kaamasootr

mukteshvar mandir ki kaamadarshi moorti

kaamasootr maharshi vaatsyaayan dvaara likha gaya Bhaarat ka ek praacheen kaamashaastr (en:Sexology) granth hai. kaamasootr ko uske vibhinn aasanon ke liye hi jaana jaata hai. maharshi vaatsyaayan ka kaamasootr vishv ki pratham yaun sanhita hai[tathya vaanchhit] jismein yaun prem ke manoshaareerik siddhaanton tatha prayog ki vistrut vyaakhya evam vivechana ki gayi hai. arth ke kshetr mein jo sthaan kautilya ke arthashaastr ka hai, kaam ke kshetr mein vahi sthaan kaamasootr ka hai.

adhikrut pramaan ke abhaav mein maharshi ka kaal nirdhaaran naheen ho paaya hai. parantu anek vidvaanon tatha shodhakartaaon ke anusaar maharshi ne apne vishvavikhyaat granth kaamasootr ki rachana isa ki truteeya shataabdi ke madhya mein ki hogi[tathya vaanchhit]. tadanusaar vigat satrah shataabdiyon se kaamasootr ka varchasv samast sansaar mein chhaaya raha hai aur aaj bhi kaayam hai[tathya vaanchhit]. sansaar ki har bhaasha mein is granth ka anuvaad ho chuka hai[tathya vaanchhit]. iske anek bhaashya evam sanskaran bhi prakaashit ho chuke hain. vaise is granth ke jayamangala bhaashya ko hi praamaanik maana gaya hai[tathya vaanchhit]. koi do sau varsh poorv prasiddh bhaashaavid sar richrd ef bartan (Sir Richard F. Burton) ne jab Britain mein iska angreji anuvaad karavaaya to chaaron or tahalaka mach gaya[tathya vaanchhit] aur iski ek-ek prati 100 se 150 pound tak mein biki[tathya vaanchhit]. arab ke vikhyaat kaamashaastr 'sugandhit baag' (Perfumed Garden) par bhi is granth ki amit chhaap hai[tathya vaanchhit].

maharshi ke kaamasootr ne na keval daampatya jeevan ka shrungaar kiya hai varan kala, shilpakala evam saahitya ko bhi sanpadit kiya hai. Rajasthan ki durlabh yaun chitrakaari tatha khajuraaho, konaark aadi ki jeevant shilpakala bhi kaamasootr se anupraanit hai. reetikaaleen kaviyon ne kaamasootr ki manohaari jhaankiyaan prastut ki hain to geet govind ke gaayak jayadev ne apni laghu pustika 'ratimanjari' mein kaamasootr ka saar sankshep prastut kar apne kaavya kaushal ka adbhut parichay diya hai[tathya vaanchhit].

anukram

sanrachana

mallanaag baatsyaayan rachit kaamasootr granth 7 bhaagon mein vibhkt hai jinmein kul 36 adhyaaya tatha 1250 shlok hain.

iske saath bhaagon ke naam hain-

1. saadhaaranam (bhoomika)

2. sanprayogikm (yaun milan)

3. kanyaasamprayuktakam (patneelaabh)

4. bhaaryaadhikaarikm (patni se sampark)

5. paaradaarikm (anyaanya patni sankraant)

6. vaishikm (rakshita)

7. aupanishdikm (vasheekaran)

