kaikeyi

kaikeyi saamaanya arth mein 'kekaya desh ki Rajkumari'. tadanusaar mahaabhaarat mein saarvabhaum ki patni, jayatsen ki maata sunanda ko kaikeyi kaha gaya hai. isi prakaar pareekshit ke putr bheemasen ki patni, pratishrava ki maata kumaari ko bhi kaikeyi naam diya gaya hai.

kintu roodh evam ati prachalit roop mein ' kaikeyi ' kekeya desh ke raaja ashvapati & Shubhlakshana ki kanya evam kosalanaresh dasharath ki kanishth kintu atyant priya patni ka naam hai. iske garbh se bharat ka janm hua tha. jab raaja dasharath devadaanav yuddh mein devataaon ke sahaayataarth gaye the tab kaikeyi bhi unke saath gayi thi. yuddh mein dasharath ke rath ka dhura toot gaya us samay kaikeyi ne dhure mein apna haath lagaakar rath ko tootane se bachaaya aur dasharath yuddh karte rahe. yuddh samaapt hone par jab dasharath ki is baat ka pata laga to prasann hokar kaikeyi ko do var maaaingane ke liye kaha. kaikeyi ne use yathaasamaya maaaingane ke liye rakh chhoda. jab Ram ko Yuvraj banaane ki charcha uthi tab manthara naamni daasi ke bahakaave me aakar kaikeyi ne dasharath se apne un do varon ke roop mein Ram ke liye 14 varsh ka vanavaas aur bharat ke liye raajya ki maaaing ki. tadanusaar Ram van ko gaye par bharat ne raajya grahan karna sveekaar naheen kiya, maata ki bhartsana ki aur Ram ko lauta laane ke liye van gaye. us samay kaikeyi bhi unke saath gayi.

ek anushruti yeh bhi hai ki kekayanaresh ne dasharath ke saath kaikeyi ka vivaah karte samay dasharath se vachan liya tha ki unka dauhitr, kaikeyi ka putr raajya ka adhikaari hoga.