimma bhi sambhaala. dashaavataaram ke poora hone ke baad, kamal Hassan ne antarim roop se marmayogi sheershak waali apni bataur nirdeshak chauthi film ke nirdeshan ka kaarya sambhaala, jo ek saal tak nirmaan-poorv kaarya ke baad thapp ho gayi.[25] iske baad unhonne mohanalaal ke saath ek film unnaipol oruvan ke nirmaan aur abhinay ka beeda uthaaya. kamal Hassan ki yeh film, jismein shruti Hassan ne sangeet nirdeshan ka bhaar sambhaala, box-ofis par kaafi safal rahi.[26]

niji jeevan

parivaar

kamal Hassan ka janm 7 November, 1954 ko tamiloiand ddddfv ke Ramnathpuram jile mein sthit paramakudi gram mein tamil ayyangaar dampati, aaparaadhik vakeel, di. shreenivaasan aur unki shraddhaalu patni raajalakshmi ke yahaan hua.[27] kamal Hassan ne haal hi ki apni filmein, unnaipol oruvan aur dashaavataaram ka geet kallai mattum mein apne maata-pita ka havaala diya.[28] kamal Hassan teen bhaaiyon mein sabse chhote the, jabki anya do hain, chaaru Hassan aur chandra Hassan. chaaru Hassan, jinhonne anya filmon ke alaava, lokapriya kannad film tabaran kathe mein kaam kiya tha, kamal Hassan ki tarah hi raashtreeya film puraskaar vijeta hain, par haal ke kuchh samay se ve filmon mein kabhi-kabhaar hi abhinay karte hain. kamal Hassan ki bhateeji (chaaru Hassan ki beti), suhaasini bhi ek raashtreeya film puraskaar vijeta hain aur prakhyaat nirdeshak aur 1987 ki naayakan mein kamal Hassan ke saath sahayog karne vaale, sah-puraskaar vijeta manirtnam se vivaah rachaaya hai.[29] chandra Hassan, kamal Hassan ki gruh nirmaan company, Rajkamal international ke kaaryapaalak hone ke alaava, kamal Hassan ki kai filmon ke nirmaata rahe hain. unki bhateeji anu Hassan ne kai filmon mein sahaayak bhoomikaaen nibhaai hain, jinmein vishesh roop se suhaasini ki indira ka ullekh kiya ja sakta hai.[30]

sambandh

stutya aur saraahaneeya film kairiyr ke baavajood, unhein niji jeevan mein kai baadhaaon ka saamana karna pada, jiska media ne anuchit laabh uthaaya. kamal Hassan ne apne kairiyr ki shurooaat mein, lokapriya abhinetri shreevidya ke saath kai tamil aur malayalam filmon mein kaam kiya. 1970 ke dashak mein kathit roop se is jodi ke beech vikhyaat prem-sambandh chala tha, jis rishte ko 2008 mein pradarshit Ranjit ki malayalam film tirkkatha mein darshaaya gaya, jismein anoop Menon ne kamal Hassan ki aur priymani ne shreevidya ki bhoomikaaen nibhaain. 2006 mein mrutyu ka graas banane waali, beemaar shreevidya ke antim dinon mein kamal Hassan ne unase mulaakaat ki thi.[31] 1978 mein, chaubees saal ki umr mein, kamal Hassan ne apne se badi umr ki nartaki vaani ganapati se mulaakaat ki aur unke saath shaadi ki. vaani ne kamal Hassan ki filmon ke liye kaustyoom dijaainar ka kaam sambhaala aur shaadi ke turant baad, kamal Hassan ke saath 1980 mein aayojit filmafeyar puraskaar dakshin samaaroh mein unki hamakdam ban kar chalne ke liye khoob prachaar paaya. tathaapi, das saal tak ek saath rahane ke baad, jab yeh pata chala ki kamal Hassan apni sah-abhinetri saarika ke saath deting kar rahe hain, is jodi ke beech rishta toot gaya aur haal hi ke ek saakshaatkaar mein kamal Hassan ne pushti ki ki uske baad donon ke beech kabhi koi sampark naheen raha.[32]

