kachh

kachh
jila
samay mandal: IST (UTC+5:30)
desh Flag of India.svg Bhaarat
raajya Gujarat
jila kachh

Erioll world.svgnirdeshaank: 23°a08′aN 69°a48′aE / 23.13°aN 69.8°aE / 23.13; 69.8

kachh Gujarat praant ka ek jila hai. Gujarat yaatra kachh jile ke bhraman ke bina adhoori maani jaati hai. paryatakon ko lubhaane ke liye yahaan bahut kuchh hai. jile ka mukhyaalaya hai bhuj. jile mein paryatan ko badhaava dene ke liye har varsh kachh mahotsav aayojit kiya jaata hai. 45652 varg kimi. ke kshetrafal mein faile Gujarat ke is sabse bade jile ka adhikaansh hissa reteela aur daladali hai. jakhaaoo, kaandala aur mundra yahaan ke mukh‍aaya bandargaah hain. jile mein anek aitihaasik imaaratein, mandir, masjid, hil station aadi paryatan sthalon ko dekha ja sakta hai.

milein avasheshon ke aadhaar par kachh praacheen sindhu sanskruti ka hissa maana jaata hai. san 1270 mein kachh ek svatantr pradesh tha. san 1815 mein yeh british saamraajya ke adheen hua | rajavaade ke roop mein kachh ke tatkaaleen mahaaraaja ne british satta sveekaar kar li | san 1947 mein Bhaarat ki svatantrata ke baad kachh tatkaaleen ' mahaagujaraat ' raajya ka jila bana | san 1950 mein kachh Bhaarat ka ek raajya bana | 1 November san 1956 ko yeh Mumbai raajya ke antargat aaya | san 1960 mein bhaasha ke aadhaar par Mumbai raajya ka Maharashtra aur Gujarat mein vibhaajan ho gaya tatha kachh Gujarat ka ek hissa ban gaya.

san 1947 mein Bhaarat ke vibhaajan ke pashchaat sindh aur Karachi mein sthit bandargaah Pakistan ke antargat chala gaya. svatantr Bhaarat ki sarkaar ne kachh ke kandala mein naveen bandargaah viksit karne ka nirnaya liya | kandala bandargaah pashchim Bhaarat ka ek mahatvapoorn bandargaah hai |

itihaas mein 16 June san 1815 ka din kachh ke pehle bhookamp ke roop mein darj hai. 26 January 2001 mein aaya prachand bhookamp ka kendra kachh jile ke anjaar mein tha. kachh ke 185 varsh ke darj bhoostareeyashaastr ke itihaas mein yeh sabse bada bhookamp tha.

kachh ki ran - samudra ka paani sookhane se jama hue namak ke kaaran shvet hua bhoomikshetr

anukram

pramukh aakarshan

dhaulaaveera

yeh puraataatvik sthal hadappa sanskruti ka pramukh kendra tha. jila mukhyaalaya bhuj se kareeb 250 kimi. door sthit dhaulaaveera yeh baat saabit karta hai ki ek jamaane mein hadappa sanskruti yahaan fali-fooli thi. yeh sanskruti 2900 isa poorv se 2500 isa poorv ki maani jaati hai. sindhu ghaati sabhyata ke anek avasheshon ko yahaan dekha ja sakta hai. vartamaan mein bhaarateeya puraatatv vibhaag iski dekharekh karta hai.

kachh maandavi beech

bhuj se kareeb 60 kimi. door sthit yeh beech Gujarat ke sabse aakarshak beechon mein ek maana jaata hai. door-door faile neele paani ko dekhna aur yahaan ki ret par talahana paryatakon ko khoob bhaata hai. saath ki anek prakaar ke jalapakshiyon ko bhi yahaan dekha ja sakta hai. sooryodaya aur sooryaast ka najaara yahaan se bada aakarshak prateet hota hain.

kanthakot kila

ek alag-thalag pahaadi ke shikhar par bane is kile ka nirmaan 8veen shataabdi mein hua tha. alag-alag samay mein is par solanki, chaavada aur vaghel vashon ka niyantran raha. 1816 mein angrejon ne is par adhikaar kar liya aur iska adhikaansh hissa nasht kar diya. kile ke nikat hi kanthadanaath mandir, jain mandir aur soorya mandir ko bhi dekha ja sakta hai.

Narayan sarovar mandir

Bhagwan vishnu ke sarovar ke naam se charchit is sthaan mein vaastav mein paanch pavitra jheelein hain. Narayan sarovar ko hinduon ke ati praacheen aur pavitra teerthasthalon mein shumaar kiya jaata hai. saath hi in taalaabon ko Bhaarat ke sabse pavitra taalaabon mein gina jaata hai. shri trikmaraayaji, lakshmeenaaraayan, govardhananaathaji, dvaarakaanaath, aadinaaraayan, ranachhodaraayaji aur lakshmeeji ke mandir aakarshak mandiron ko yahaan dekha ja sakta hai. in mandiron ko mahaaraaj shri deshalaji ki raani ne banavaaya tha.

bhadreshvar jain mandir

bhadraavati mein sthit yeh praacheen jain mandir jain dharm ke anuyaayiyon ke liye ati pavitra maana jaata hai. bhadraavati mein 449 isa poorv raaja siddhasen ka shaasan tha. baad mein yahaan solankiyon ka adhikaar ho gaya jo jain mataavalanbi the. unhonnein is sthaan ka naam badalkar bhadreshvar rakh diya.

kaandala bandargaah

yeh raashtreeya bandargaah desh ke 11 sabse mahatvapoorn bandaragaahon mein ek hai. yeh bandargaah kaandala nadi par bana hai. is bandargaah ko mahaaraav shri khenagaraji truteeya aur british sarkaar ke sahayog se 19veen shataabdi mein viksit kiya gaya tha.

maandavi bandargaah

is bandargaah ko viksit karne ka shreya mahaaraaj shri khenagaraji pratham ko jaata hai. lekhak milbarn ne maandavi ko kachh ke sabse mahaan bandaragaahon mein ek maana hai. badi sankhya mein paani ke jahaajon ko yahaan dekha ja sakta hai.

mundra bandargaah

yeh bandargaah mundra shahar se kareeb 10 kimi. ki doori par hai. old port aur adani port yahaan dekhe ja sakte hain. yeh bandargaah poore saal vyast rahate hain aur anek videshi paani ke jahaajon ka yahaan se aana-jaana laga rahata hai. doosare raajyon se bahut se log yahaan kaam karne aate hain.

jakhaoo bandargaah

yeh bandargaah kachh jile ke sabse praacheen bandaragaahon mein ek hai. vartamaan mein maatr machhali pakadane ke uddeshya se iska prayog kiya jaata hai. kachh jile ke is khoobsoorat bandargaah mein tatarakshak kendra aur beeesaf ka jalavibhaag hai.

aavaagaman

vaayu maarg

bhuj vimaanakshetr aur kaandala vimaanakshetr kachh jile ke do mahatvapoorn airport hain. Mumbai se yahaan ke liye niyamit flaaits hain.

rel maarg

gaandheedhaam aur bhuj mein jile ke najadeeki railway station hain. yeh railway station kachh ko desh ke anek hisson se jodte hain.

sadak maarg

kachh sadak maarg dvaara Gujarat aur anya padosi raajyon ke bahut se shaharon se juda hua hai. raajya parivhan aur praaivet deelaks basein Gujarat ke anek shaharon se kachh ke liye chalti rahati hain.

baahari kadiyaaain