kaalidaas

kaalidaas sanskrut bhaasha ke mahaan kavi aur naatakakaar the.^[1] unhonne Bhaarat ki pauraanik kathaaon aur darshan ko aadhaar banaakar rachanaaen ki aur unki rachanaaon mein bhaarateeya jeevan aur darshan ke vividh roop aur mool tatv niroopit hain. kaalidaas apni inheen visheshataaon ke kaaran raashtra ki samagr raashtreeya chetna ko svar dene vaale kavi maane jaate hain aur kuchh vidvaan unhein raashtreeya kavi ka sthaan tak dete hain.^[2]

abhijnyaaanashaakuntalam kaalidaas ki sabse prasiddh rachana hai. yeh naatak kuchh un bhaarateeya saahityik krutiyon mein se hai jinka sabse pehle Europeeya bhaashaaon mein anuvaad hua tha. yeh poore vishv saahitya mein agraganya rachana maani jaati hai. meghadootam kaalidaas ki sarvashreshth rachana hai jismein kavi ki kalpanaashakti aur abhivyanjanaavaadabhaavaabhivyanjana shakti apne sarvotkrusht star par hai aur prakruti ke maanaveekaran ka adbhut rakhandakaavye se khandakaavya mein dikhta hai.^[3]

kaalidaas vaidarbhi reeti ke kavi hain aur tadanuroop ve apni alankaar yukt kintu saral aur madhur bhaasha ke liye vishesh roop se jaane jaate hain.^[4]

unke prakruti varnan adviteeya hain aur vishesh roop se apni upamaaon ke liye jaane jaate hain.^[5] saahitya mein audaarya gun ke prati kaalidaas ka vishesh prem hai aur unhonne apne shrungaar ras pradhaan saahitya mein bhi aadarshavaadi parampara aur naitik moolyon ka samuchit dhyaan rakha hai.

kaalidaas ke paravarti kavi baanabhatt ne unki sooktiyon ki vishesh roop se prashansa ki hai.^[6]

kaalidaas kis kaal mein hue aur ve moolat: kis sthaan ke the ismein kaafi vivaad hai. chooainki, kaalidaas ne dviteeya shung shaasak agnimitr ko naayak banaakar maalavikaagnimitram naatak likha aur agnimitr ne 170 isaapoorv mein shaasan kiya tha, at: kaalidaas ke samay ki ek seema nirdhaarit ho jaati hai ki ve isse pehle naheen hue ho sakte. chhatheen sadi isavi mein baanabhatt ne apni rachana harshacharitm mein kaalidaas ka ullekh kiya hai tatha isi kaal ke pulakeshin dviteeya ke ehol abhilekh mein kaalidaas ka jikr hai at: ve inke baad ke naheen ho sakte. is prakaar kaalidaas ke pratham shataabdi isa poorv se chhathi shataabdi isavi ke madhya hona tay hai.^[7] durbhaagyavash is samay seema ke andar ve kab hue is par kaafi matabhed hain. vidvaanon mein (i) dviteeya shataabdi isa poorv ka mat (ii) pratham shataabdi isa poorv ka mat (iii) truteeya shataabdi isavi ka mat (iv) chaturth shataabdi isavi ka mat (v) paaainchavi shataabdi isavi ka mat, tatha (vi) chhatheen shataabdi ke poorvaarddh ka mat; prachalit the. inmein jyaadaatar khandit ho chuke hain ya unhein maanane vaale ikke dukke log hain kintu mukhya sangharsh 'pratham shataabdi isa poorv ka mat aur 'chaturth shataabdi isavi ka mat' mein hai.^[8]

pratham shataabdi isa poorv ka mat -

parampara ke anusaar kaalidaas ujjayini ke un raaja vikramaaditya ke samakaaleen hain jinhonne isa se 57 varsh poorv vikram sanvat chalaaya.^[9] vikramorvasheeya ke naayak pururava ke naam ka vikram mein parivartan se is tark ko bal milta hai ki kaalidaas ujjayani ke raaja vikramaaditya ke raajadarabaari kavi the. inhein vikramaaditya ke navaratnon mein se ek maana jaata hai.

chaturth shataabdi isavi ka mat -

pro॰ keeth aur anya itihaasakaar kaalidaas ko gupt shaasak chandragupt vikramaaditya aur unke uttaraadhikaari kumaaragupt se jodte hain, jinka shaasanakaal chauthi shataabdi mein tha.^[10] aisa maana jaata hai ki chandragupt dviteeya ne vikramaaditya ki upaadhi li aur unke shaasanakaal ko svarnayug maana jaata hai.