iske baad, kamal Hassan aur saarika ne 1988 mein shaadi kar li aur unki do betiyaan hain: shruti Hassan (janm 1986) aur akshara Hassan (janm 1991). shruti Hassan ek gaayika aur ubharati abhinetri hain, jabki chhoti beti Bengaluru mein uchch adhyayan kar rahi hain. kamal Hassan ke saath vivaah ke baad saarika ne filmon mein abhinay chhod diya aur kamal Hassan ki kaustyoom designer ke roop mein unki poorv patni vaani ganapati ki jagah le li aur he Ram mein unke kaam ki bahut saraahana hui. tathaapi, is jodi ne 2002 mein talaak ke liye arji daayar ki aur 2004 mein prakriya sampann hokar, saarika ne khud ko bachchon se alag karte hue, kamal Hassan ke saath rishta tod liya.[33] is alagaav ka kaaran, unase baais saal chhoti, sah-abhinetri simran bagga ke saath kamal Hassan ka najdeeki rishta raha. kamal Hassan ke saath lagaataar do filmein pammaal ke. sanbandam aur panchatantram mein abhinay karne waali simran ka, koriyograafr raajoo sundaram ke saath rishta khtm hone ke baad, yeh prem-sambandh thode dinon ke liye chala. lekin, is jodi ka saahacharya zyaada din tik naheen paaya, jahaan 2004 mein simran ne apne bachapan ke ek dost se shaadi kar li.[34] samprati kamal Hassan poorv abhinetri, gautami tadimlla ke saath rah rahe hain, jinhonne 80 aur 90 ke dashak mein kamal Hassan ke saath kai filmon mein kaam kiya hai. kamal Hassan ne stan Cancer se grast gautami ki unke du:khad daur mein bharpoor madad ki aur 2005 se yeh jodi gruhasth rishte mein saath hai. shruti aur akshara, tatha radd shaadi se janmi gautami ki beti subbalakshmi bhi unke saath rahati hain.[35]

puraskaar aur sammaan

puraskaaron ki drushti se padmashri dhaarak kamal Hassan, bhaarateeya cinema ke itihaas mein sabse adhik sammaanit abhineta hain.[36] unke naam sarvaadhik chaar raashtreeya film puraskaar, teen sarvashreshth abhineta puraskaar tatha ek sarvashreshth baal kalaakaar paane vaale abhineta hone ka record darj hai. iske alaava kamal Hassan, paanch bhaashaaon mein record unnees filmafeyar puraskaar dhaarak hain - aur unhonne 2000 mein naveenatam puraskaar ke baad, sangathan se khud ko puraskaaron se mukt rakhane ka aagrah kiya.[36] anya sammaan mein shaamil hai, Tamil Nadu raajya film puraskaar, nandi puraskaar aur vijay puraskaar, jahaan kamal Hassan ne dashaavataaram mein apne yogadaan ke liye chaar alag puraskaar jeete.

2014 mein unhein padm bhooshan se sammaanit kiya gaya.[37]

ullekhaneeya filmograafi

varsh film bhoomika bhaasha tippaniyaan
1960 kalatoor kannamma selvam tamil vijeta : bataur sarvashreshth baal kalaakaar raashtreeya film puraskaar
1975 apoorv raagangal prasanna tamil vijeta : filmafeyar sarvashreshth tamil abhineta puraskaar
1982 moonraam piri shreenivaasan tamil vijeta : bataur sarvashreshth abhineta raashtreeya film puraskaar
1983 saagar sangamam baalakrushn telugu vijeta : filmafeyar sarvashreshth telugu abhineta puraskaar
vijeta : bataur sarvashreshth abhineta nandi puraskaar
1987 naayakan veloo naayakar tamil vijeta : bataur sarvashreshth abhineta raashtreeya film puraskaar
1988 pushpak pushpak mook vijeta: filmafeyar sarvashreshth kannad abhineta puraskaar
1989 apoorv sahodarangal setupati,
raaja,
appoo		 tamil teen bhoomikaaen nibhaain; ek bauna tha
1992 tevar magan shaktiveloo tevar tamil vijeta : filmafeyar sarvashreshth tamil abhineta puraskaar
kamal Hassan dvaara patakatha aur nirmaan
1996 Indian senaapati Bose,
chandra Bose		 tamil dohari bhoomika nibhaai
vijeta : bataur sarvashreshth abhineta raashtreeya film puraskaar
vijeta : filmafeyar sarvashreshth tamil abhineta puraskaar
2000 he Ram saaket Ram tamil vijeta : filmafeyar sarvashreshth tamil abhineta puraskaar
saath hi hindi mein he Ram ke roop mein nirmit
kamal Hassan dvaara patakatha-lekhan, nirmaan aur nirdeshan
2008 dashaavataaram das alag bhoomikaaen tamil 10 alag-alag bhoomikaaen nibhaain
kamal Hassan dvaara patakatha-lekhan


