kaarteeya nirdeshaank paddhati

Fig. 1 - kaarteeya nirdeshaank paddhati. chaar bindu prakat hain: (2,3) hare mai, (-3,1) laal mai, (-1.5,-2.5) neele mai aur (0,0), mool bindu, peele mein.

ganit mein kaarteeya nirdeshaank paddhati (cartesian coordinate system), samatal me kisi bindu ki sthiti ko do anko ke dvaara adviteeya roop se darshaane ke liye prayukt hoti hai. in do anko ko us bindu ke kramash: X-nirdeshaank va Y-nirdeshaank kaha jaata hai. iske liye do lanbavat rekhaaen nirdhaarit ki jaati hain jinhe X-aksh aur Y-aksh kehte hain. inke kataan bindu ko mool bindu (origin) kehte hain. jis bindu ki sthiti darshaani hoti hai, us bindu se in akshon par lamb daale jaate hain. is bindu se Y-aksh ki doori ko us bindu ka X-nirdeshaank ya bhuj kehte hain. isi prakaar is bindu ki X-aksh se doori ko us bindu ka Y-nirdeshaank ya koti kehte hai.

udaaharan ke liye yadi kisi bindu ki Y-aksh se (lambavat) doori a tatha X-aksh se doori b ho to kramit-yugm (a,b) ko us bindu ka kaarteeya nirdeshaank kehte hain.

inhein bhi dekhiye