kaamaayani

kaamaayani hindi bhaasha ka ek mahaakaavya hai. iske rachayita jayashankar prasaad hain. yeh aadhunik chhaayaavaadi yug ka sarvottam aur pratinidhi hindi mahaakaavya hai. 'prasaad' ji ki yeh antim kaavya rachana 1936 E. mein prakaashit hui, parantu iska pranayan praaya: 7-8 varsh poorv hi praarambh ho gaya tha. 'chinta' se praarambh kar 'aanand' tak 15 sargon ke is mahaakaavya mein maanav man ki vividh antarvruttiyon ka kramik unmeelan is kaushal se kiya gaya hai ki maanav srushti ke aadi se ab tak ke jeevan ke manovaigyaanik aur saanskrutik vikaas ka itihaas bhi spasht ho jaata hai.

kala ki drushti se kaamaayani chhaayaavaadi kaavyakala ka sarvottam prateek maana ja sakta hai. chittavruttiyon ka kathaanak ke paatr ke roop mein avataran is kaavya ki anyatam visheshata hai. aur is drushti se lajja, saundarya, shraddha aur ida ka maanav roop mein avataran hindi saahitya ki anupam nidhi hai.kaamaayani pratyabhijnyaa darshan par aadhaarit hai . saath hi is par aravind darshan aur Gandhi darshan ka bhi prabhaav yatr tatr mil jaata hai .

parichay

maanav ke agrajanma Dave nishchint jaati ke jeev the. kisi bhi prakaar ki chinta na hone ke kaaran ve 'chir-kishor-vaya' tatha 'nityavilaasi' Dave aatm-mangal-upaasana mein hi vibhor rahate the. prakruti yeh atichaar sahan na kar saki aur usane apna pratishodh liya. bheeshan jalaplaavan ke parinaamasvaroop devasrushti ka vinaash hua, keval manu jeevit bache. devasrushti ke vidhvans par jis maanav jaati ka vikaas hua uske mool mein thi 'chinta', jiske kaaran vah jara aur mrutyu ka anubhav karne ko baadhya hui. chinta ke atirikt manu mein daivi aur aasuri vruttiyon ka bhi sangharsh chal raha tha jiske kaaran unamein ek or aasha, shraddha, lajja aur ida ka aavirbhaav hua to doosari or kaamavaasana, irsha aur sangharsh ki bhi bhaavana jagi. in virodhi vruttiyon ke nirantar ghaat-pratighaat se manu mein nirved jaga aur shraddha ke pathapradarshan se yahi nirved kramash: darshan aur rahasya ka gyaan praapt kar ant mein aannad ki upalabdhi ka kaaran bana. yeh chinta se aanand tak maanav ke manauvaijnyaaanik vikaas ka kram hai. saath hi maanav ke aakhetak roop mein praarambh kar shraddha ke prabhaav se pashupaalan, krushak jeevan aur ida ke sahayog se saamaajik aur audyogik kraanti ke roop mein bhautik vikaas evam ant mein aadhyaatmik shaanti ki praapti ka udyog maanav ke saanskrutik vikaas ke vividh sopaan hain. is prakaar kaamaayani maanav jaati ke udbhav aur vikaas ki kahaani hai.

prasaad ne is kaavya ke pradhaan paatr 'manu' aur kaamaputri kaamaayani 'shraddha' ko aitihaasik vyakti ke roop mein maana hai, saath hi jalaplaavan ki ghatna ko bhi ek aitihaasik tathya sveekaar kiya hai. shatapath braahman ke pratham kaand ke aathavein adhyaaya se jalaplaavan sambandhi ullekhon ka sankalan kar prasaad ne is kaavya ka kathaanak nirmit kiya hai, saath hi upanishd aur puraanon mein manu aur shraddha ka jo roopak diya gaya hai, unhonne use bhi asveekaar naheen kiya, varan‌ kathaanak ko aisa svaroop pradaan kiya jismein manu, shraddha aur ida ke roopak ki bhi sangati bhali bhaaainti baith jaae. parantu sookshm srushti se dekhne par jaan padta hai ki in charitron ke roopak ka nirvaah hi adhik sundar aur susanyat roop mein hua, aitihaasik vyakti ke roop mein ve poornat: ekaangi aur vyaktitvaheen ho gaye hain.

