kachchaan

thai parampara ke anusar bani kachchaan ki pratima

kachchaan (sanskrut : kaatyaayan) ya 'mahaakachchaan' buddh Bhagwan ke das shishyon mein se ek param riddhimaan‌ shishya the, jinki prashansa mein kaha gaya hai :

ye aayushmaan‌ mahaakaatyaayan, buddh dvaara prashansit, sabrahmachaariyon dvaara prashansit aur shaasta dvaara sankshep mein kahe hue upadesh ka vistaar se arthavibhaag karne mein samarth hain. (m.ni.-madhu pin. sutt).

rachanaaeain

19veen sadi mein brahmadesh mein likhe gaye 'gandhavanso' ke anusaar mahaakachchaan ki chhah rachanaaeain hain-

1. kachchaayan gandhon,
2. mahaanirutti gandho,
3. chullanirutti gandhon,
4. netti gandho,
5. petakopades gandho, aur
6. vannanetti gandho.

kintu na to in granthon ke karta buddh ke samakaaleen ukt mahaakaatyaayan hain aur na ve sab kisi ek hi granthakaar ki rachanaaeain hain. 'netti gandh' ya neeti prakaran anumaanat: pratham shati ke aaspaas ki rachana hai aur usamein buddh ke upadeshon ka vargeekaran, paathon ke shaastreeya niyam, mantavyon ki naana drushtiyon se soochiyaaain tatha shabdon ki vyaakhya evam taatparya ka nirnaya upasthit karne ka prayatn kiya gaya hai. is granth par paaainchaveen sadi mein dhammapaal dvaara nettiprakaranaatthasanvanna naamak atthakatha likhi gayi. petakopades mein nettiprakaran ke vishay ko kuchh bhinn reeti se buddh shaasan ke chaar aaryasatyon ke anusaar vyavasthit kiya gaya hai. iske karta kachchaan ya mahaakachchaan pruthak hi prateet hote hain. vannanetti granth ki koi vishesh prasiddhi naheen hai. shesh teen rachanaaeain vyaakaran vishyak hain.

kachchaan vyaakaran paali bhaasha ka praacheenatam upalabdh vyaakaran hai, jismein kul 675 sootr hain. iski rachana mein sanskrut ke kaatantr vyaakaran tatha ashtaadhyaayi evam usaki kaashikaavrutti ka anusaran paaya jaata hai. at: iska rachanaakaal saataveen sadi se poorv naheen ho sakta. ispar vimlabuddhi dvaara mukhamattadeepani naamak teeka tatha nyaas 11veen sadi mein racha gaya aur usapar chhappad aachaarya ne 12veen sadi mein nyaasapradeep naamak teeka likhi. chhappad ki kachchaan vyaakaran par alag se bhi suttaniddes naamak ek teeka hai. tatpashchaat‌ is vyaakaran par sthavir sangharakshitkrut sanbandhachinta, sanddhamaasireekrut saddat‌aath-bhed-chinta, buddhipriya deepankarakrut roopasiddhi, dharmakeertikrut baalaavataar vyaakaran, naagittakrut saddatathajaalini, mahaayaasakrut kachchaanayanabhed aur kachchaayanasaar, kyachvaakrut saddabindu tatha baalappabodhan, Abhinav chullanirutti, kachchaayanavandana aur dhaatumanjoosha naamak teekaaeain bhinn-bhinn kartaaon dvaara kramash: 17veen-18veen sadi tak rachi gain aur unapar bhi anek granth teeka tippani ke roop mein likhe gaye. isse kachchaan vyaakaran ke mahatva evam prachaar ka pata chalta hai.