kailaas (mandir)

kailaas (mandir) sansaar mein apne dhang ka anootha vaastu jise maalakhed sthit raashtrakoot vansh ke naresh Krishna (pratham) (760-753 i0) ne nimitt karaaya tha. yeh elora (jila Aurangabad) sthit layan-shrrunkhala mein hai.

kailaas mandir mein patthar ko kaatkar bana sundar stambh

anya layanon ki tarah bheetar se kora to gaya hi hai, baahar se moorti ki tarah samooche parvat ko taraash kar ise Dravid shaili ke mandir ka roop diya gaya hai. apni samagrata mein 276 feet lamba , 154 feet chauda yeh mandir keval ek chattaan ko kaatkar banaaya gaya hai.|iska nirmaan oopar se neeche ki or kiya gaya hai. iske nirmaan ke kram mein anumaanat: 40 hajaar tan bhaar ke patthaaronko chattaan se hataaya gaya. iske nirmaan ke liye pehle khand alag kiya gaya aur fir is parvat khand ko bheetar baahar se kaat-kaat kar 90 foot ooaincha mandir gadha gaya hai. mandir bheetar baahar chaaron or moorti-alankaranon se bhara hua hai. is mandir ke aaaingan ke teen or kothariyon ki paaaint thi jo ek setu dvaara mandir ke oopari khand se sanyukt thi. ab yeh setu gir gaya hai. saamane khule mandap mein nandi hai aur uske donon or vishaalakaaya haathi tatha stambh bane hain. yeh kruti bhaarateeya vaastu-shilpiyon ke kaushal ka adbhut namoona hai.