vivaad aur paksh-pratipaksh -

• kaalidaas ne shung raajaaon ke chhodkar apni rachanaaon mein apne aashrayadaata ya kisi saamraajya ka ullekh naheen kiya. sachchaai to yeh hai ki unhonne pururava aur urvashi par aadhaarit apne naatak ka naam vikramorvasheeyam rakha. kaalidaas ne kisi gupt shaasak ka ullekh naheen kiya. vikramaaditya naam ke kai shaasak hue, sambhav hai ki kaalidaas inmein se kisi ek ke darbaar mein kavi rahe hon. adhikaansh vidvaanon ka maanana hai ki kaalidaas shung vansh ke shaasanakaal mein the, jinka shaasanakaal 100 sadi isaapoorv tha.

• agnimitr, jo maalavikaagnimitr naatak ka naayak hai, koi suvikhyata raaja naheen tha, iseeliye kaalidaas ne use vishishtata pradaan naheen ki. unka kaal isa se do shataabdi poorv ka hai aur vidisha usaki rajdhani thi. kaalidaas ke dvaara is katha ke chunaav aur meghadoot mein ek prasiddh raaja ki rajdhani ke roop mein uske ullekh se yeh nishkarsh niklata hai ki kaalidaas agnimitr ke samakaaleen the.

• yeh spasht hai ki kaalidaas ka utkarsh agnimitr ke baad (150 i॰ poo॰) aur 634 i॰ poorv tak raha hai, jo ki prasiddh aihol ke shilaalekh ki tithi hai, jismein kaalidaas ka mahaan kavi ke roop mein ullekh hai. yadi is maanyata ko sveekaar kar liya jaae ki maanda ki kavitaaon ya 473 i॰ ke shilaalekh mein kaalidaas ke lekhan ki jaankaari ka ullekh hai, to unka kaal chauthi shataabdi ke ant ke baad ka naheen ho sakta.

• ashvaghosh ke buddhacharit aur kaalidaas ki krutiyon mein samaanataaen hain. yadi ashvaghosh kaalidaas ke rini hain to kaalidaas ka kaal pratham shataabdi i॰ se poorv ka hai aur yadi kaalidaas ashvaghosh ke rini hain to kaalidaas ka kaal isa ki pratham shataabdi ke baad thaharega.

• ham koi bhi tithi sveekaar karein, vah hamaara uchit anumaan bhar hai aur isse adhik kuchh naheen.

kaalidaas ke janmasthaan ke baare mein bhi vivaad hai. meghadootam mein ujjain ke prati unki vishesh prem ko dekhte hue kuchh log unhein ujjain ka nivaasi maanate hain.

saahityakaaron ne ye bhi siddh karne ka prayaas kiya hai ki kaalidaas ka janm uttaraakhand ke roodraprayaag jile ke kaviltha gaanv mein hua tha. kaalidaas ne yaheen apni praarambhik shiksha grahan ki thi auऱ yaheen par unhonne meghadoot, kumaarasanbhav auऱ raghuvansh jaise mahaakaavyon ki rachana ki thi. kaviltha chaaradhaam yaatra maarg mein guptakaashi mein sthit hai. guptakaashi se kaaleemath siddhapeeth vaale raaste mein kaaleemath mandir se chaar kilometer aage kaviltha gaanv sthit hai. kaviltha mein sarkaar ne kaalidaas ki pratima sthaapit kar ek sabhaagaar ki bhi nirmaan karavaaya hai. jahaan par har saal June maah mein teen dinon tak goshthi ka aayojan hota hai, jismein deshbhar ke vidvaan bhaag lete hain.

kuchh vidvaanon ne to unhein Bengal aur udeesa ka bhi saabit karne ki koshis ki hai. kehte hain ki kaalidaas ki Sri Lanka mein hatya kar di gayi thi lekin vidvaan ise bhi kapol-kalpit maanate hain.^[11]

kathaaon aur kimvaadantiyon ke anusaar kaalidaas shaklo-soorat se sundar the aur vikramaaditya ke darbaar ke navaratnon mein ek the. kaha jaata hai ki praarambhik jeevan mein kaalidaas anapadh aur moorkh the.

