kalpavruksh

kalpavruksh ki raksha karte hue kinnar aur kinnari

kalpavruksh devalok ka ek vruksh. ise kalpadrup, kalpataru, surataru devataru tatha kalpalata ityaadi naamon se bhi jaana jaata hai. puraanon ke anusaar samudramanthan se praapt 14 ratnon mein kalpavruksh bhi tha. yeh Indra ko de diya gaya tha aur Indra ne iski sthaapana surakaanan mein kar di thi. hinduon ka vishvaas hai ki kalpavruksh se jis vastu ki bhi yaachana ki jaae, vahi yeh de deta hai. iska naash kalpaant tak naheen hota. 'tooba' naam se aise hi ek ped ka varnan islaami dhaarmik saahitya mein bhi milta hai jo sada adan (musalmaanon ke svarg ka upavan) mein foolata falata rahata hai.

siddh, naath aur sant kalpalata ya kalpavallari sanjnyaa 'unmani' ko dete hain kyonki unke mataanusaar sahajaavastha ya kaivalya ki praapti ke liye unmani hi ekamaatr saadhan hai jo na keval sabhi kaamanaaon ko poori karanevaali hai apitu swayam avinshvar bhi hai aur jise mil jaati hain, use bhi avinshvar bana deti hai.[1]

sandarbh