manu man ke samaan hi asthirmati hain. pehle shraddha ki prerana se ve tapasvi jeevan tyaag kar prem aur pranaya ka maarg grahan karte hain, fir asur purohit aakuli aur kilaat ke bahakaave mein aakar hinsaavrutti aur svechhaacharan ke vasheebhoot ho shraddha ka sukh-saadhan-nivaas chhod jhanjha sameer ki bhaaainti bhatakate hue saarasvat pradesh mein pahuainchate hain; shraddha ke prati manu ke durvyavahaar se kshubdh kaam ka abhishaap sun hataash ho kinkartavyavimoodh ho jaate hain aur ida ke sansarg se buddhi ki sharan mein ja bhautik vikaas ka maarg apnaate hain. vahaaain bhi sanyam ke abhaav ke kaaran ida par atyaachaar kar baithate hain aur praja se unka sangharsh hota hai. is sangharsh mein paraajit aur prakruti ke rudr prakop se vikshubdh manu jeevan se virkt ho palaayan kar jaate hain aur ant mein shraddha ke pathapradarshan mein usaka anusaran karte hue aadhyaatmik aanand praapt karte hain. is prakaar shraddha—aaastikya bhaava—aatatha ida—abauddhik kshamataa—aka manu ke man par jo prabhaav padta hai usaka sundar vishleshan is kaavya mein milta hai.

kaavya roop ki drushti se kaamaayani chintanapradhaan hai, jismein kavi ne maanav ko ek mahaan‌ sandesh diya hai. 'tap naheen, keval jeevanasatya' ke roop mein kavi ne maanav jeevan mein prem ki mahatta ghoshit ki hai. yeh jagat‌ kalyaanabhoomi hai, yahi shraddha ki mool sthaapana hai. is kalyaanabhoomi mein prem hi ekamaatr shreya aur preya hai. isi prem ka sandesh dene ke liye kaamaayani ka avataar hua hai. prem maanav aur keval maanav ki vibhooti hai. maanavetar praani, chaahe ve chirvilaasi Dave hon, chaahe Dave aur praan ki pooja mein nirt asur, daitya aur daanav hon, chaahe pashu hon, prem ki kala aur mahima ve naheen jaante, prem ki pratishtha keval maanav ne ki hai. parantu is prem mein saamarasya ki aavashyakta hai. samarasata ke abhaav mein yeh prem uchhrunkhal pranayavaasana ka roop le leta hai. manu ke jeevan mein is saamarasya ke abhaav ke kaaran hi maanav praja ko kaam ka abhishaap sahana pad raha hai. bhed-bhaav, ooainch-neech ki pravrutti, aadanbar aur danbh ki durbhaavana sab isi saamarasya ke abhaav se utpann hoti hain jisse jeevan du:khamaya aur abhishaapagrast ho jaata hai. kaamaayani mein isi kaaran samarasata ka aagrah hai. yeh samarasata dvandv bhaavana mein saamanjasya upasthit karti hai. sansaar mein dvandvon ka udgam shaashvat tatv hai - fool ke saath kaaainte, bhaav ke saath abhaav, sukh ke saath du:kh aur raatri ke saath din nitya laga hi rahata hai. maanav inmein apni ruchi ke anusaar ek ko chun leta hai, doosare ko chhod deta hai aur yahi uske vishaad ka kaaran hai. maanav ke liye donon ko sveekaar karna aavashyak hai, kisi ek ko chhod dene se kaam naheen chalta. yahi dvandvon ki samanvaya sthiti hi saamarasya hai. prasaad ne hrudaya aur mastishk, bhakti aur gyaan, tap, sanyam aur pranaya, prem, ichha, gyaan aur kriya sabke samanvaya par bal diya hai. uparyukt vivechan se spasht hai ki kaamaayani ek prateekaatmak kaavya hai jisme manu,shraddha,ida,Kumar,kulaat-aakuli,shvet vrushabh aadi kramash: man,(),buddhi,maanav,aasuri bhaav,dharm ke pratik hain.

sargon ke naam

  1. chinta
  2. aasha
  3. shraddha
  4. kaam
  5. vaasana
  6. lajja
  7. karm
  8. irshya
  9. ida (tark, buddhi)
  10. svapn
  11. sangharsh
  12. nirved (tyaag)
  13. darshan
  14. rahasya
  15. aanand

baahari kadiyaaain