kaliyug

kaliyug paaramparik Bhaarat ka chautha yug hai.

aaryabhat ke anusaar mahaabhaarat yuddh 3137 ipoo mein hua. kaliyug ka aarambh Krishna ke is yuddh ke 35 varsh pashchaat nidhan par hua. Encyclopedia of Hinduism ke anusaar Bhagwan shri Krishna ke is pruthvi se prasthaan ke tunrat baad 3102 isa poorv se kali yug aarambh ho gaya |

kaliyug ka aagaman

dharmaraaj yudhishthir, bheemasen, arjun, nakul aur sahadev paaainchon paandav mahaaparaakrami pareekshit ko raajya dekar mahaaprayaan hetu uttaraakhand ki or chale gaye aur vahaaain jaakar punyalok ko praapt huye. raaja pareekshit dharm ke anusaar tatha braahnanon ki aajnyaaanusaar shaasan karne lage. uttar naresh ki putri iraavati ke saath unhonne apna vivaah kiya aur us uttam patni se unke chaar putr utpann huye. aachaarya krup ko guru bana kar unhonne jaahnavi ke tat par teen ashvamegh yagya kiye. un yajnyaon mein anant dhan raashi brahmanon ko daan mein di aur digvijya hetu nikal gaye.

unheen dinon dharm ne bail ka roop bana kar gauroopini pruthvi se sarasvati tat par bheint kiya. gauroopini pruthvi ki netron se ashru bah rahe the aur vah shreeheen si prateet ho rahi thi. dharm ne pruthvi se poochha - "he devi! tumhaara mukh malin kyon ho raha hai? kis baat ki tumhein chinta hai? kaheen tum meri chinta to naheen kar rahi ho ki ab mera keval ek pair hi rah gaya hai ya fir tumhein is baat ki chinta hai ki ab tum par shoodr raajya kareinge?"

pruthvi boli - "he dharm! tum sarvajnya hokar bhi mujh se mere du:kh ka kaaran poochhate ho! satya, pavitrata, kshama, daya, santosh, tyaag, sham, dam, tap, saralata, kshamata, shaastr vichaar, uparati, titiksha, gyaan, vairaagya, shaurya, tej, aishvarya, bal, smruti, kaanti, kaushal, svatantrata, nirbheekata, komalata, dhairya, saahas, sheel, vinaya, saubhaagya, utsaah, gambheerata, keerti, aastikta, sthirta, gaurav, ahankaaraheenata aadi gunon se yukt Bhagwan shreekrushn ke svadhaam gaman ke kaaran ghor kaliyug mere oopar aa gaya hai. mujhe tumhaare saath hi saath Dave, pitrugan, rishi, saadhu, sanyaasi aadi sabhi ke liye mahaan shok hai. Bhagwan shreekrushn ke jin charanon ki seva lakshmi ji karti hain unamein kamal, vajr, ankush, dhvaja aadi ke chinh viraajamaan hain aur ve hi charan mujh par padte the jisse main saubhaagyavati thi. ab mera saubhaagya samaapt ho gaya hai."

jab dharm aur pruthvi ye baatein kar hi rahe the ki mukutadhaari shoodr ke roop mein kaliyug vahaaain aaya aur un donon ko maarane laga.

are dusht kalikaal too, deta du:kh mahaan.
paandu pautr maaran chale, le karamein dhanuvaan.

raaja pareekshit digvijya karte huye vaheen par se gujar rahe the. unhonne mukutadhaari shoodr ko haath mein danda liye ek gaaya aur ek bail ko buri tarah peetate dekha. vah bail atyant sundar tha, usaka shvet rang tha aur keval ek pair tha. gaaya bhi kaamadhenu ke samaan sundar thi. donon hi bhayabheet ho kar kaaainp rahe the. mahaaraaj pareekshit apne dhanushavaan ko chadhaakar megh ke samaan gambheer vaani mein lalakaare - "re dusht! paapi! naraadham! too kaun hai? in nireeh gaaya tatha bail kyon sata raha hai? too mahaan aparaadhi hai. tere aparaadh ka uchit dand tera vadh hi hai." unke in vachanon ko sun kar kaliyug bhaya se kaaainpane laga.

