kaimoor ki pahaadi

kaimoor (parvat) Bhaarat ki vidhya parvatashreni ka poorvi bhaag jo Madhya Pradesh ke jabalapur jile ke katangi ke paas (23, 26, u.a. se 79, 48 poo. de.) praarambh hokar sarvotari shreni ke roop mein rohataasagadh kshetr (24 57 u. a. se 84 2 poo. de.) tak chali jaati hai.

iski adhiktam chaudaai lagbhag 50 meal hai. Madhya Pradesh ke joolekhi sthaan se uttar poorv ki or lagbhag 150 mil tak hai. yeh parvat shreni son nadi ki ghaati ki uttari kinaare par khadi deevaal ke roop mein chali jaati hai. is kshetr mein baluaa patthar ki pradhaanata hai kintu kaheen-kaheen parivrtit chattaane bhi prachur maatra mein milti hai. govindagadh ke paas lagbhag 2,000 ooaincha bhaag uttar pashchim ki or chala jaata hai. rohataas gadh kshetr ke madhya chhoti kintu atyant upajaaoo ghaatiyaaain sthit hain. pahaadon ki dhaalein atyant khadi evam durgam hai parantu beech beech mein darre hain. chunaar gadh, vijay gadh tatha rohataas gadh ke kilon ke kaaran in shreniyon ka aitihaasik mahatva hain. vijyagadh ke paas kandaraaon mein praagaitihaasik chitr evam prastarakaalink hathiyaar upalabdh hue hai. sampoorn kshetr bhavan nirmaanaarth baluaa patthar ki khadaanein hai. choona patthar mein daalamiyaanagar, japala, banajaari aur churk mein cement tatha choona banta hai. dehari-on-son ke dakshini dehari rohataas chutiya railway ke paas banajaari evam amajhor ke paas gandhak ke khanij maakshik (Pyrites) mile hain.

parichay

Bihar mein rohataas praacheen kaal se hi viksit sanskruti ka kshetr raha hai. yahaan bikhreen padeen dharoharein itihaas ke kaalakhandon ke rahasyon ko apne garbh mein chhipaae hain. kaimoor ki gufaaon mein hajaaron varsh poorv ke shailachitr maujood hai. ye shailachitr yahaan ki praacheen shaili ke gavaah hain, par sanrakshan ke abhaav mein ye jeevant dastaavej vilupt hone ke kagaar par hai. itihaasavid shailachitron ke aarambh ko isa poorv se hi jodte hain. iski khoj british naagrik AC kaaralaail ne ki thi. Europe mein shailachitron ka ullekh 1868 E. ke aaspaas kiya gaya. baad mein kaaralaail ne 1880-81 ke beech vindhya parvat shrrunkhala ke mirjaapur va reevaan jile mein shailachitron ki pehchaan ki. 1883 mein mi. raakavarn ne is tarah ke shailachitron ka ullekh karte hue mirjaapur ki god, chero, bainga, kharavaar, bhootiya aadi janajaatiyon ke chitraankan ke saath iska tulanaatmak vivran diya. iske baad deshbhar mein shailachitron ka adhyayan praarambh hua. san 1922 mein manoranjan ghosh, 1933 mein deeech goradon, 1952 mein SK paandeya, alanchin, 1967 mein S baakanakar va 1977 mein shankar tivaari, KD vanaji aadi vidvaanon ne is kala ka vistrut adhyayan kiya.

rohataas jile ke shailachitron ka sarvekshan sarvapratham February 1999 mein Colonel Umesh prasaad ke netrutv mein aae parvataarohi dal ne kiya. jismein poorv nideshak puraatatv vibhaag Bihar dau॰ prakaashachand prasaad, captain subhaash dhale, dau॰ Kumar aanand va dau॰ vijay Kumar Singh shaamil the. rohataas gadh ke paas baanda gaanv ki poorab pahaadi ki gufaaon mein chaar shailachitr mile hai. inke naam mithiyaamaan, mangarooaa maan, chanaainamaan, inarabighiya maan hain. ye sabhi shailachitr pahaadi ki oonchaai par gufaaon mein hain. isse spasht hai ki praacheen kaal se hi maanav sabse surakshit sthaan par aavaas banaata raha hai. in sabhi shailachitron ke najadeek hi paani ke srot hain. shailachitron mein vibhinn prakaar ke chittaakarshak drushyon ka ankan hai. sabhi gahre laal rang ke hai. kaheen pashu pakshi to kaheen maanavon ko yuddh karte dikhaaya gaya hai. ek gufa mein shailachitr par nrutya karte to ek mein aadmi jaanavar par baitha hai. mithiya maan mein raaimo ke mukh ke kankaal, suar va bandar ka chitr bana hai. kuchh chitron mein bhaala-baan aadi shastron se pashu pakshiyon ke shikaar ka ankan hai. yeh maanav ke aakhetak jeevan ki jhaanki ka manoram chitran hai.