kaalidaas ki shaadi vidyottama naam ki Rajkumari se hui. aisa kaha jaata hai ki vidyottama ne pratijnyaa ki thi ki jo koi use shaastraarth mein hara dega, vah usi ke saath shaadi karegi. jab vidyottama ne shaastraarth mein sabhi vidvaanon ko hara diya to apamaan se dukhi kuchh vidvaanon ne kaalidaas se usaka shaastraarth karaaya. vidyottama maun shabdaavali mein goodh prashn poochhati thi, jise kaalidaas apni buddhi se maun sanketon se hi javaab de dete the. vidyottama ko lagta tha ki kaalidaas goodh prashn ka goodh javaab de rahe hain. udaaharan ke liye vidyottama ne prashn ke roop mein khula haath dikhaaya to kaalidaas ko laga ki yeh thappad maarane ki dhamaki de rahi hai. uske javaab mein kaalidaas ne ghoonsa dikhaaya to vidyottama ko laga ki vah kah raha hai ki paaainchon indriyaaain bhale hi alag hon, sabhi ek man ke dvaara sanchaalit hain.

vidyottama aur kaalidaas ka vivaah ho gaya tab vidyottama ko sachchaai ka pata chala ki kaalidaas anapadh hain. usane kaalidaas ko dhikkaara aur yeh kah kar ghar se nikaal diya ki sachche pandit bane bina ghar vaapis naheen aana. kaalidaas ne sachche man se kaali devi ki aaraadhana ki aur unke aasheervaad se ve gyaani aur dhanavaan ban gaye. gyaan praapti ke baad jab ve ghar laute to unhonne darvaaja khadka kar kaha - kapaatam udghaatya sundari (darvaaja kholo, sundari). vidyottama ne chakit hokar kaha -- asti kashchid vaagvishesh: (koi vidvaan lagta hai).

kaalidaas ne vidyottama ko apna pathapradarshak guroo maana aur uske is vaakya ko unhonne apne kaavyon mein jagah di. kumaarasanbhavam ka praarambh hota hai- astyuttarasyaam dishi… se, meghadootam ka pehla shabd hai- kashchitkaantaa… aur raghuvansham ki shuruaat hoti hai- vaagaarthaviv… se.

chhoti-badi kul lagbhag chaalees rachanaaeain hain jinhein alag-alag vidvaanon ne kaalidaas dvaara rachit siddh karne ka prayaas kiya hai.^[12] inmein se maatr saat hi aisi hain jo nirvivaad roop se kaalidaasakrut maani jaati hain: teen naatak: abhigyaan shaakuntalam, vikramorvasheeyam aur maalavikaagnimitram; do mahaakaavya: raghuvansham aur kumaarasanbhavam; aur do khandakaavya: meghadootam aur ritusanhaar. inmein bhi ritusanhaar ko pro॰ keeth sandeh ke saath kaalidaas ki rachana sveekaar karte hain.^[13]

naatak

maalavikaagnimitram kaalidaas ki pehli rachana hai, jismein raaja agnimitr ki kahaani hai. agnimitr ek nirvaasit naukar ki beti maalavika ke chitr ke prem karne lagta hai. jab agnimitr ki patni ko is baat ka pata chalta hai to vah maalavika ko jail mein dalava deti hai. magar sanyog se maalavika Rajkumari saabit hoti hai aur uske prem-sambandh ko sveekaar kar liya jaata hai.

abhigyaan shaakuntalam kaalidaas ki doosari rachana hai jo unki jagataprasiddhi ka kaaran bana. is naatak ka anuvaad angreji aur jarman ke alaava duniya ke anek bhaashaaon mein hua hai. ismein raaja dushyant ki kahaani hai jo van mein ek parityakt rishi putri shakuntala (vishvaamitr aur menaka ki beti) se prem karne lagta hai. donon jungle mein gandharv vivaah kar lete hain. raaja dushyant apni rajdhani laut aate hain. isi beech rishi durvaasa shakuntala ko shaap de dete hain ki jiske viyog mein usane rishi ka apamaan kiya vahi use bhool jaaega. kaafi kshamaapraarthana ke baad rishi ne shaap ko thoda naram karte hue kaha ki raaja ki angoothi unhein dikhaate hi sab kuchh yaad aa jaaega. lekin rajdhani jaate hue raaste mein vah angoothi kho jaati hai. sthiti tab aur gambhir ho gayi jab shakuntala ko pata chala ki vah garbhavati hai. shakuntala lakh gidgidaai lekin raaja ne use pahachaanane se inkaar kar diya. jab ek machhuaare ne vah angoothi dikhaayi to raaja ko sab kuchh yaad aaya aur raaja ne shakuntala ko apna liya. shakuntala shrungaar ras se bhare sundar kaavyon ka ek anupam naatak hai. kaha jaata hai kaavyeshu naatakan ramyan tatr ramya shakuntala (kavita ke anek roopon mein agar sabse sundar naatak hai to naatakon mein sabse anupam shakuntala hai.)