mahaaraaj ne bail se poochha ki he bail tumhaare teen pair kais toote gaye hain. tum bail ho ya koi devata ho. he dhenuputr! tum nirbheekataapoorvak apna apna vrutaant mujhe bataao. he gaumaata! ab tum bhayamukt ho jaao. main dushton ko dand deta hooain. kis dusht ne mere raajya mein ghor paap kar ke paandavon ki pavitra keerti mein yeh kalank lagaaya hai? chaahe vah paapi saakshaat devata hi kyon na ho main uske bhi haath kaat dooainga. tab dharm bola - "he mahaaraaj! aapne Bhagwan shreekrushn ke paramabhakt paandavon ke kul mein janm liya hai at: ye vachan aap hi ke yogya hain. he raajan! ham yeh naheen jaante ki sansaar ke jeevon ko kaun klesh deta hai. shaastron mein bhi iska niroopan anek prakaar se kiya gaya hai. jo dvait ko naheen maanata vah du:kh ka kaaran apne aap ko hi sveekaar karta hain. koi praarabdh ko hi du:kh ka kaaran maanata hai aur koi karm ko hi du:kh ka nimitt samajhta hai. katipya vidvaan svabhaav ko aur katipya ishvar ko bhi du:kh ka kaaran maanate hain. at: he raajan! ab aap hi nishchit keejiye ki du:kh ka kaaran kaun hai."

samraat pareekshit us bail ke vachanon ko sun kar bole - "he vrushabh! aap avashya hi bail ke roop mein dharm hain aur yeh gauroopini pruthvi maata hai. aap dharm ke marm ko bhali-bhaaainti jaante hain. aap kisi ki chugali naheen kar sakte iseeliye aap du:kh dene vaale ka naam naheen bata rahe hain. he dharm! satayug mein aapke tap, pavitrata, daya aur satya chaar charan the. treta mein teen charan rah gaye, dvaapar mein do hi rah gaye aur ab is dusht kaliyug ke kaaran aapka ek hi charan rah gaya hai. yeh adharmaroopi kaliyug apne asatya se us charan ko bhi nasht karne ka prayatn kar raha hai. Bhagwan shreekrushnachandr ke svadhaam gaman se dusht paapi shoodr raaja log is gauroopini pruthvi ko bhogeinge isi kaaran se yeh maata bhi du:khi hain."

itna kah kar raaja pareeksheet ne us paapi shoodr raajaveshadhaari kaliyug ko maarane ke liye apni teekshn dhaar waali talavaar nikaali. kaliyug ne bhayabheet hokar apne raajasi vesh ko utaar kar raaja pareekshit ke charanon mein gir gaya aur traahi-traahi kehne laga. raaja pareekshit bade sharanaagat vatsal the, unahonne sharan mein aaye huye kaliyug ko maarana uchit na samjha aur kaliyug se kaha - "he kaliyug! too mere sharan mein aa gaya hai isaliye mainne tujhe praanadaan diya. kintu adharm, paap, jhooth, chori, kapat, daridrata aadi anek upadravon ka mool kaaran keval too hi hai. at: too mere raajya se turant nikal ja aur laut kar fir kabhi mat aana."

raaja pareekshit ke in vachanon ko sun kar kaliyug ne kaatar vaani mein kaha - "he raajan! aapka raajya to sampoorn pruthvi par hai, aapke raajya se baahar aisa koi bhi sthaan naheen hai jahaaain par ki main nivaas kar sakooain. he bhoopati! aap bade dayaalu hain, aapne mujhe sharan diya hai. ab daya karke mere nivaas ka bhi kuchh na kuchh prabandh aapko karna hi hoga."

kaliyug is tarah kehne par raaja pareekshit soch mein pad gaye. fir vichaar kar ke unhonne kaha - "he kaliyug! dyoot, madyapaan, parastreegaman aur hinsa in chaar sthaanon mein asatya, mad, kaam aur krodh ka nivaas hota hai. in chaar sthaanon mein nivaas karne ki main tujhe chhoot deta hooain." is par kaliyug bola - "he uttaraanandan! ye chaar sthaan mere nivaas ke liye aparyaapt hain. daya karke koi aur bhi sthaan mujhe deejiye." kaliyug ke is prakaar maaaingane par raaja pareekshit ne use paaainchava sthaan 'svarn' diya.

kaliyug in sthaanon ke mil jaane se pratyakshat: to vahaaain se chala gaya kintu kuchh door jaane ke baad adrushya roop mein vaapas aakar raaja pareekshit ke svarn mukut mein nivaas karne laga.

sandarbh

baahari kadiyaaain

sukhasaagar ke saujanya se