  • (1) saadhaaranam
  • 1.1 shaastrasangrah:
  • 1.2 trivrgapratiptti:
  • 1.3 vidyaasamuddesh:
  • 1.4 naagarakavruttam
  • 1.5 naayakasahaayadooteekarmavimrsh:
  • (2) saanprayogikan naam dviteeyam adhikranam
  • 2.1 pramaanakaalabhaavebhyo rataavasthaapanam
  • 2.2 aaliङaganavichaara
  • 2.3 chumbanaviklpaas
  • 2.4 nakharadanajaatay:
  • 2.5 dashanachhedyavihyo
  • 2.6 sanveshanaprakaaraashchitrarataani
  • 2.7 prahananaprayogaas tadyuktaash ch seetkrutakramaa:
  • 2.8 purushopasruptaani purushaayitan
  • 2.9 auparishtakan navamo
  • 2.10 rataarambhaavasaanikan ratavisheshaa: pranayakalahash ch
  • (3) kanyaasanprayuktakan
  • 3.1 varanasanvidhaanam sanbandhanishchay: ch
  • 3.2 kanyaavisrambhanam
  • 3.3 baalaayaam upakramaa: iङagitaakaarasoochanam ch
  • 3.4 ekapurushaabhiyogaa:
  • 3.5 vivaahayog
  • (4) bhaaryaadhikaarikan
  • 4.1 ekachaarineevruttan pravaasacharya ch
  • 4.2 jyeshthaadivrutt
  • (5) paaradaarikan
  • 5.1 streepurushasheelavasthaapanan vyaavartanakaaranaani streeshu siddhaa: purusha ayatnasaadhya yoshit:
  • 5.2 parichyakaaranaany abhiyoga hechked
  • 5.3 bhaavapareeksha
  • 5.4 dooteekarmaani
  • 5.5 ishvarakaamitan
  • 5.6 aant:purikan daararakshitkan
  • (6) vaishikan
  • 6.1 sahaayagamyaagamyachinta gamanakaaranan gamyopaavartanan
  • 6.2 kaantaanuvruttan
  • 6.3 arthaagamopaaya virktaliङagaani virktapratipttir nishkaasanakramaas
  • 6.4 visheernapratisandhaanan
  • 6.5 laabhavisheshaa:
  • 6.6 arthaanarthanubandhasanshayavichaara veshyaavisheshaash ch
  • (7) aupanishdikan
  • 7.1 subhagankaranan vasheekaranan vrushyaash ch yogaa:
  • 7.2 nashtaraagapratyaanayanan vruddhividhyash chitraash ch yoga

kaam-vishyak anya praacheen granth

  • jyotireeshvar krut panchasaayak :- mithila naresh harisinhadev ke sabhaapandit kavishekhar jyotireeshvar ne praacheen kaamashaastreeya granthon ke aadhaar grahan kar is granth ka pranayan kiya. 396 shlokon evam 7 saayakaroop adhyaayon mein nibddh yeh granth aalochakon mein paryaapt lokapriya raha hai.
  • padmashreejnyaaan krut naagarasarvasv:- kalaamarmajnya braahman vidvaan vaasudev se sanprerit hokar bauddhabhikshu padmashreejnyaaan is granth ka pranayan kiya tha. yeh granth 313 shlokon evam 38 parichhedon mein nibddh hai. yeh granth Damodar gupt ke "kuttaneemat" ka nirdesh karta hai aur "naatakalakshanaratnakosh" evam "shaarङagadharapaddhati" mein svayannirdisht hai. isliye iska samay dasham shati ka ant mein sveekrut hai.
  • jayadev krut ratimanjari :- 60 shlokon mein nibddh apne laghukaaya roop mein nirmit yeh granth aalochakon mein paryaapt lokapriya raha hai. yeh granth dau॰ sankarshan tripaathi dvaara hindi bhaashya sahit chaukhanba vidyaabhavan, Varanasi se prakaashit hai.
  • kokkok krut ratirhasya :- yeh granth kaamasootr ke pashchaat doosra khyaatilbdh granth hai. parampara kokkok ko Kashmiri sveekaarati hai. kaamasootr ke saanprayogik, kanyaasanpraruktak, bhaaryaadhikaarik, paaradaarik evam aupanishdik adhikranon ke aadhaar par paaribhdr ke pautr tatha tejok ke putr kokkok dvaara rachit is granth 555 shlokon evam 15 parichhedon mein nibddh hai. inke samay ke baare mein itna hi kaha ja sakta hai ki kokkok saptam se dasham shatak ke madhya hue the. yeh kruti janamaanas mein itni prasiddh hui sarvasaadhaaran kaamashaastr ke paryaaya ke roop mein "kokashaastr" naam prakhyaat ho gaya.
  • kalyaanamall krut anangarang:- muslim shaasak lodeevanshaavatansh ahamadakhaan ke putr laadakhaan ke kutoohalaarth bhoopamuni ke roop mein prasiddh kalaavidgdh kalyaanamall ne is granth ka pranayan kiya tha. yeh granth 420 shlokon evam 10 sthalaroop adhyaayon mein nibddh hai.

inhein bhi dekhein

baahari kadiyaaain