kalaahaandi

kalaahaandi

— shahar —

kalaahaandi

samay mandal: IST (UTC+5:30)

desh

Bhaarat

raajya

Orissa

janasankhya
• ghanatv

13,34,372 (2001 tak )
• 163 /kimi² (422 /varg meal)

kshetrafal

8,197 km² (3,165 sq mi)

vibhinn code

• gaadiyaan

• OR-08

aadhikaarik jaalasthal: kalahandi.nic.in

nirdeshaank: 19°a54′aN 83°a10′aE / 19.90°aN 83.16°aE / 19.90; 83.16 kaalaahaandi udeesa ke kalaahaandi jile ka ek shahar hai. Orissa ka vartamaan kalaahaandi jila praacheen kaal mein dakshin kosal ka hissa tha. aajaadi ke baad ise Orissa mein shaamil kar liya gaya. uttar disha se yeh navapaada aur baalangeer, dakshin mein Chhattisgarh ke raayagadh aur poorv mein boodh evam raayagadh jilon se ghira hua hai. poorvi seema par sthit bhavaaneepatana jila mukhyaalaya hai. 8197 varg kimi. ke kshetrafal mein faile is jile mein joonaagadh, karalaapat, khariyr, anpaani, belakhandi, yogeemath aur paataalaganga aadi pramukh darshaneeya sthal hain.

anukram

aakarshan

amaathaaguda

amaathaaguda kila tel nadi ke daaen tat par sthit hai. yeh kshatigrast kila kitna puraana hai aur kab bana tha, is baare mein jaankaari upalabdh naheen hai. lekin iski sthiti dekhkar itna jaroor kaha ja sakta hai ki iska apne kaal mein bahut adhik saamarik mahatva raha hoga. kile ke nikat hi tel nadi par ek puraana pul bana hai. pul se kuchh meter door ek naya pul hai jiska ek hissa 1977 mein tel nadi mein aane waali baadh se bah gaya tha.

asuragadh kila

asuragadh ke baahari hisse mein sthit is kile ke baare mein kaha jaata hai ki ek jamaane mein yeh gosinha daitya ka nivaas sthal tha. is asur ke kaaran hi is sthaan ka naam asuragadh pada tha. tribhujaakaar mein bana yeh kila vartamaan mein kshatigrast avastha mein hai. iske poorvi dwaar par devi ganga ko samarpit ek mandir bana hua hai. isi prakaar anya dvaaron par kaala pahaad, vaishnavi aur buddharaaja ko samarpit mandir bane hue hain. kile ke bheetar devi dokari mandir hai. devi dokari kile ki mukhya devi hai. asuragadh jila mukhyaalaya bhavaaneepatana se 35 kimi. ki doori par hai.

shri raamakrushn aashram

yeh aashram kaalaahaandi ke madanapur-Rampur block mein sthit hai. aashram mein raamakrushn paramahans aur unki pat‍aani shaaradaamani devi va svaami vivekaanand ke vichaaron ki shiksha di jaati hai. aashram mein bataaya jaata hai ki kis prakaar moksh praapt kiya jaae aur janasamudaaya ke kalyaan hetu kis prakaar kaarya kiya jaae. aashram do hisson mein banta hua hai. mukhya aashram mein ek mandir, aadivaasi chhaatron ka haustal, vruddhaashram, dispeinsari, pustakaalaya aur saadhuon aur karmachaariyon ke liye kamre bane hue hain. aashram dhyaan lagaane ke liye ek aadarsh sthaan hai.

joonaagadh

kaalaahaandi se 26 kimi. door sthit joonaagadh ek jamaane mein kaalaahaandi riyaasat ki rajdhani thi. yeh sthaan apne kile aur mandiron ke liye khaasa charchit hai. yahaan ke mandiron mein udiya bhaasha mein anek abhilekh khude hue hain. sati stambh yahaan ka mukhya aakarshan hai. joonaagadh raaurakela se 180 kimi. door hai aur bhuvaneshvar mein yahaan ka kareebi airport hai.

belakhandi

yeh sthaan tel aur uttei nadi ke sangam par sthit hai. yeh sthaan dhaarmik gatividhiyon ke saath-saath puraatatv ki drushti se bhi mahatvapoorn hai. yahaan hone waali khudaai se 12veen shataabdi ki ek imaarat ka pata chala hai. saath hi sap‍aat maatruka aur umaashankar maheshvar ki pratimaaen bhi praapt hui hain. is sthaan se praapt anek bahumoolya aur praacheen vastuon ko mandir parisar ke saath bane ek sangrahaalaya mein rakha gaya hai. belakhandi bhavaaneepatana se 67 kimi. ki doori par hai.

anpaani

jila mukhyaalaya se 77 kimi. door sthit anpaani hills se prakruti ke sundar najaar dekhe ja sakte hain. yahaan ka jangali vaataavaran paryatakon ko kaafi lubhaata hai. yahaan ki halaadeegundi ghaati pahaadiyon ki sundarata ko aur badha deti hai. hiran, saanbhar, peinthar aadi jaanvaron ko yahaan unmukt vichran karte hue dekha ja sakta hai. anpaani se 5 kimi. door sthit gudaahaandi mein praagaitihaasik kaaleen gufaaon ko dekha ja sakta hai.

furali jharana

yeh khoobsoorat jharana bhavaaneepatana se 15 kimi. ki doori par sthit hai. 30 feet ki oonchaai se girte is jharane ka jal behad aakarshak prateet hota hai. jharane ke chaaron taraf ki hariyaali ise piknik ke liye ek behatareen jagah banaati hai.

aavaagaman

vaayu maarg

jila mukhyaalas se 25 kimi. door utkela mein ek vaayupatti hai. bhuvaneshvar airport yahaan se 418 kimi. ki doori par hai.

rel maarg

dakshin poorv railway ka raajapur-vijiyaanagaram brod gaij relamaarg is jile ke 5 railway stationon ko desh ke anek hisson se jodta hai. Raipur, vijiyaanagar, raaurakela, baalaangeer, sanbhalapur, kesinga, narala road aur khariyr road aadi railway stationon se kaalaahaandi juda hua hai.

sadak maarg

bhavaaneepatana jila mukhyaalaya raashtreeya raajamaarg se juda hai. Cuttack, bhuvaneshvar, raaurakela, sanbhalapur aadi shaharon se yahaan ke liye niyamit bas sevaaen upalabdh hain.