sandarbh

  1. ↑ UCLA international Institute. 2005. film-pradarshan - naayakan (hero). http://www.international.ucla.edu/showevent.asp?eventid=3700 se upalabdh. abhigm 15 fravari 2008.
  2. ↑ UCLA school of Arts end aarkitekchar. 2005. UCLA iyar of the Arts - kaaryakram vivranika. http://web.archive.org/20060903120614/www.arts.ucla.edu/yoa/UCLA-YOA-brochure-0506.pdf se upalabdh. abhigm 15 fravari 2008.
  3. ↑ time patrika. 2005. sadaabahaar 100 sarvashreshth filmein. http://www.time.com/time/2005/100movies/the_complete_list.html se upalabdh. abhigm 13 fravari 2008.
  4. ↑ Mukund Padmanaban (1997). "We are capable of making films for people worldwide". Indian Express. http://www.indianexpress.com/ie/daily/19970518/13850423.html. abhigman tithi: 2009-10-09.
  5. ↑ Kumar, Shiva (2009). "http://www.hindu.com/fr/2009/08/28/stories/2009082850760100.htm". the hindu. http://www.hindu.com/fr/2009/08/28/stories/2009082850760100.htm. abhigman tithi: 2009-10-09.
  6. ↑ Padmanabhan, Mukund (1997). "We are capable of making films for people worldwide". Indian Express. http://www.indianexpress.com/ie/daily/19970518/13850423.html. abhigman tithi: 2009-10-19.
  7. ↑ a aa i E u oo A Panicker, Prem (2003). "Kamal's Best". Rediff. http://in.rediff.com/movies/2003/nov/07kamal.htm. abhigman tithi: 2009-10-09.
  8. ↑ K. Jeshi (2004). "No stopping him". the hindu. http://www.hinduonnet.com/thehindu/thscrip/print.pl?file=2004092703100301.htm&date=2004/09/27/&prd=mp&. abhigman tithi: 2009-10-19.
  9. ↑ Adhiraj,Vijay (2004). "`Each medium has its own USP'". the hindu. http://www.hindu.com/mp/2004/07/22/stories/2004072200740200.htm. abhigman tithi: 2009-10-19.
  10. ↑ Rajitha (1999). "Shilpa to do a Shankar film". Rediff. http://ia.rediff.com/movies/1999/feb/12ss.htm. abhigman tithi: 2009-10-19.
  11. ↑ V. S. Srinivasan (1998). "Aunty vs Chachi". Rediff. http://www.rediff.com/movies/1998/apr/13aunt.htm. abhigman tithi: 2009-10-19.
  12. ↑ "'Marudanayagam' resurfaces". Indiaglitz.com. 2008. http://www.indiaglitz.com/channels/tamil/article/36038.html. abhigman tithi: 2009-10-19.
  13. ↑ T. S. Subramaniam (1997). "A rough passage to India". the hindu. http://www.hindu.com/fline/fl1422/14220430.htm. abhigman tithi: 2009-10-19.
  14. ↑ V. S. Srinivasan (1998). "Making of an epic". the hindu. http://www.rediff.com/movies/1998/sep/19mar.htm. abhigman tithi: 2009-10-19.
  15. ↑ "Don't let mediocrity be the standard:Kamal". Times of India. 2009. http://timesofindia.indiatimes.com/Bollywood/Dont-let-mediocrity-be-the-standardKamal-/articleshow/4245082.cms. abhigman tithi: 2009-10-19.
  16. ↑ Deepa Deosthalee (1998). "The great Bollywood rip-off". Indian Express. http://www.indianexpress.com/ie/daily/19980116/01650964.html. abhigman tithi: 2009-10-19.
  17. ↑ "Wide acclaim for Indian films in US festival". Times of India. 2001. http://timesofindia.indiatimes.com/entertainment/bollywood/news-interviews/Wide-acclaim-for-Indian-films-in-US-festival-/articleshow/33245832.cms. abhigman tithi: 2009-10-19.
  18. ↑ "The many faces of success". the hindu. 2005. http://www.hindu.com/mp/2005/09/03/stories/2005090302070300.htm. abhigman tithi: 2009-10-19.