vikramorvasheeyam ek rahasyon bhara naatak hai. ismein puroorava indralok ki apsara urvashi se prem karne lagte hain. puroorava ke prem ko dekhkar urvashi bhi unase prem karne lagti hai. Indra ki sabha mein jab urvashi nrutya karne jaati hai to puroorava se prem ke kaaran vah vahaan achha pradarshan naheen kar paati hai. isse Indra gusse mein use shaapit kar dharati par bhej dete hain. haalaanki, usaka premi agar usase hone vaale putr ko dekh le to vah fir svarg laut sakegi. vikramorvasheeyam kaavyagat saundarya aur shilp se bharpoor hai.

mahaakaavya

kumaarasanbhavam unke mahaakaavyon ke naam hai. raghuvansham mein sampoorn raghuvansh ke raajaaon ki gaathaaeain hain, to kumaarasanbhavam mein Shiv-paarvati ki premakatha aur kaartikeya ke janm ki kahaani hai.

raghuvansham mein kaalidaas ne raghukul ke raajaaon ka varnan kiya hai.

khandakaavya

meghadootam ek geetikaavya hai jismein yaksh dvaara megh se sandesh le jaane ki praarthana aur use doot bana kar apni priya ke paas bhejane ka varnan hai. meghadoot ke do bhaag hain - poorvamegh evam uttaramegh.

ritusanhaaram mein sabhi rituon mein prakruti ke vibhinn roopon ka vistaar se varnan kiya gaya hai.

anya rachanaaeain

inke alaava kai chhitput rachanaaon ka shreya kaalidaas ko diya jaata hai, lekin vidvaanon ka mat hai ki ye rachanaaen anya kaviyon ne kaalidaas ke naam se ki. naatakakaar aur kavi ke alaava kaalidaas jyotish ke bhi visheshagya maane jaate hain. uttar kaalaamrutam naamak jyotish pustika ki rachana ka shreya kaalidaas ko diya jaata hai. aisa maana jaata hai ki kaali devi ki pooja se unhein jyotish ka gyaan mila. is pustika mein ki gayi bhavishyavaani satya saabit huin.

kaalidaas ko kavikulaguru, kanishthikaadhishthit aur kavitaakaamineevilaas jaisi prashanshaatmak upaadhiyaaain pradaan ki gayi hain jo unke kaavyagat vishishtataaon se abhibhoot hokar hi di gayi hain. kaalidaas ke kaavya ki vishishtataaon ka varnan nimnavat kiya ja sakta hai:

bhaashaagat vishishtataaeain

kaalidaas vaidarbhi reeti ke kavi hain aur unhonne prasaad gun se poorn lalit shabdayojana ka prayog kiya hai. prasaad gun ka lakshan hai - "jo gun man mein vaise hi vyaapt ho jaaya jaise sookhi indhan ki lakdi mein agni sahasa prajvalit ho uthati hai"^[14] aur kaalidaas ki bhaasha ki yahi visheshata hai.

kaalidaas ki bhaasha madhur naad sundari se yukt hai aur samaason ka alpaprayog, padon ka samuchit sthaan par nivesh, shabdaalankaaron ka svaabhaavik prayog ityaadi gunon ke kaaran usamein pravaah aur praanjalata vidyamaan hai.

alankaar yojana

kaalidaas ne shabdaalankaaron ka svaabhaavik prayog kiya hai aur unhein upama alankaar ke prayog mein siddhahast aur unki upamaaon ko shreshth maana jaata hai.^[15] udahaaran ke liye:

arthaat svayanvar mein baari-baari se pratyek raaja ke saamane gaman karti hui indumati raajaaon ke saamane se chalti hui deepashikha ki tarah lag rahi thi jiske aage badh jaane par raajaaon ka mukh vivrn (reject kar diye jaane se andhakaaramaya, malin) ho jaata tha.

abhivyanjana

kaalidaas ki kavita ki pramukh visheshata hai ki vah chitron ke nirmaan mein sabkuchh na kehkar bhi abhivyanjana dvaara poora chitr kheench dete hain. jaise:

arthaat devarshi ke dvaara aisi (paarvati ke vivaah prastaav ki) baat karne par, pita ke sameep baithi paarvati ne sir jhuka kar haath mein liye kamal ki pankhudiyon ko ginna shuroo kar diya.

