kalp

hindu samay ikaaiyaan

kalp hindu samay chakr ki bahut lambi maapan ikaai hai. kalp shabd ka ati praacheen hindu granthon mein ullekh milta hai. yeh bauddh granthon mein bhi milta hai, haalaanki bahut baad ke kaal mein, vah bhi hindu paath se liya hua hi hai. yahaaain yeh ullekhaneeya hai, ki buddh ek hindu parivaar mein janame hindu hi the.

anukram

parichay

srushtikram aur vikaas ki ganana ke liye kalp hinduon ka ek param prasiddh maapdand hai. jaise maanav ki saadhaaran aayu sau varsh hai, vaise hi srushtikrta brahma ki bhi aayu sau varsh maani gayi hai, parantu donon gananaaon mein bada antar hai. brahma ka ek din 'kalp' kahalaata hai, uske baad pralaya hota hai. pralaya brahma ki ek raat hai jiske pashchaat‌ fir nai srushti hoti hai.

chaaron yugon ke ek chakkar ko chaturyugi athva paryaaya kehte hain. 1‚aa000 chaturyugi athva paryaayon ka ek kalp hota hai. brahma ke ek maas mein tees kalp hote hain jinke alag-alag naam hain, jaise shvetavaaraah kalp, neelalohit kalp aadi. pratyek kalp ke 14 bhaag hote hain aur in bhaagon ko 'manvantar' kehte hain. pratyek manvantar ka ek manu hota hai, is prakaar svaayanbhuv, svaarochish‌ aadi 14 manu hain. pratyek manvantar ke alag-alag saptarshi, idran tatha indraani aadi bhi hua karte hain. is prakaar brahma ke aaj tak 50 varsh vyateet ho chuke hain, 51vein varsh ka pratham kalp arthaat‌ shvetavaaraah kalp praarambh hua hai. vartamaan manu ka naam 'vaivasvat manu' hai aur inke 27 chaturyugi beet chuke hain, 28 vein chaturyugi ke bhi teen yug samaapt ho gaye hain, chauthe arthaat‌ kaliyug ka pratham charan chal raha hai.

yugon ki avadhi is prakaar hai - satyug 17,28,000 varsh; treta 12,96,000 varsh; dvaapar 8,64,000 varsh aur kaliyug 4,32,000 varsh. ataev ek kalp 1000 chaturyugon ke baraabar yaani chaar arab battees karod (4,32,00,00,000) maanav varsh ka hua.

vibhaajan

praacheen hindu granthon mein maanav itihaas ko paaainch kalpon mein baaainta gaya hai.[1]

  • hamat kalp : 1,09,800 varsh vikrameeya poorv se aarambh hokar 85,800 varsh poorv tak
  • hirnya garbh kalp : 85,800 vikrameeya poorv se 61,800 varsh poorv tak
  • braahm kalp : 60,800 vikrameeya poorv se 37,800 varsh poorv tak
  • paadm kalp : 37,800 vikram poorv se 13,800 varsh poorv tak aur
  • varaah kalp : 13,800 vikram poorv se aarambh hokar vartamaan tak

ab tak varaah kalp ke svaayambhu manu, svarochish manu, uttam manu, tamaas manu, revat-manu chaakshush manu tatha vaivasvat manu ke manvantar beet chuke hain aur ab vaivasvat tatha saavarni manu ki antardasha chal rahi hai. saavarni manu ka aavirbhaav vikrami samvat praarambh hone se 5,630 varsh poorv hua tha.[1]

vividh

giniys book aaf world rikaards ne kalp ko samay ka sarvaadhik lamba maapan ghoshit kiya hai.[2][1]

sandarbh

  1. a aa i vaivasvat manu ke itihaas ki rooparekha . vebaduniya
  2. McWhirter, Norris (November 1980). giniys book aaf world rikaards 1981. New York: Sterling Publishing Co. Inc.. ISBN 0-8069-0196-9.

baahari kadiyaaain