kaavyaprakaash

kaavyaprakaash (sanskrut mein kaavyaprakaash:), aachaarya mammat dvaara rachit kaavya ki parakh kaise ki jaaya is vishay par udaaharan sahit likha gaya ek vistrut evam atyant mahattvapoorn evam praamaanik granth maana jaata hai.[1] is granth ka adhyayan aaj bhi vishvavidyaalayon ke sanskrut vibhaag mein padhne vaale saahitya ke vidyaarthiyon ke liye atyant mahattvapoorn samjha jaata hai.[2]

anukram

granth ke adhyaaya

aachaarya mammat ya mammataachaarya ne kaavya prakaash ko 10 bhaagon mein baanta hai jisko unhonne pratham ullaas, dviteeya ullaas aadi naam diye hain.
pratham ullaas mein mangalaacharan ke baad kavisrushti ki visheshataaeain, anubandh, kaavya ke prayojan, upadesh ki trividh shaili ke vishay mein baat karte hue ve mayoorabhatt, vaaman, bhaamah tatha kuntak ke prayojanon ka vishleshanaatmak adhyayan karte hain, kavi tatha paathak ya shrota ki drushti se kaavya ka prayojan ke vishay mein charcha karte hain tatha bharatamuni ke kaavya prayojan spasht karte hain. prayojan ke pashyaat pratham adhyaaya ko unhonne vibhinn aachaaryon ke kaavya hetuon ka vishleshan kiya hai, kaavya ke lakshan bataae hain aur aachaarya vishvanaath ke udaaharan ki aalochna karte hue pratham adhyaaya ki samaapti ki hai. iska naam unhonne rakha hai- kaavya-prayojan-kaaran-svaroop nirnaya.
dviteeya ullaas mein shabd kya hai; aur usaki shakti kya hai; is vishay mein poorvavarti aachaaryon ke mat ka vishleshan karte hue unhonne apni rai prakat ki hai. unhonne shabd ki teen shaktiyaaain abhidha, vyanjana aur lakshana ke vishay mein baat ki hai aur vyanjana ko kaavya ke liye sarvottam gun siddh kiya hai. sheershak hai- shabdaarth svaroop nirnaya.
truteeya ullaas mein arth ki vishd vyaakhya ki gayi hai. arth kya hai; arth ke kitne bhed ho sakte hain; poorvavarti aachaaryon ne is vishay mein kya kaha hai; aur swayam unka is vishay mein kya vichaar hai iska varnan kiya gaya hai. sheershak hai - arthavyanjakata nirnaya.
chaturth ullaas mein kaavya ke pratham bhed dhvani kaavya ke vishay mein bataate hue ras, ras ki nishpatti, uske bhaav, anubhaavon ka vishleshan tatha poorvavarti aachaaryon ke saath usaka samaalochanaatmak adhyayan prastut kiya gaya hai. ras mein vyanjakata kis prakaar nirmit hoti hai vah shrota tak kaise pahuainchati hai tatha dhvani se usaka kya taadaatmya hai yeh is adhyaaya mein bataaya gaya hai. is adhyaaya mein rasavadalankaaron (aise alankaar jinse kaavya mein ras ki utpatti hoti hai) ka bhi varnan hai aur yeh bhi bataaya gaya hai ki ve arth vyanjana mein kis prakaar mahatvapoorn siddh hote hain. adhyaaya ka sheershak hai-dhvani nirnaya.
pancham ullaas mein kaavya ke doosare bhed guneebhoot vyangya kaavya ke aath bhed diye gaye hain. poorvavarti aachaaryon ke saath unki paribhaasha ki vivechana karte hue kaavya mein vyanjana shakti vishyak anek aachaaryon ki paribhaasha tatha udaaharan ka khandan-mandan karte hue apne mat ka pratipaadan kiya hai. sheershak hai dhvaniguneebhootavyangyasankeernabhed nirnaya.
shashth ullaas mein kaavya ke teesare bhed chitrakaavya ke do bhed shabd chitr aur arth chitr ke vishay mein bataate hue poorvavarti aachaaryon ki paribhaashaaon aur udaaharanon ki samaalochana prastut ki gayi hai. sheersh k hai-shabdaarthachitr-niroopan.
saptam ullaas mein kaavya ke doshon ke vish mein vistrut vyaakhya hai. shrutiktu aadi 16 dosh ginaae gaye hain aur inke vish mein vistaar se charcha ki gayi hai. sheershak hai doshadarshan.
ashtam ullaas mein kaavya ke gun unke teen bhed teeno bhaidon ki vyaakhya, aachaarya vaaman dvaara bataae gaye das arth gunon ka khandan tatha gunaanusaarini rachana ke apavaadon ki vivechana ki gayi hai. sheershak hai- gunaalankaar bhed nirnaya.
navam ullaas mein shabdaalankaaron ki paribhaasha, udaaharan, prayog aur apavaadon ka varnan hai.
dasham ullaas mein arthaalankaaron ki paribhaasha, udaaharan, prayog aur apavaadon ka varnan hai.[3]

inhein bhi dekhein

sandarbh

  1. "KSEMENDRA - A PEOPLE'S POET" (echateeemael). vitsta enual number. http://vitasta.org/1999/5a.html. abhigman tithi: 2008.
  2. "Sanskrit DepartmentDR. HARISINGH GOUR VISHWAVIDYALAYA SAGAR (M.P.) INDIA". sanskrut saagar. http://sanskritsagar.com/. abhigman tithi: 2008.
  3. aachaarya, vishveshvar (1960). kaavyaprakaash teeka. Varanasi, Bhaarat: jnyaaanamandal limited. pa॰ 64.

baahari kadiyaaain