  19. ↑ "Drop in releases". Screen India. 2001. http://www.screenindia.com/old/20010119/renews.htm. abhigman tithi: 2009-10-19.
  20. ↑ Malathi Rangarajan (2003). "Anbe Sivam". the hindu. http://www.hinduonnet.com/thehindu/fr/2003/01/17/stories/2003011701310200.htm. abhigman tithi: 2009-10-19.
  21. ↑ Shreedhar Pillai (2006). "Vote is for the different". the hindu. http://www.hinduonnet.com/thehindu/fr/2006/12/29/stories/2006122901020100.htm. abhigman tithi: 2009-10-19.
  22. ↑ "Reincarnated as George W Bush". Filmstew.com. 2008. http://www.filmstew.com/showArticle.aspx?ContentID=17339. abhigman tithi: 2009-10-19.
  23. ↑ "Suriya is king in Mumbai!". Sify. 2009. http://sify.com/movies/tamil/fullstory.php?id=14891058. abhigman tithi: 2009-10-19.
  24. ↑ Malathi Rangarajan (2008). "'Dasavathaaram': in the manner of an epic". the hindu. http://www.hindu.com/2008/06/14/stories/2008061454122000.htm. abhigman tithi: 2009-10-19.
  25. ↑ "Kamal's 'Marmayogi' shelved". the hindu. 2008. http://www.hinduonnet.com/holnus/009200811121860.htm. abhigman tithi: 2009-10-19.
  26. ↑ Ranjib Mazumder (2009). "Kamal Haasan admits being a player for the market". DNAIndia.com. http://www.dnaindia.com/entertainment/report_kamal-haasan-admits-being-a-player-for-the-market_1296453. abhigman tithi: 2009-10-19.
  27. ↑ Kumar, Rajitha (2000). "Kamal, as we know him". Rediff.com. http://www.rediff.com/entertai/2000/nov/08kamal.htm. abhigman tithi: 2009-06-30.
  28. ↑ Pavithra Srinivasan (2008). "Dasavatharam music is mediocre". Rediff. http://www.rediff.com/movies/2008/apr/28ssdas.htm. abhigman tithi: 2009-06-30.
  29. ↑ "Married to the medium". Tribune India. 2003. http://www.tribuneindia.com/2003/20030412/windows/main4.htm. abhigman tithi: 2009-06-30.
  30. ↑ "Celebrity: Kamal Haasan". Buzz18.in.com. 2009. http://buzz18.in.com/celebrity-profile/kamal-haasan/481. abhigman tithi: 2009-06-30.
  31. ↑ TR (2008). "Wasn't Ranjith telling Sreevidya's tale?". Nowrunning.com. http://www.nowrunning.com/news/news.aspx?it=18176. abhigman tithi: 2009-06-30.
  32. ↑ "Slrrp! Slrrp!". The Telegraph. 2005. http://www.telegraphindia.com/1050304/asp/etc/story_4440550.asp. abhigman tithi: 2009-06-30.
  33. ↑ Jha, Subhash K. (2003). "'My main concern is the kids'". Times of India. http://timesofindia.indiatimes.com/articleshow/231833.cms. abhigman tithi: 2009-06-30.
  34. ↑ Johar, Suhel. (2002). "Simran Moves into Kamal Haasan's House". Smashits.com. http://www.smashits.com/news/bollywood/interview/2306/simran-moves-in-kamal-haasan-s-house.html. abhigman tithi: 2009-06-30.
  35. ↑ "Gauthami is next to my Mom – Kamal Haasan". Indiaglitz.com. 2009. http://www.indiaglitz.com/channels/telugu/article/45544.html. abhigman tithi: 2009-10-09.
  36. ↑ a aa "The legend turns 53". Zee News. 2007. http://www.zeenews.com/news405995.html. abhigman tithi: 2009-06-30.
  37. ↑ "padm puraskaaron ki ghoshana, dau॰ maashelakar ko padm vibhooshan". navabhaarat taaims. 25 January 2013. http://hindi.economictimes.indiatimes.com/india/national-india/Padma-Awards-Announced/articleshow/29365484.cms. abhigman tithi: 27 January 2014.

baahari kadiyaaain

  • Follow Us:
  • Get daily news by email:

  • Delivered by FeedBurner