koodiyttam mein sanskrut aadhaarit naatakon ka ek rangamanch hai, jahaan bhaas ke naatak khele jaate hain. mahaan koodiyttam kalaakaar aur naatya shaastr ke vidvaan svargeeya naatyaachaarya vidushakarattanam padmashri guroo mani maadhav chakyaar ne kaalidaas ke naatakon ke manchan ki shurooaat ki. kaalidaas ko lokapriya banaane mein dakshin bhaarateeya bhaashaaon ke filmon ka bhi kaafi yogadaan hai. kannad bhaasha ki filmon kavirtn kaalidaas aur mahaakavi kaalidaas ne kaalidaas ke jeevan ko kaafi lokapriya banaaya. in filmon mein special ifekt aur sangeet ka bakhoobi upayog kiya gaya tha. vi shaantaaraam ne shakuntala par aadhaarit film banaayi thi. ye film itni prabhaavashaali thi ki ispar aadhaarit anek bhaashaaon mein kai filmein banaai gayi.

hindi lekhak mohan Rakesh ne kaalidaas ke jeevan par ek naatak aashaadh ka ek din ki rachana ki, jo kaalidaas ke sangharshasheel jeevan ke vibhinn pahaluon ko dikhaata hai. 1976 mein sureindr varma ne ek naatak likha, jismein is baat ka jikr kiya gaya hai ki paarvati ke shaap ke kaaran kaalidaas kumaarasanbhav ko poora naheen kar paae the. Shiv aur paarvati ke gaarhasth jeevan ka ashleelataapoorvak varnan karne ke liye paarvati ne unhein yeh shaap diya tha. is naatak mein kaalidaas ko chandragupt ki adaalat ka saamana karna pada, jahaan panditon aur naitiktaavaadiyon ne unapar anek aarop lagaae. is naatak mein na sirf ek lekhak ke sangharshasheel jeevan ko dikhaaya gaya hai, balki lekhak ki abhivyakti ki svatantrata ke mahatva ko bhi rekhaankit kiya gaya hai.

asti kashchit vaagartheeyam naam se Dr Krishna Kumar ne 1984 mein ek naatak likha, yeh naatak kaalidaas ke vivaah ki lokapriya katha par aadhaarit hai. is katha ke anusaar, kaalidaas ped ki usi tahani ko kaat rahe hote hain, jis par ve baithe the. vidyottam se apamaanit do vidvaanon ne usaki shaadi isi kaalidaas ke kara di. jab use thage jaane ka ehsaas hota hai, to vo kaalidaas ko thukara deti hai. saath hi, vidyottama ne ye bhi kaha ki agar ve vidya aur prasiddhi arjit kar lautate hain to vah unhein sveekaar kar legi. jab kaalidaas vidya aur prasiddhi arjit kar laute to sahi raasta dikhaane ke liye kaalidaas ne unhein patni na maankar guroo maan liya.

kaalidaas aur dandi mein kaun shreshth kavi the, is savaal ko donon ne maata sarasvati ke saamane rakha. sarasvati ne javaab diya, dandi. dukhi kaalidaas ne poochha, "to maaain main kuchh bhi naheen"? maata ne javaab diya, tvamevaahan, yaani tum aur main donon ek jaise hain.

kaalidaas ke jeevan aur rachanaaon ke pariprekshya mein upanyaas kaalidaas ke jeevan ke pariprekshya mein ek upanyaas ki rachana ki gayi hai. moolat: ise malayaalam bhaasha mein likha gaya hai, lekin lekhak ne hi usaka hindi roopaantar likha hai. malayaalam mein iska prakaashan deesi books kottayam dvaara kiya ja raha hai. hindi roopaantar ke prakaashan ke sambandh mein abhi tak kuchh nishchit naheen hua hai. upanyaasakaar dau॰ake.si.ajayakumaar

ke di sethana, praubalams of enshiyent India (adhyaaya-the times of kaalidaas), 2000 nai Delhi, aaditya prakaashan kaalidaas vastut: bhaarateeya saahitya ke nakshatr.

• sanskrut saahitya
• sanskrut naatak

vikimeediya kaumans par kaalidaas se sambandhit media hai.

• kaalidaas : sanskrut bhaasha ke sabse mahaan kavi
• kaalidaas: traansaleshan of shakuntala end adar varks, lekhak-aarthar dablyoo raayadar
• kaalidaas ki rachanaaen gutenabarg pariyojana par
• Kāalidāasa's Kumāarasambhava, cantos I-VIII (Google book By Kāalidāasa, Mallināatha, Moreshvar Ramchandra Kāale]
• kaalidaas ka saahitya - englische Vers- und Wort-füaar-Wort Üaabersetzung von Rtusamhara, Raghuvamsa 1-6, Kumarasambhavam 1 (im Internet Archive)