isi tarah ke shailachitr fulavariya ghaat, geeta ghaat ke sameep ki gufa, kaadim kund, singaaya kund, badki kaapari, budhi khoh, jamuniya maand mein bhi paae gaye hai. yahaan ki janajaatiyon mein aaj bhi deevaaron par bhaaloo, bandar, haathi, ghode, hiran, baagh, kutte aadi ke chitr banaane ki parampara jeevit hai.

sarvekshan dal mein rahe itihaasavid dau॰ vijay Kumar Singh kehte hai ki ye shailachitr praacheen itihaas ki anasulajhi gutthiyon ko sulajhaane mein sahayog kar sakte hain. sarkaar va puraatatvavidon ko Madhya Pradesh mein bheemavetika ki tarah paryatan ki drushti se yahaan ki gufaaon ko sanrakshit va viksit kar paryatakon ko in raak peinting ki gufaaon tak pahunchaana hoga. shail chitron par rekhaaen kheenchakar charavaahe inhe nuksaan pahuncha rahe hai.

puraatatv vijnyaaaniyon ne puraapaashaan, madhya paashaan aur nav paashaan kaal ke avasheshon ke liye vindhya kaimoor shrunkhala aur ganga ke maidaani ilaakon ki maanav sabhyata ke itihaas ke pramukh sthalon ke roop mein pehchaan ki hai. kaimoor parvateeya kshetr unamein kaafi mahatva rakhata hai. saasaaraam aakaashavaani mein kaaryarat da shyaam sundar tivaari ne jile ke dakshini bhaag mein kaimoor pahaadi par 21 nae rock sheltar ki khoj ki hai jo shail chitron ke vishaal khajaane saabit ho sakte hain. kaimoor ke parvateeya kshetron mein mile in shail chitron mein baagh jaise pashu ko maanav dvaara paalatoo kutton ke jariye gherate hue dikhaaya gaya hai. shail chitron mein sooar, baagh, bail aadi paalatoo jaanvaron ko dikhaaya gaya hai. saarodaag mein ek gainde ka chitr bana hai. dharmashaalaamaan mein haathi aur uske bachchon ke bhaagane aur hiran ke shikaar ko darshaaya gaya hai. vaheen daareehaara mein chanainamaan mein ek agyaat lipi bhi dikhi hai. bandha gaanv ke dakshin mein chanain maan se mile shailachitr mein naach karte mahila purush aur paalatoo pashuon ko darshaaya gaya hai. isse pehle rohataas mein senuvaar, sakaas, malaanv aur kaimoor ke akodhi aadi gaanvon mein navapaashaan kaal ke avasheshon ki khoj banaaras hindu vishvavidyaalaya ke itihaas aur puraatatv vibhaag ne ki thi.

varsh 2001 ke 25 May se 27 May tak bhabhuaa mein aayojit raak Art society of India ke chhathe sammelan mein screen par dikhaae gaye kaimoor pahaadi ke shailachitron ko puraatatv vettaaon ne adbhut maanate hue iske sanrakshan ki aavashyakta jataai thi. dau॰ gurucharan ne kaha ki in shailachitron se itihaasakaar praacheen kaal ke kai sootr grahan kar us kaal ke rahan-sahan, kala-sanskruti ke naye adhyaaya likh sakte hai. kintu dukhad sthiti yeh hai ki inki sanraksha par dhyaan naheen diya ja raha hai. puraatatv adhikaari neeraj Singh kehte hai ki kendra va pradesh sarkaar ko prastaav bheja gaya tha. kintu koi kaarravaai naheen hui.